Kaca:Bali-lontar-gaguritan-indra-bang-induraja-300ppi.pdf/146

[ ᭑᭔᭕ 145B]
᭑᭔᭕᭞
ᬯᬸᬲᬧᬶᬢᬸᬢᬸᬃ᭞ᬤᬾᬦᬶᬂᬳᬶᬤᭂᬧᬾᬢᬦ᭄ᬧᬲᬄ᭞ᬫᬗᬸᬘᬧ᭄ᬲᬫ᭄ᬩᬶᬮ᭄ᬫᬦᬗᬶᬲ᭄᭞ᬤᬸᬄᬫᬵᬲ᭄ᬫᬶᬭᬄ᭞ᬘᬸᬘᬸᬦ᭄ᬢᬶᬢ᭄ᬬᬂᬢ᭄ᬯᬄᬳᬶᬤᬾᬯ᭟ᬫᭂᬫᬃᬕ᭄ᬕᬶᬤᬾᬯᬧᬂᬫᭂᬮᬄ᭞ᬤᬸᬫᬤᬓ᭄ᬲᬾᬘᬳ᭄ᬬᬂᬯᬶᬥᬶ᭞ᬦᬸᬮᬸᬭᬶᬦ᭄ᬗᬶ
ᬘᬾᬦ᭄ᬓ᭄ᬭᬳᬬ᭄ᬯᬦ᭄᭞ᬓᭂᬳᬫᭂᬮ᭄ᬳᬦ᭄ᬢᬸᬓ᭄ᬤᬾᬯᬤᬶ᭞ᬫᬗ᭄ᬤᬮᬸᬧᬸᬢᬶᬂᬳᬕ᭄ᬭᬶᬂ᭞ᬲᬢᬶᬩᬧᬭᬦᬶᬓᬬᬸ᭠ᬦ᭄᭞ᬫᬫᬗ᭄ᬕᬶᬄᬕᬮᬂᬳᬧᬤᬂ᭞ᬲᬶᬤ᭄ᬥᬓᬧᬗ᭄ᬕᬶᬄᬭᬶᬂᬳᬚᬶ᭞ᬫ᭄ᬯᬂᬭᬶᬂᬳᬶᬩᬸ᭞ᬤ᭄ᬬᬄᬲᬶᬢᬶᬭᬶᬂᬯᬶᬡ᭄ᬥᬸᬭᬵᬚ᭟
ᬓᬮᬶᬄᬢᬶᬢ᭄ᬬᬂᬫᬗᬸᬦᬶᬗᬂ᭞ᬭᬶᬂᬳᬶᬕᬸᬲ᭄ᬢᬶᬫᬗ᭄ᬤᬳᬸᬦᬶᬂ᭞ᬳᬦ᭄ᬢᬸᬓ᭄ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬧᬶᬲᬦ᭄᭞ᬲᬸᬫᬬᬦ᭄ᬢᬶᬢ᭄ᬬᬂᬗᬾᬫᬸᬮᬶᬄ᭞ᬓᬧᬸᬮᭀᬩᬢᬸᬃᬫᬜᭂᬧᬶ᭞ᬯᬲᬶᬢᬾᬲᬫ᭄ᬧᬸᬦ᭄ᬧᬶᬂᬢᭂᬮᬸ᭞ᬬᬂᬢ᭄ᬭᬶᬦ᭄ᬓᭀᬦᬫᬩᭂ
ᬮᬲᬦ᭄᭞ᬕᭂᬤᭂᬕ᭄ᬧᬢᬶᬘᭂᬮᬸᬧ᭄ᬘᭂᬮᬸᬧᬶᬦ᭄᭞ᬦᬕᬶᬄᬜᭂᬤᬸᬢ᭄᭞ᬳᬸᬫᬄᬫᬫᬮᬸᬫᬮ᭄ᬯᬦ᭄᭟ᬳᬫ᭄ᬩᬸᬮ᭄ᬢᭀᬦᬶᬦᬶᬦᬃᬢ᭄ᬢᬬᬂ᭞ᬢᬢᭂᬗᭂᬭᬾᬲᬫ᭄ᬧᬸᬦ᭄ᬧᬱ᭄ᬝᬶ᭞ᬧᬸᬦᬶᬓᬢᬶᬢ᭄ᬬᬂᬫᬗᭂᬮᬄ᭞ᬓᭂᬫᬢ᭄ᬫ᭄ᬬᬦ᭄ᬯᬦ᭄ᬢᬄᬳᬓᭂ
[ ᭑᭔᭖ 146A]
ᬤᬶᬓ᭄᭞ᬓᭀᬫ᭄ᬩᬮᬇᬓ᭄ᬫᬢᬾᬳᬲᬶᬓᬶ᭞ᬦᬶᬭᬶᬗᬢᬸᬭᬶᬦ᭄ᬳᬶᬭᬢᬸ᭞ᬳᬶᬤᬾᬯᬗᬫ᭄ᬩᬶᬮ᭄ᬫᬓᭂᬚᬂ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬭᬭᬶᬲ᭄᭞ᬫᬦᬭᬶᬫ᭞ᬧᬯᬾᬯᬾᬄᬦᬶᬦᬶᬲᬂᬬᬓ᭄ᬱ᭞ᬭᬶᬂᬲᬫ᭄ᬧᬸᬦ᭄ᬧᬸ
ᬧᬸᬢ᭄ᬦᬭᬶᬫ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬭᬭᬶᬲ᭄᭞ᬫᬧᬫᬶᬢ᭄ᬧᬘᬂᬫᬢᬸᬮᬓ᭄᭞ᬳᬦ᭄ᬢᬧ᭄ᬭᬫᬡᬦᬵᬕᬭᬶ᭞ᬓᭀᬘᬧ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬘᬭᬶᬢᬬᬂᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬲᭀᬢᬳᬦ᭄ᬢᬧ᭄ᬭᬫᬡ᭞ᬫ
ᬗᭀᬚᭀᬕ᭄ᬭᬭᬶᬲ᭄ᬓᬧᬸᬭᬶ᭞ᬭᬶᬂᬧᬫᬺᬫᬦ᭄᭞ᬧ᭄ᬭᬫᬶᬦᬾᬤ᭄ᬬᬄᬫᬮᬯᬢ᭄ᬬ᭟ᬭᬚᬧᬸᬢ᭄ᬭᬶᬭᬭᬶᬲ᭄ᬜᬧ᭞ᬭᬯᬸᬄᬲᬓᬶᬂᬦᬧᬶᬩᭂᬮᬶ᭞ᬮᬸᬗ᭄ᬳᬵᬢ᭄ᬯᬭᬫᬗᬦ᭄ᬤᬶᬓ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬜᬯᬸᬭᬶᬦ᭄᭞ᬭᬯᬸᬄ
ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬲᬓᬶᬂᬓᬦ᭄ᬤᬂᬓᬫ᭄ᬩᬶᬂᬭᬢᬸ᭞ᬫᬦᬢᬲ᭄ᬤᬸᬯᬾᬦ᭄ᬳᬶᬤᬾᬯ᭞ᬭᬾᬄᬲ᭄ᬯᬾᬦ᭄ᬢᬶᬢ᭄ᬬᬂᬗᬯᭀᬦᬶᬦ᭄᭞ᬓᭂᬦᬶᬚᬦ᭄ᬢᭂᬦ᭄᭞ᬓᬭᬶᬢᬦ᭄ᬓᬭᬶᬳᬶᬭᬶᬓᬵ᭟ᬓᬾᬢᭀᬧᬲᬯᬸᬃᬭᬳᬤ᭄ᬬᬦ᭄᭞