Kaca:Bali-lontar-gaguritan-indra-bang-induraja-300ppi.pdf/156

Saking Wikisource
Kaca puniki sampun kauji-wacén

[ ᭑᭕᭕ 155B]
᭑᭕᭕᭞
ᬫᬘᭂᬮᬸᬧ᭄᭞ᬦᬢᬲᬂᬳᭂᬤᬦᬾᬲᬸᬗ᭄ᬓᬦ᭄᭞ᬬᬦᬶᬂᬓᬾᬗᬶᬦ᭄᭞ᬢᬶᬢ᭄ᬬᬂᬫᬗᬢᬸᬭᬂᬢᬫ᭄ᬩ᭟ᬫᬳᬸᬢᬂᬳᬦᬓᬾᬳᭀᬤᬄ᭞ᬇᬗ᭄ᬕᬶᬄᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬫᬗᬢᬸᬭᬂᬭᬶᬂᬲᬂᬓ
ᬢᭀᬂ᭞ᬳᬶᬭᬶᬓᬶᬳᬦ᭄ᬢᭀᬲᬂᬤᬸᬫᬸᬦ᭄᭞ᬳᬦᬓᬾᬢᬸᬯᬫᬚᬮᬦ᭄᭞ᬲᬤᬕᬢᬶ᭞ᬚᬕᬧᬋᬓ᭄ᬭᬶᬂᬲᬂᬦᬵᬣ᭟ᬢᬦ᭄ᬓᭀᬘᬧ᭄ᬚᬦᬶᬤᬶᬚᬮᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬳᬚᭂᬂ
ᬳᬶᬤᬲᬂᬓᬢᭀᬂ᭞ᬗᬦ᭄ᬤᬶᬓᬳᬶᬤᬲᬂᬧ᭄ᬭᬪᬸ᭞ᬳᬧᬲᬤ᭄ᬬᬦ᭄ᬳᬶᬩᬢᭂᬓ᭞ᬳᬸᬮᬢ᭄ᬕᬢᬶ᭞ᬳᬦᬓᬾᬢᬸᬯᬫᬜᬸᬫ᭄ᬩᬄ᭟ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬫᬗᬸᬦᬶᬗᬂᬫᬗ᭄ᬓᬶᬦ᭄᭞ᬳᬦ᭄ᬢ
ᬓ᭄ᬯᬾᬦ᭄ᬢᭂᬦ᭄ᬢᬫ᭄ᬬᬸᬋᬓᭀ᭞ᬚᬕᬵᬧᬋᬓ᭄ᬭᬶᬂᬳᬶᬭᬢᬸ᭞ᬫᬗ᭄ᬓᬶᬦ᭄ᬓᬭᬶᬤᬶᬩᬜ᭄ᬘᬶᬗᬄ᭞ᬚᬢ᭄ᬫᬫ᭄ᬯᬦᬶ᭞ᬓᬭᬶᬩᬚᬂᬳᬮᬶᬢ᭄ᬧᬶᬲᬦ᭄᭟ᬬᬦᬶᬂᬚᬤ᭄ᬫᬦᬾᬧᬸᬦᬶᬓ᭞ᬯᬃᬡ᭄ᬦᬦᬾᬩᬕᬸᬲ᭄ᬢᬸᬃᬕᭂᬜ᭄ᬚᬶᬂ᭞᭠
[ ᭑᭕᭖ 156A]
ᬧᬭᬗ᭄ᬕᬾᬦᬾᬧᬸᬢᬶᬄᬋᬓᭀ᭞ᬫᬶᬭᬶᬩ᭄ᬩᬮ᭄ᬬᬦ᭄ᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬫᬗ᭄ᬓᬶᬦ᭄ᬫᬶᬤᭂᬧ᭄ᬫᬗᬸᬧᬥ᭞ᬲᭀᬭᭀᬄᬲᬓᬶᬢ᭄᭞ᬲᬫ᭄ᬧᬸᬦ᭄ᬲ᭄ᬭᬕᭂᬧ᭄ᬫᬓ᭄ᬢᬢᬫ᭄ᬩ᭟ᬓᬾᬢᭀᬳᬢᬸᬭᬾᬳᬶᬢᬸᬯ᭞
ᬲᬂᬦᬵᬣᬓᬕ᭄ᬬᬢ᭄ᬜᬯᬸᬭᬶᬦ᭄᭞ᬳᭂᬦᬄᬮᬫᬸᬦ᭄ᬲᬚᬓᬾᬢᭀ᭞ᬓᭂᬫᬵᬓᬾᬳᬶᬩᬫᬯᬦ᭄ᬢᬸᬦ᭄᭞ᬳᬮᬶᬄᬢᬫ᭄ᬬᬸᬦᬾᬧᬂᬳᬾᬗ᭄ᬕᬮ᭄᭞ᬢᭂᬓᬫᬳᬶ᭞ᬬᬳᬦᬓᬾᬢ᭄ᬯᬫᬵᬚᬸᬜᬸᬫ᭄ᬩᬄ᭟
ᬫᬧᬫᬶᬢ᭄ᬮᬯᬸᬢ᭄ᬫᬚᬮᬦ᭄᭞ᬫᭂᬗᬮᬶᬄᬢᬫ᭄ᬬᬸᬦᬾᬚᬦᬶ᭞ᬢᭂᬓᬮᬯᬸᬢ᭄ᬫᬢᬸᬃᬳᬮᭀᬦ᭄᭞ᬢᭂᬓᬾᬦᬶᬂᬢᬫ᭄ᬬᬸᬦᬾᬤᬶᬢᬸ᭞ᬇᬗ᭄ᬕᬶᬄᬕᬸᬲ᭄ᬢᬶᬓᬦ᭄ᬤᬶᬓᬬᬂ᭞ᬗᬶᬭᬶᬂᬫᬗ᭄ᬓᬶᬦ᭄᭞ᬓᬧᬸ
ᬭᬶᬫᬋᬓ᭄ᬲᬂᬦᬵᬣ᭟ᬢᬫ᭄ᬬᬸᬦᬾᬭᬭᬶᬲ᭄ᬫᬫᬃᬕ᭄ᬕ᭞ᬕᭂᬮᬶᬲ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶ᭞ᬫᬜᬸᬫ᭄ᬩᬄᬮᬯᬸᬢ᭄ᬜᭀᬗ᭄ᬓᭀᬓ᭄᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬩᬶᬲᬘᬳᬶᬗᬯᬾᬳᬸᬩᬤ᭄᭞