[ ᭑᭔᭑ 141B]
᭑᭔᭑᭞
ᬫᬦ᭄ᬢᬶᬢ᭄ᬬᬂ᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬧᭂᬧᬲᬶᬄ᭞ᬯᬸᬭᬸᬂᬚᬦ᭄ᬢᭂᬦ᭄᭞ᬬᬦ᭄ᬤᬶᬚᬓᬧᭀᬫᬕ᭄ᬦᬄ᭟ᬧ᭄ᬭᬧᬸᬢ᭄ᬭᬦᬾᬕᭂᬮᬸᬫ᭄ᬬᬃᬱ᭞ᬗᭂᬮᬸᬢ᭄ᬧᬤᬫᬢᬸᬃᬪᬓ᭄ᬢᬶ᭞ᬳᬦ᭄ᬢᬸᬓ᭄ᬧᬸᬦᬧᬶᬳᬯᬶᬦᬦ᭄᭞ᬭ
ᬢᬸᬗᬦ᭄ᬤᬶᬓᬬᬂᬫ᭄ᬯᬮᬶ᭞ᬢᬶᬢ᭄ᬬᬂᬮᬶᬦ᭄ᬢᬗᬶᬂᬲᬸᬪᬓ᭄ᬢᬶ᭞ᬯᬶᬢ᭄ᬗᬶᬭᬶᬂᬭᬕᬦ᭄ᬳᬭᬢᬸ᭞ᬲᬢᬶ᭠ᬩᬢᬶᬩᬧᬭᬦ᭄᭞ᬬ᭄ᬯᬤᬶᬦ᭄ᬳᬮᬳᬬᬸᬗᬶᬭᬶᬂ᭞ᬢᬶᬢ᭄ᬬᬂᬢᬶᬦᬸᬢ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬋ
ᬓᬦ᭄᭟ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬦᬶᬫ᭄ᬩᬮ᭄᭞ᬉᬚᬭᬾᬳᬭᬸᬫ᭄ᬫᬫᬦᬶᬲ᭄᭞ᬉᬤᬸᬄᬜᬫᬦ᭄ᬢᬶᬢ᭄ᬬᬂᬳᬶᬤ᭞ᬲᬫ᭄ᬧᬸᬦᬂᬚᬵᬳᬶᬯᬂᬢᬫ᭄ᬧᬶ᭞ᬩ᭄ᬯᬢ᭄ᬍᬕᬦᬾᬳᬤᬶᬦᬾᬚᬦᬶ᭞ᬦᬶᬃᬫᬮ
ᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬢᭀᬂᬗᬤᬢᭀᬗᭀᬲ᭄ᬗᭂᬚᬂ᭞ᬲᬫ᭄ᬧᬸᬦ᭄ᬫᬗ᭄ᬭᬜ᭄ᬚᬶᬂᬭᬶᬂᬳᬢᬶ᭞ᬢᬺᬱ᭄ᬡᬦ᭄ᬳᬤᬶ᭞ᬫᭂᬜᬫᬢᭂᬓᬾᬦᬶᬂᬢᬶᬢ᭄ᬬᬂ᭟ᬚᬦᬶᬢᭀᬦ᭄ᬤᬾᬦ᭄ᬳᬤᬳᬫ᭄ᬩᬄ᭞ᬳᬤᬶᬲᬋᬂᬳᬚ
[ ᭑᭔᭒ 142A]
ᬓ᭄ᬩᭂᬮᬶ᭞ᬓᬾᬦ᭄ᬳᬯᬦᬦ᭄ᬲᬧᬸᬦᬶᬓ᭞ᬤᬾᬦᬶᬂᬧᭂᬚᬮᬦᬾᬚᬦᬶ᭞ᬳᭂᬚᭀᬄᬲᬯᬢ᭄ᬧᬶᬲᬦ᭄ᬳᬤᬶ᭞ᬩ᭄ᬯᬶᬦ᭄ᬳᬤᬩᬶᬘᬭᬶᬦ᭄ᬤᬶᬢᬸ᭞ᬓᭀᬦᭀᬦ᭄ᬕ᭄ᬭᬸᬥᬕᬮᬓ᭄ᬧᬶᬲᬦ᭄᭞ᬢᭀᬦᬾ
ᬦᬤᬄᬧ᭄ᬭᬪᬸᬳᬲᬶᬓ᭄᭞ᬬᬦ᭄ᬳᭀᬃᬢ᭄ᬢᬜ᭞ᬧᬸᬢ᭄ᬭᬶᬦ᭄ᬳᬶᬤᬦᬾᬲᬂᬦᬵᬣ᭟ᬓᭀᬘᬧ᭄ᬦᬸᬤᬶᬢᬸᬫᭂᬗ᭄ᬓᭂᬩᬂ᭞ᬤᬶᬩᬮᬾᬓᭂᬜ᭄ᬘᬦᬫᬦᬶᬓ᭄᭞ᬫᬧᭂᬦ᭄ᬧᭂᬦ᭄ᬤᬶᬢᭂᬗᬄᬓᭂᬡ᭄ᬥᬂ᭞ᬫᬧ
ᬭᬩ᭄ᬤ᭄ᬬᬄᬭᬢ᭄ᬦᬲᬭᬶ᭞ᬢᭀᬂᬧᬘᬂᬲᬶᬗ᭄ᬕᬳᬶᬦ᭄ᬩᭂᬮᬶ᭞ᬦᬵᬕᬭᬦᬾᬚᬦᬶᬤᬶᬢᬸ᭞ᬓ᭄ᬭᬡᬦ᭄ᬩᭂᬮᬶᬫᬜᬭᬢᬂ᭞ᬦᬾᬚᬦᬶᬧᬘᬂᬜᬶᬗ᭄ᬕᬳᬶᬦ᭄᭞ᬤᬾᬦᬶᬂᬳᬤ᭞ᬳᭀᬃᬢ᭄ᬢᬵᬢᭂᬭᬵᬂ
ᬤᬶᬗᭂᬄᬢᬶᬢ᭄ᬬᬂ᭟ᬇᬩᭂᬮᬶᬇᬦ᭄ᬤ᭄ᬭᬲᬧ᭄ᬭ᭄ᬬᬦ᭞ᬳᭂᬦ᭄ᬢᭀᬜᬫᬦ᭄ᬩᭂᬮᬶᬕᬢᬶ᭞ᬓᭀᬘᬧ᭄ᬚᬦᬶᬤᬶᬢᬸᬦᭀᬗᭀᬲ᭄᭞ᬲᬸᬩᬫᬢᬢᬳᭀᬦ᭄ᬧᬲ᭄ᬢᬶ᭞ᬢᭂᬓᬾᬦ᭄ᬤᬾᬯᬶᬭᬢ᭄ᬦᬲᬭᬶ
Kaca:Bali-lontar-gaguritan-indra-bang-induraja-300ppi.pdf/142
Kaca puniki sampun kauji-wacén
