Kaca:Bali-lontar-gaguritan-indra-bang-induraja-300ppi.pdf/152

Saking Wikisource
Kaca puniki sampun kauji-wacén

[᭑᭕᭑ 151B]
᭑᭕᭑᭞
ᬧ᭄ᬭ᭄ᬬᬡᬓᬯᬃᬡ᭄ᬦ᭞ᬲᬋᬂᬭᬶᬂᬧ᭄ᬭᬫᬶᬫᬓᬭᭀᬦ᭄᭞ᬫᭂᬦᬶᬤ᭄ᬭᬭᬶᬂᬚᬶᬦᭂᬫ᭄ᬫᬭᬸᬫ᭄᭞ᬤᬶᬢᬸᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬧᭀᬮᬶᬄᬗᬶᬧᬶ᭞ᬮᬸᬗ᭄ᬳᬓᬕᬸᬦᬸᬂᬧᬶᬡ᭄ᬟᬜ᭟ᬭᬳᬶᬦᬾᬇᬦ᭄ᬤ᭄ᬭᬩᬗ᭄ᬲ᭄ᬬᬡ᭞ᬤᬶ
ᬢᬸᬭᬲᬓᬘᬶᬗᬓᬶᬦ᭄᭞ᬤᬶᬕᬸᬦᬸᬂᬗᬾᬢᭂᬕᭂᬄᬗᬬᭀᬃ᭞ᬲᬋᬂᬓᬮᬶᬄᬳᬶᬲ᭄ᬢ᭄ᬭᬶᬓᬓᬸᬂ᭞ᬫᭂᬋᬫ᭄ᬤᬶᬕᬸᬦᬸᬗᬾᬗ᭄ᬮᬾᬢᬓ᭄᭞ᬕᬸᬮᬂᬕᬸᬮᬶᬂ᭞ᬲᬋᬂᬓᬮᬶᬄᬢᬦ᭄ᬧᬯᬲ᭄ᬢ᭄ᬭ᭟ᬢᬗ᭄ᬓᭂᬚᬸᬢ᭄ᬳᬶᬲᬵ
ᬫ᭄ᬭ᭄ᬬᬡ᭞ᬗᭂᬮᬶᬲᬂᬫᬗ᭄ᬓᬶᬦ᭄ᬫᬢᬗᬶ᭞ᬳᬾᬮᬶᬂᬭᬶᬂᬳᬶᬧ᭄ᬬᬦᬾᬓᬯᭀᬦ᭄᭞ᬤᬤᬶᬫᬗᬯᭀᬲ᭄ᬭᬶᬂᬓᬬᬸᬦ᭄᭞ᬓᬾᬦ᭄ᬓᬾᬦ᭄ᬚᭂᬦᭂᬂᬢᭂᬧᬸᬓᬶᬜ᭞ᬩᬳᬦ᭄ᬳ᭄ᬬᬤᬶ᭞ᬲᬗ᭄ᬓᬦ᭄ᬢᬸᬫ᭄ᬩᬾᬦ᭄ᬫᬗᬶᬧ᭄ᬬᬂ᭟ᬤᬤ᭄ᬬ
ᬜᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬫᬺᬲᭂᬓ᭄ᬤᬶᬚ᭄ᬭᭀᬦᬶᬂᬳᬢᬶ᭞ᬓᬓᭂᬢᭂᬕᬾᬓᭂᬲ᭄ᬬᬃᬓᭂᬲ᭄ᬬᭀᬃ᭞ᬫᬗ᭄ᬭᬭᬶᬲ᭄ᬳᬶᬤᬫᬮᬸᬗ᭄ᬕᬸᬄ᭞ᬭᬳᬶᬦᬾᬓᭂᬳᬚᬧ᭄ᬳᬚᬧ᭄᭞ᬚ᭄ᬭᭀᬦᬶᬂᬢᬗᬶ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫᬦᬶᬤᬸ᭟᭠
[ ᭑᭕᭒ 152A]
ᬢᬦ᭄ᬓᭀᬘᬧ᭄ᬯᭂᬗᬶᬧᬸᬦᬶᬓ᭞ᬩᬾᬜ᭄ᬚᬂᬲᭂᬫᭂᬗᬦ᭄ᬓᬯᬃᬡ᭄ᬦᬶ᭞ᬲᬂᬳ᭄ᬬᬂᬲᬸᬃᬬ᭄ᬬᬩᬯᬸᬦᭂᬮᭀᬓ᭄᭞ᬲᬂᬤᬾᬯᬶᬫᬢᬗᬶᬲᬫ᭄ᬧᬸᬦ᭄᭞ᬤᬶᬢᬸᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬫᭂᬦᬫ᭄ᬧᭂᬓᬶᬦᬶᬸᬦ᭄᭞
ᬧ᭄ᬭᬫᬶᬦᬾᬮᬯᬸᬢ᭄ᬗᬦ᭄ᬤᬶᬓ᭟ᬳᬸᬤᬸᬄᬭᬢᬸᬳᬢ᭄ᬫᬚ᭄ᬯᬶᬢ᭞ᬫᬲ᭄ᬫᬶᬭᬄᬩᭂᬮᬶᬦᬾᬳᬤᬶ᭞ᬓᬾᬦᬓᬂᬓᬬᬸᬦᬾᬋᬓᭀ᭞ᬳᬤᬶᬚᬸᬫᬄᬗ᭄ᬭᬕᬤᬸᬫᬸᬦ᭄᭞ᬓᬳᬶᬭᬶᬂᬢᭂᬓᬾᬦᬶᬂᬭᭀᬯᬂ᭞
ᬓᬸᬢᬸᬲ᭄ᬤᬶᬭᬶ᭞ᬳᭂᬥᬫᬗᬮᬳᬶᬦ᭄ᬳᬸᬫᬄ᭟ᬢᬶᬢ᭄ᬬᬂᬧᬫᬶᬢ᭄ᬚᬕᬮᬸᬗ᭄ᬳ᭞ᬧᬘᬂᬗᬺᬋᬄᬳᬶᬬᬤᬶ᭞ᬬᬤᬶᬚᬓᬧᭀᬫᬦᭀᬗᭀᬲ᭄᭞ᬩᭂᬮᬶᬜᬳᬢᬂᬫᬗ᭄ᬭᬸᬭᬸᬄ᭞ᬤᬾᬦᬵᬳᬶᬂᬳᬤᬶ
ᬦ᭄ᬩᭂᬮᬶᬧᬶᬲᬦ᭄᭞ᬢ᭄ᬯᬄᬳᬩᭂᬲᬶᬓ᭄᭞ᬩᬋᬂᬳᬚᬩᭂᬮᬶᬳᭂᬫ᭄ᬩᬲ᭄᭟ᬳᬓᬾᬢᭀᬧᬦ᭄ᬤᬶᬓᬦ᭄ᬳᬶᬤ᭞ᬇᬦ᭄ᬤ᭄ᬭᬲᬂᬧ᭄ᬭ᭄ᬬᬡᬭᬶᬂᬧ᭄ᬭᬫᬶ᭞ᬢᬢᬲ᭄ᬓᬧᬶᬋᬗᬂᬋᬓᭀ᭞ᬳᬦ᭄ᬢᬸᬓ᭄ᬤᬾᬯᬶᬭᬢ᭄ᬦ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-indra-bang-induraja-300ppi.pdf/152&oldid=37532"