[ ᭑᭕᭙ 159B]
᭑᭕᭙᭞
ᬭᬶᬂᬲᬂᬧᬭᬧᬸᬢ᭄ᬭ᭞ᬦᬶᬓᬶᬭᬢᬸᬢᬶᬢ᭄ᬬᬂᬗᬢᬸᬭᬂᬧᬶᬢᬸᬮᬸᬂ᭞ᬭᬶᬂᬧᬤᬸᬓᬵᬤᬾᬯ᭞ᬫᬓᬤᬶᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬓᬮᬶᬄᬭᬶᬂᬳᬤᬫᬓᭂᬚᬂ᭟ᬚᬢᬶᬦᬶᬓᬵᬜᬫᬦ᭄ᬢᬶᬢ᭄ᬬᬂᬲᬋᬂᬫᬶᬚᬶᬮ᭄᭞ᬓᬂᬇᬦ᭄ᬤ᭄ᬭ
ᬲᬧ᭄ᬭ᭄ᬬᬡ᭞ᬧᭂᬲᬾᬗᬦ᭄ᬳᬶᬤᬳᬶᬩᭂᬮᬶ᭞ᬭᬳᬸᬯᬸᬄᬫ᭄ᬭᬶᬓᬶᬗᬺᬋᬄᬢᬶᬢ᭄ᬬᬂ᭟ᬓᬾᬢᭀᬳᬢᬸᬃᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬶᬳᬸᬦᬶᬂ᭞ᬭᬶᬂᬳᬶᬤᬲᬂᬦᬵᬣ᭞ᬓᬮᬶᬄᬭᬶᬂᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬫᬶᬯᬄᬭᬶᬂᬯᬢᭂᬓ᭄ᬧ᭄ᬭ
ᬧᬸᬢ᭄ᬭ᭞ᬩᬸᬗᬄᬳᬾᬕᬃᬲᬂᬦᬵᬣᬯᬯᬸᬫᬶᬬᬃᬱᬶ᭞ᬫᬓᬤᬶᬧ᭄ᬭᬧᬸᬢ᭄ᬭ᭞ᬳ᭄ᬬᬂᬓᬬᬸᬦᬾᬢᬦ᭄ᬲᬶᬧᬶ᭞ᬲᬂᬦᬵᬣᬮᬯᬸᬢ᭄ᬗᬦ᭄ᬤᬶᬓ᭟ᬉᬤᬸᬄᬦᬦᬓ᭄ᬢᬸᬮᬸᬲᬂᬍᬕᬦᬾᬚᬦᬶ᭞ᬫᬭᬭᬫᬩᬧ
᭞ᬭᬭᬶᬲᬂᬦᬦᬓ᭄ᬩᬩᬤᬶᬦ᭄᭞ᬳᭂᬢᭀᬦᬹᬳᬶᬧᬾᬦ᭄ᬳᬶᬤᬾᬯ᭟ᬲᬋᬂᬲᬗ᭄ᬓᬦ᭄ᬓᬾᬢᭀᬫᬦᬶᬓᬦ᭄ᬲᬗᬚᬶ᭞ᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬭᬭᬶᬲ᭄ᬳᬶᬤᬫᬢᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭟ᬤᬶ
[ ᭑᭖᭐ 160A]
ᬢᬸᬮᬯᬸᬢ᭄ᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡᬕᭂᬮᬶᬲ᭄᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬭᬶᬂᬭᬳᬶᬦ᭄ᬳᬶᬤᬧ᭄ᬭᬚᬦᬶ᭞ᬤᬸᬄ᭠ᬳᬤᬶᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭟ᬫ᭄ᬭᬶᬓᬳᬤᬶᬢᬫ᭄ᬩᬦᬶᬭᬩᬶᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬢᬶᬃᬣᬫᬺᬢ᭞ᬧᬸ
ᬦᬶᬓᬳᬗ᭄ᬕᬾᬦᬵᬜᬧ᭄ᬲᬧᬶᬦ᭄᭞ᬭᬕᬦ᭄ᬳ᭄ᬬᬤᬶᬦᬾᬫᬓᭂᬚᬂ᭟ᬇᬚᬸᬮᬯᬸᬢ᭄ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬗᬫ᭄ᬩᬶᬮ᭄᭞ᬢᬶᬃᬣᬩᬜᬸᬫᬺᬢ᭞ᬭᬶᬂᬲᬗ᭄ᬓᬸᬳᭂᬫᬲᬾᬭᬭᬶᬲ᭄᭞ᬓᬲᬧ᭄ᬲᬧᬶᬦ᭄ᬭ᭠
ᬕᬦ᭄ᬳᬶᬤ᭟ᬳᬦ᭄ᬢᬸᬓ᭄ᬢᬶᬃᬣᬭᬕᬦ᭄ᬳᬶᬤᬭᬤᬾᬦᬵᬤᬾᬯᬶ᭞ᬲᬓ᭄ᬱᬢ᭄ᬢᬶᬃᬣᬕᭂᬲᬂ᭞ᬲᬫ᭄ᬧᬸ᭠ᬦ᭄ᬳᬸᬲᬦ᭄ᬓᬲᬧ᭄ᬲᬧᬶᬦ᭄᭞ᬤᬤᬶᬳᬶᬤᬫᬘᬶᬗᬓᬦ᭄᭟ᬗ᭄ᬭᬱᬭᬕᬓᬾᬦᬓ᭄ᬭᬭᬶᬲ᭄ᬫᬢᬗᬶ᭞ᬲ
ᬓᬶᬂᬧᬢᬸᬭᭀᬦᬦ᭄᭞ᬇᬭᬶᬓᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬤᬶᬢᬸᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭟ᬢᬢᬲ᭄ᬗᬓ᭄ᬱᬶᬲᬋᬂᬳᬶᬤᬫᬶᬰ᭄ᬯᬭᬶ᭞ᬧᬸᬢ᭄ᬭᬦᬾᬯᬸᬲ᭄ᬓᬾᬦᬓ᭄᭞ᬢᬸᬃᬲᬫ᭄ᬧᬸᬦ᭄ᬓᬾᬗᬶᬦ᭄ᬫᬮᬶᬗ᭄ᬕᬶᬄ᭞ᬮᬾ
Kaca:Bali-lontar-gaguritan-indra-bang-induraja-300ppi.pdf/160
Kaca puniki sampun kauji-wacén
