[ ᭑᭓᭙ 139B]
᭑᭓᭙᭞
ᬧᬵᬧᬘᬂᬩ᭄ᬯᬍᬲ᭄ᬍᬕᬦ᭄ᬦᬦᬓ᭄᭞ᬓᬾᬢᭀᬧᬗᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬲᬕᬾᬢ᭄ᬧᬗᭂᬫ᭄ᬧ᭄ᬯᬦᬾᬢᭂᬓᬵ᭟ᬫᬧᬭᬩ᭄ᬳᭂᬫ᭄ᬧᬸᬳᭂᬮᬸᬤᬶᬦ᭄᭞ᬫᬦᭂᬕᬓ᭄ᬭᬭᬶᬲ᭄ᬫᬰᬶᬮ᭞ᬭᬶᬂᬗᬋᬧ
ᬦᬾᬲᬂᬗᬦ᭄ᬢᬾᬦ᭄᭞ᬫᬗ᭄ᬮᬯᬸᬢ᭄ᬤᬶᬢᬸᬫᬧᬸᬚ᭞ᬢᬶᬗ᭄ᬓᬄᬫᬯᬶᬤᬶᬯᬾᬤᬦ᭞ᬜᬓ᭄ᬱᬶᬬᬂᬭᬶᬂᬳ᭄ᬬᬂᬲᬶᬦᬸᬳᬸᬦ᭄᭞ᬳᬦ᭄ᬢᬸᬓ᭄ᬓᬃᬬ᭄ᬬᬧᬩᬸᬜ᭄ᬘᬶᬗᬦ᭄᭟ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬗ᭄ᬓᬶᬦ᭄᭞ᬭᬶᬂᬧᬸᬢ᭄ᬭᬶ
ᬦ᭄ᬳᬶᬤᬲᬂᬦᬵᬣ᭞ᬫᬮᬯᬢᬶᬧᬭᬩᬾ᭞ᬳᬸᬲᬦᬾᬓᬚᬬᬚᬬ᭞ᬭᬭᬶᬲ᭄ᬦᬶᬯᬓᬂᬤᬓ᭄ᬱᬶᬡ᭞ᬭᬶᬂᬳᬚᭂᬂᬲᬂᬫᬳᬵᬯᬶᬓᬸ᭞ᬲᬫ᭄ᬧᬸᬦ᭄ᬧᬸᬢᬸᬲᬶᬂᬫᬫᬢ᭄ᬫ᭄ᬬᬦ᭄᭟ᬲᬮ᭄ᬯᬶᬭᬶᬂᬧ᭄ᬭᬩᬾᬬᬲᬫᬶ
᭞ᬧ᭄ᬭᬢᬾᬓᬦᬶᬂᬧᬩᬸᬜ᭄ᬘᬶᬗᬦ᭄᭞ᬳᬦᬸᬢ᭄ᬓᬤᬶᬧᭂᬫᬃᬕ᭄ᬕᬶᬦᬾ᭞ᬢᬶᬗ᭄ᬓᬳᬶᬂᬲᬂᬭᬵᬚᬧᬸᬢ᭄ᬭ᭞ᬫᬜᬮᬸᬓ᭄ᬧᬗᬦ᭄ᬢᬾᬦᬦ᭄᭞ᬓᭀᬘᬧ᭄ᬓᬃᬬ᭄ᬬᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬤᬶᬢᬸᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ
[ ᭑᭔᭐ 140A]
᭟ᬫᬮᬶᬗ᭄ᬕᬶᬄᬲᬋᬂᬢ᭄ᬯᬦ᭄ᬤᬾᬯᬶ᭞ᬫᬮᬯᬢᬶᬚ᭄ᬭᭀᬦᬶᬂᬧᬸᬭ᭞ᬓᬂᬢᬗ᭄ᬓᬶᬮ᭄ᬭᬶᬂᬧ᭄ᬭᬤᬬᬗᬾ᭞ᬲᬋᬂᬭᬶᬂᬧᬸᬢ᭄ᬭᬶᬦ᭄ᬧ᭄ᬭᬦᬵᬣ᭞ᬫᬓᬫᬶᬯᬄᬧᬭᬓᬦ᭄ᬬ᭞ᬧᬸᬢ᭄ᬭᬶᬦ᭄ᬧ᭄ᬭᬫᬾᬦᬓᬾᬤᬶᬢᬸ᭞᭠
ᬲᬦᬾᬦᬸᬬᬩᬚᬂᬩᬚᬂ᭟᭐᭟ᬧᬸᬄᬲᬶ᭟᭐᭟ᬳᬫ᭄ᬩᬸᬮ᭄ᬢᭀᬚᬦᬶᬳᬸᬘᬧᬂ᭞ᬧᬩᬸᬜ᭄ᬘᬶᬗᬦ᭄ᬭᬚᬍᬯᬶᬄ᭞ᬭᬶᬂᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬓᬤᬶᬲᭀᬮᬄᬭᬢᬸᬍᬯᬶᬄ᭞ᬩᬸᬯᬶᬦ᭄ᬢᭀ
ᬦᬾᬫᬗᬬᬳᬶᬦ᭄᭞ᬲᬲᭂᬮᬶᬭᬦ᭄ᬳᬶᬮᬸᬳᭂᬮᬸᬄ᭞ᬲᭀᬭᭀᬄᬲᬦᬾᬩᬚᬂᬩᬚᬂ᭞ᬳᭀᬓᬦ᭄ᬧ᭄ᬭᬫᬾᬦᬓ᭄ᬧ᭄ᬭᬫᬦ᭄ᬢ᭄ᬭᬶ᭞ᬳᬬᬸᬳᬬᬸ᭞ᬩᬶᬸᬫᬶᬭᬶᬩ᭄ᬤᬤᬭᬶᬫᬓᭂᬚᬂ᭟ᬲᬂᬦᬵᬣᬫ
ᬗ᭄ᬓᬶᬦ᭄ᬓᭀᬘᬧᬂ᭞ᬫᬮᬶᬗ᭄ᬕᬶᬳᬶᬂᬧᬜ᭄ᬘᬦᬶᬢᬶ᭞ᬗᬦ᭄ᬤᬶᬓᬭᬶᬂᬧ᭄ᬭᬦᬵᬣ᭞ᬫᬓᬤᬶᬭᬶᬂᬢᬦ᭄ᬤᬫᬦ᭄ᬢ᭄ᬭᬶ᭞ᬓᭂᬦᬫᬜᬯᬶᬲᬂᬫᬗ᭄ᬓᬶᬦ᭄᭞ᬳᬚᭂᬗᬦ᭄ᬭᬶᬂᬧᬭᬢᬫ᭄ᬬᬸ᭞ᬫᬶᬯᬄᬭᬶᬂᬲᬧ᭄ᬭᬧᬸᬢ᭄ᬭ᭞
Kaca:Bali-lontar-gaguritan-indra-bang-induraja-300ppi.pdf/140
Kaca puniki sampun kauji-wacén
