Kaca:Bali-lontar-gaguritan-indra-bang-induraja-300ppi.pdf/154

Saking Wikisource
Kaca puniki sampun kauji-wacén

[ ᭑᭕᭓ 153B]
᭑᭕᭓᭞
ᬦ᭄ᬢᭂᬦ᭄ᬲᬫ᭄ᬧᬸᬦ᭄ᬧᭂᬚᬄ᭟ᬮᬫᬸᬦ᭄ᬓᬭᬶᬫᬳᬸᬓᬸᬤᬦ᭄᭞ᬩᬗ᭄ᬓᬾᬦ᭄ᬚᬤ᭄ᬫᬦᬾᬘᬶᬗᬓᬶᬦ᭄᭞ᬲᬓᬾᬯᬦ᭄ᬢᭂᬦ᭄ᬤᬸᬭᬸᬂᬩᭀᬲᭀᬓ᭄᭞ᬳᭂᬜᬕ᭄ᬩᬺᬓ᭄ᬫᬫ᭄ᬩᬸᬳᬯᬸᬓ᭄᭞ᬓᬾᬗᬶᬦ᭄ᬳᬗ᭄ᬕᬾᬦ᭄ᬫᬗᬸᬭᬶᬧᬂ᭞ᬳᬶᬤᬸ
ᬧ᭄‌ᬫᬮᬶᬄ᭞ᬲᬧᬸᬦᬶᬓᬚ᭄ᬯᬳᬶᬗᭂᬢᬂ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬦᬃᬢ᭄ᬢᬬᬂ᭞ᬭᬩᬶᬦᬾᬓᬧᬲ᭄ᬢᬸᬫᬮᬶᬄ᭞ᬮᬫᬸᬦ᭄ᬗᬗ᭄ᬕᬾᬤᬬᬮᬶᬜᭀᬓ᭄᭞ᬳᬧᬂᬤᬦᭂᬫᬸᬭᬳᬬᬸ᭞ᬮᬫᬸᬦ᭄ᬲᬓᬾᬂᬚᬢᬶᬲᬸᬰ᭄ᬭ
ᬱ᭞ᬫᬗ᭄ᬤᬾᬫᬡ᭄ᬥᬶ᭞ᬲᬶᬂᬘᬶᬢ᭄ᬢᬬᬂᬩᭂᬮᬶᬲᬶᬤ᭄ᬥ᭟ᬳᬫ᭄ᬩᬸᬮ᭄ᬢᭀᬧᬩᭂᬲᭂᬦ᭄ᬳᬶᬤ᭞ᬭᬵᬚᬧᬸᬢ᭄ᬭᬢᭂᬓᬾᬦ᭄ᬭᬩᬶ᭞ᬮᬯᬸᬢ᭄ᬗᬲ᭄ᬢᬸᬢ᭄ᬬᬂᬋᬓᭀ᭞ᬫᬗ᭄ᬤᬾᬦᬾᬦᭂᬫᬸᬭᬳᬬᬸ᭞ᬭᬩᬶᬦᬾᬤᬶᬚᬮᬦ᭄ᬚᬮᬦ᭄᭞ᬫ
ᬗ᭄ᬤᬫᬮᬶᬄ᭞ᬲᬶᬤ᭄ᬥᬫᬦ᭄ᬢᬸᬓ᭄ᬫᬮᬶᬧᭂᬢᬦ᭄᭟ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬦᬵᬭᬶᬫ᭞ᬫᬦᬶᬓᬾᬲᬫ᭄ᬩᬶᬮ᭄ᬗᬬᬩᬶᬦ᭄᭞ᬭᬭᬶᬲ᭄ᬫᬫᬃᬕ᭄ᬕᬶᬫᬗᭀᬚᭀᬕ᭄᭞ᬳᬦ᭄ᬢᬧ᭄ᬭᬫᬡᬓᬚᬸᬚᬸᬃ᭞ᬫᬫᭂᬍᬂᬳᭂᬦ᭄ᬤᬕᬦ᭄ᬲᬸᬃᬬ᭄ᬬ᭞ᬤᬶᬸᬩᭂᬦᭂᬄ
[ ᭑᭕᭔ 154A]
ᬓᬗᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦ᭟ᬲᬸᬯᬾᬦᬵᬳᬶᬤᬦᬾᬫᬫᬃᬕ᭄ᬕ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄ᭠ᬫᬗ᭄ᬓᬶᬦ᭄᭞ᬭᬶᬂᬧᬶᬗ᭄ᬕᬶᬃᬦᬵᬕᬭᬋᬓᭀ᭞ᬳᬦ᭄ᬢᬄᬧ᭄ᬭᬫᬡᬦᬾᬤᬶᬢᬸ᭞ᬓᭀᬢᬦᬾᬢᬶᬗ᭄ᬕᬃᬓᬘᬶᬗ
ᬓ᭄᭞ᬲᬤᬗᬶᬗ᭄ᬕᬶᬮ᭄᭞ᬳᬸᬮᬶᬚᭀᬄᬫᬭᬯᬢ᭄ᬢᭂᬭᬂ᭟ᬤᬤᬶᬘᬦ᭄ᬤᭂᬕ᭄ᬭᬚᬧᬸᬢ᭄ᬭ᭞ᬚᬦᬶᬤᬶᬧᬦᭂᬧᬶᬲᬶᬭᬶᬂ᭞ᬦᬸᬫᭂᬗᬯᬲ᭄ᬤᬶᬢᬸᬩᭂᬗᭀᬂ᭞ᬲᬫ᭄ᬩᬶᬮ᭄ᬫᬗ᭄ᬭᬯᭀᬲ᭄ᬤᬶᬓᬬᬸᬦ᭄᭞ᬳᭂᬦᬾᬢ᭄ᬯᬄᬬᬦᬵ
ᬕᬭ᭞ᬦᬾᬓᬳᬸᬗ᭄ᬲᬶ᭞ᬫᬳᬤᬦ᭄ᬳᬦ᭄ᬢᬧ᭄ᬭᬫᬡ᭞ᬓᬾᬢᭀᬭᬯᭀᬲᬾᬭᬶᬂᬘᬶᬢ᭄ᬢ᭞ᬫᬗ᭄ᬮᬯᬸᬢ᭄ᬳᬶᬤᬫᬫᬃᬕ᭄ᬕᬶ᭞ᬧᭂᬫᬃᬕ᭄ᬕᬶᬦᬾᬲᬤᬳᬾᬜ᭄ᬚᭀᬂ᭞ᬓᭀᬢᬦᬾᬤᬶᬢᬸᬓᬚᬸᬚᬸᬃ᭞ᬲᬫ᭄ᬧᬸᬦ᭄ᬭᬯᬸᬄᬫ
ᬭᬶᬂᬓᭀᬢ᭞ᬭᬭᬶᬲ᭄ᬩᬜ᭄ᬚᬶᬂ᭞ᬳᬶᬤᬫᬗ᭄ᬓᬶᬦ᭄ᬭᬶᬂᬩᬜ᭄ᬘᬶᬗᬄ᭟ᬭᬶᬲᬫ᭄ᬧᬸᬦᬾᬭᬯᬸᬳᬶᬭᬶᬓ᭞ᬭᬶᬚᬩᬦᬶᬂᬳᬜ᭄ᬘᬓ᭄ᬲᬚᬶ᭞ᬳᬤᬓᬧᬶᬋᬂᬋᬓᭀ᭞ᬳᬦ᭄ᬢᬸᬓ᭄ᬭᬚᬧᬸᬢ᭄ᬭᬤᬶᬢᬸ᭞ᬫᬶᬭᬶᬩ᭄ᬘᬭᬓᬫᬢ᭄ᬬᬦ᭄᭞ᬲᬸᬦ᭄ᬬ