Kaca:Bali-lontar-gaguritan-indra-bang-induraja-300ppi.pdf/143

[ ᭑᭔᭒ 142B]
᭑᭔᭒᭞
᭞ᬧᬸᬢ᭄ᬭᬶᬦ᭄ᬳᬶᬤᬦᬾᬲᬂᬧ᭄ᬭᬪᬸ᭞ᬲᬶᬜᬲᬕᬾᬢ᭄ᬤᬶᬢᬸᬲᬚ᭞ᬳᬶᬩᭂᬮᬶᬚᬦᬶᬫᬮᬶᬗ᭄ᬕᬶᬄ᭞ᬩᬸᬯᬶᬦ᭄ᬳᭂᬦ᭄ᬢᭀ᭞ᬕ᭄ᬭᬸᬥᬦᬾᬳᬤᬳᭀᬃᬢ᭄ᬢᬜ᭟ᬲᬶᬂᬤᬤᬶᬫᬗᬸᬗᬲ᭄ᬚᬤ᭄ᬫ᭞ᬬᬦᬶᬂ
ᬫᬫ᭄ᬩᬸᬚᬤ᭄ᬫᬫᬮᬶᬄ᭞ᬜᬸᬫᬶᬗ᭄ᬓᬶᬦᬂᬳᬶᬧᬸᬦ᭄ᬕᬮᬓ᭄᭞ᬚ᭄ᬭᬶᬳᬶᬦ᭄ᬩᭂᬮᬶᬲᬦᬾᬫᬗ᭄ᬓᬶᬦ᭄᭞ᬩᬓᬢᬗᬫᬓ᭄ᬱᬳᬤᬶ᭞ᬓᬮᬶᬄᬳᬧᬗᬤᬵᬮᬦ᭄ᬢᬸᬤ᭄᭞ᬩᭂᬮᬶᬫᬗ᭄ᬓᬶᬦ᭄ᬭᬶᬂᬫᬃᬕ᭄ᬕ᭞ᬩᭂᬘᬶ
ᬓᬦ᭄ᬳᬤᬶᬫᬯᬮᬶ᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬓᬦᬵᬕᬭᬧᬮᬭᬵᬚ᭟ᬲᬋᬂᬲᬫᭂᬢᭀᬦᬾᬲᬫ᭄ᬬᬦ᭄᭞ᬧᬜ᭄ᬚᬓᬾᬦᬶᬓᬬᬂᬫᬸᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬭᬯᬸᬄᬚᬸᬫᬳ᭞ᬓᭀᬢᬦᬾ
ᬢᬸᬦ᭄ᬤᬾᬦ᭄ᬫ᭄ᬭᬶᬓ᭄ᬱᬳᬶᬦ᭄᭞ᬬᬦ᭄ᬳᬤᬳᬸᬲᬓ᭄ᬩᭂᬦᬗᬶᬦ᭄᭞ᬓᬾᬢᭀᬳᬤᬶᬳᬧᬂᬢᬸᬮᬸᬲ᭄᭞ᬫᬦᬶᬧ᭄ᬯᬦ᭄ᬮᬫᬸᬦ᭄ᬳᬤ᭞ᬧᬶᬢᬸᬮᬸᬂᬲᬂᬳ᭄ᬬᬂᬤᬾᬯᬵᬤᬶ᭞ᬢᭀᬲᬶᬂᬩᬸᬯᬸᬂ᭞ᬳᬤᬶᬓᬢᭂᬧᬸᬓ᭄ᬫ
[ ᭑᭔᭓ 143A]
ᬜᬫ᭟ᬳᬫ᭄ᬩᬮ᭄ᬢᭀᬧᬶᬢᬸᬢᬸᬃᬳᬤᬶ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬚᬦᬶ᭞ᬭᬶᬂᬧ᭄ᬭᬭᬢᬸᬦᬾᬫᬓᭂᬚᬂ᭞ᬧ᭄ᬭᬧᬸᬢ᭄ᬭᬦᬾᬦᬶᬫ᭄ᬩᬮ᭄ᬭᬭᬶᬲ᭄᭞ᬳᬢᬸᬭᬾᬫᬢᬸᬂᬢᬸᬂᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸ
ᬤᬾᬯᬳᬕᬸᬂ᭞ᬧᬸᬦᬶᬓᬬᬦ᭄ᬳᬸᬭᬶᬧ᭄ᬢᬶᬢ᭄ᬬᬂ᭞ᬯᬦ᭄ᬢᬄᬓᬢᬸᬃᬫᬓᬲᬫᬶ᭞ᬭᬶᬂᬘᭀᬓᭀᬃᬤ᭄ᬥ᭞ᬦᬾᬫᬗ᭄ᬓᬶᬦ᭄ᬗᬗ᭄ᬕᬾᬦ᭄ᬧᬋᬓᬦ᭄᭟ᬬᬦ᭄ᬫᬸᬗ᭄ᬕ᭄ᬯᬶᬂᬯᬶᬢ᭄ᬫᬦᬄᬢᬶᬢ᭄ᬬᬂ᭞ᬯᬦ᭄ᬢᬄᬧᬶᬢᭂᬳᭂᬃᬲᬸ
ᬪᬓ᭄ᬢᬶ᭞ᬫᬗᬯᬸᬮᬧᭂᬢᭂᬂᬍᬫᬄ᭞ᬳᬸᬭᬶᬧ᭄ᬭᬯᬸᬳᬶᬂᬓᬧᬢᬶ᭞ᬫᬗ᭄ᬤᬳᬶᬭᬢᬸᬳᬸᬕᬶ᭞ᬦᬤ᭄ᬢᬤ᭄ᬲᬧᬭᬦᬶᬂᬮᬓᬸ᭞ᬬᬦ᭄ᬓᬾᬗᬶᬦ᭄ᬫᬦᬄᬢᬶᬢ᭄ᬬᬂ᭞ᬦᬸᬦᬲᬂᬭᬶᬂᬲᬂᬳ᭄ᬬᬂᬯᬶᬤᬶ᭞ᬧᬢᬶ
ᬳᬸᬭᬶᬧ᭄᭞ᬫᬗ᭄ᬤᬭᬶᬂᬲᭀᬓᭀᬃᬳᬶᬤᬾᬯ᭟ᬓᬾᬢᭀᬳᬢᬸᬃᬲᬂᬧ᭄ᬭᬧᬸᬢ᭄ᬭ᭞ᬲᬫ᭄ᬧᬸᬦ᭄ᬓᬧᬶᬋᬗᬂᬲᬫᬶ᭞ᬳᬦ᭄ᬢᬓ᭄ᬭᬤᬾᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬓᭂᬜᭂᬫ᭄ᬳᬶᬤᬤᬶᬢᬸᬗᬓ᭄ᬱᬶ᭞ᬲᭀᬮᬄᬧ᭄ᬭ᭠