[ ᭑᭔᭖ 146B]
᭑᭔᭖᭞
ᬤᬤᬶᬓᭂᬜᭂᬫ᭄ᬭᬚᬧᬸᬢ᭄ᬭᬶ᭞ᬫᬶᬋᬂᬳᬢᬸᬭᬾᬭᬳᬤ᭄ᬬᬦ᭄᭞ᬤᬤ᭄ᬬᬜᬲᬂᬭᬵᬚᬧᬸᬢ᭄ᬭᬶ᭞ᬳᬦ᭄ᬧᭂᬕᬢ᭄ᬫᬜᬸᬮᬶᬂᬮᬶᬂ᭞ᬓᭂᬜᬸᬗᬾᬯᬸᬮᬢ᭄ᬫᬓᬯᬸᬃ᭞ᬫᬦᬶᬲ᭄ᬫᬗᭂᬜᬕᬂᬘᬶᬢ᭄ᬢ᭞ᬓᭂᬫᬶᬓᬦ᭄ᬮᬫ᭄ᬩᬾ
ᬦᬾᬩᬗ᭄ᬓᬶᬢ᭄᭞ᬭᬭᬶᬲ᭄ᬳᬶᬘᬵ᭞ᬲᬂᬤᬾᬯᬶᬓᬮᬶᬦ᭄ᬢᬂᬮᬾᬤᬂ᭟ᬳᬬᬦᬾᬢ᭄ᬯᬭᬤᬧᬤ᭞ᬢᬸᬯᬶᬄᬢ᭄ᬯᬄᬲᬭᬶᬦ᭄ᬤᬤᬭᬶ᭞ᬢᬸᬫᬸᬭᬸᬦ᭄ᬫᬭᬕᬳᬶᬤ᭞ᬢᬶᬢ᭄ᬬᬂᬫᬦᬸᬦᬲᬾᬫᬗ᭄ᬓᬶᬦ᭄᭞ᬫᬓᬵᬮᬾᬤᬂ᭠
ᬓᬬᬸᬦ᭄ᬳᬤᬶ᭟ᬭᬾᬄᬢᬶᬢ᭄ᬬᬂᬫᬫᬦᬄᬫᬦ᭄ᬢᬸᬓ᭄᭞ᬓᬦᬵᬕᬭᬯᬶᬡ᭄ᬥᬸᬭᬵᬚ᭞ᬓᬬᬸᬦ᭄ᬓᬾᬳᬤᬶᬜᬋᬗᬶᬦ᭄᭞ᬩᭂᬮᬶᬫᬦ᭄ᬢᬸᬓ᭄᭞ᬓᬦᬵᬕᬭᬯᬶᬡ᭄ᬥᬸᬭᬵᬚ᭟ᬲᬂᬧᬸᬢ᭄ᬭᬶᬫᭂᬲᬯᬸᬃᬩᬦ᭄ᬩᬦ᭄᭞ᬉᬚᬭᬾ
ᬳᬭᬸᬫ᭄ᬫᬫᬦᬶᬲ᭄᭞ᬇᬗ᭄ᬕᬶᬄᬭᬢᬸᬲᬂᬮ᭄ᬯᬶᬃᬲ᭄ᬫᬭ᭞ᬩᬕᬸᬲᬾᬢᬦ᭄ᬧᬢᬦ᭄ᬤᬶᬂ᭞ᬢᬶᬢ᭄ᬬᬂᬧᬶᬢᭂ᭠ᬮᬲ᭄ᬫᬗᬶᬭᬶᬂ᭞ᬲᬮᬾᬤᬂᬓᬬᬸᬦ᭄ᬳᬶᬭᬢᬸ᭞ᬢᬶᬢ᭄ᬬᬂᬳᬦᬸᬢ᭄ᬲᬮᬓᬸᬲᬾᬮ᭄ᬯᬦ᭄᭞ᬲᬋᬂᬦᭂᬫᬸᬳᬮᬩᭂ
[ ᭑᭔᭗ 147A]
ᬘᬶᬓ᭄᭞ᬫᬢᬶᬳᬶᬤᬸᬧ᭄᭞ᬢᬶᬢ᭄ᬬᬂᬢᬦ᭄ᬲᬄᬫᬫᬋᬓᬦ᭄᭟ᬬ᭄ᬯᬤᬶᬦ᭄ᬓᬢᬶᬩᬭᬶᬂᬓᬯᬄ᭞ᬓᬍᬩ᭄ᬯᬶᬂᬲᬫ᭄ᬩ᭄ᬭᬕᭀᬃᬕ᭄ᬦᬶ᭞ᬢᬶᬢ᭄ᬬᬂᬦᬸᬢᬸᬕ᭄ᬢ᭄ᬯᬭᬩᭂᬮᬲ᭄᭞ᬯᬦ᭄ᬢᬄᬗᬶᬤᭂᬓᬸᬂᬗᭂᬮᬦ᭄ᬢᬶᬂ᭞ᬫᬗ᭄ᬤᬭᬶᬂᬩᬸᬓ᭄ᬧᬤᬦ᭄ᬩᭂ
ᬮᬶ᭞ᬕᭂᬦᬄᬢᬶᬢ᭄ᬬᬂᬧᬘᬂᬮᬫ᭄ᬧᬸᬲ᭄᭞ᬓᬮᬶᬄᬲᬫ᭄ᬧᬸᬦ᭄ᬓᬧᬶᬢᭂᬮᬲ᭄᭞ᬢᬶᬢ᭄ᬬᬂᬓᬧᬶᬘᬬᬂᬫᬗ᭄ᬓᬶᬦ᭄᭞ᬢᭂᬓᬾᬦ᭄ᬩᭂᬮᬶ᭞ᬳᬦ᭄ᬢᬸᬓ᭄ᬳ᭄ᬬᬵᬚᬶᬢᭂᬓᬾᬦ᭄ᬳᬶᬩ᭄ᬬᬂ᭟ᬳᬫ᭄ᬩᬸᬮ᭄ᬢᭀᬚᬦᬶᬳᬸᬘᬧᬂ᭞ᬲᬂᬓᬮᬶᬄ
ᬗ᭄ᬮᬾᬤᬗᬶᬦ᭄ᬳᬢᬶ᭞ᬭᬳᬶᬦᬯᭂᬗᬶᬢᬦ᭄ᬧᬲᬄ᭞ᬭᬶᬂᬧᬫᬺᬫᬦ᭄ᬲᬶᬮᬶᬳᬲᬶᬄ᭞ᬤᬾᬦᬶᬂᬢᬺᬱ᭄ᬡ᭠ᬦᬾᬗ᭄ᬭᬓᭂᬢᬶᬦ᭄᭞ᬇᬤᭂᬧᬾᬲᬸᬓᬫᬓᬸᬫ᭄ᬧᬸᬮ᭄᭞ᬤᬾᬦᬶᬂᬯᬯᬸᬧᬗᬦ᭄ᬢᬾᬦᬦ᭄᭞ᬢᭀᬂᬢᬳᬾ
ᬦ᭄ᬩᭂᬮᬲ᭄ᬳᬯᬳᬶ᭞ᬗᬫᭀᬂᬮᬸᬮᬸᬢ᭄᭞ᬩᬯᬸᬫᬭᬵᬳᬶᬤᬫᭂᬤᬮ᭄᭟ᬲᬓᬶᬂᬚ᭄ᬭᭀᬦᬶᬂᬧᬢᬶ᭠ᬍᬫᬦ᭄᭞ᬳᬓᬭᭀᬦ᭄ᬭᬶᬂᬭᬵᬚᬧᬸᬢ᭄ᬭᬶ᭞ᬫᬫᬃᬕ᭄ᬕᬶᬫᬋᬓ᭄ᬲᬂᬦᬵᬣ᭞ᬫᬶᬯᬄᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬭᬶ᭞ᬘᬭᬶ
