[ ᭑᭓᭘ 138B]
᭑᭓᭘᭞
ᬦᬶᬓᬶᬂᬦᬶᬂᬓᭀᬢ᭞ᬭᬶᬂᬧ᭄ᬭᬫᬤᬫᬶᬫᬮᬸᬗ᭄ᬕᬸᬄ᭞ᬦᬗ᭄ᬳᬶᬂᬫᬲᭀᬭᭀᬄᬲᭀᬭᭀᬳᬦ᭄᭟ᬫᬲᭀᬭᭀᬄᬲᭀᬭᭀᬳᬦ᭄ᬮᬶᬗ᭄ᬕᬶᬄ᭞ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬳᬶᬭᬶᬓᬵ᭞ᬲᬫᬶᬫᬲᭀᬃᬲᬶᬗ᭄ᬕᬶᬄᬮᬶᬗ᭄ᬕᬶ
ᬳᬾ᭞ᬭᬶᬂᬧᬸᬯᬸᬢᬾᬲᬧᬸᬦᬶᬓ᭞ᬤᬶᬢᬸᬲᬂᬧ᭄ᬭᬧᬸᬢ᭄ᬭ᭞ᬲᬋᬂᬳᬲ᭄ᬬᬤᬦᬾᬮᬯᬸᬢ᭄᭞ᬦᬗ᭄ᬓᬶᬮ᭄ᬳᬶᬤᬲᬂᬦᬵᬣ᭟ᬗᬢᬸᬭᬂᬧ᭄ᬭᬢᬾᬓᬦ᭄ᬫᬓᬯᬶᬦ᭄᭞ᬲᬢᬳᬶᬮ᭄ᬲᭂᬧᬳᬦ᭄ᬳᭂᬫᬲ᭄᭞
ᬫᬮᬶᬄᬯᬾᬦ᭄ᬢᭂᬦ᭄ᬫᬮᬶᬄᬲᬶᬬᭀᬲ᭄᭞ᬳᬢᬸᬭᬦ᭄ᬲᬂᬧ᭄ᬭᬧᬸᬢ᭄ᬭ᭞ᬢᭂᬓᬾᬦᬶᬂᬳᬶᬤᬲᬂᬦᬵᬣ᭞ᬲ᭄ᬮᬓᬵᬤ᭄ᬯᬂᬤᬰᬧᬶᬓᬸᬮ᭄᭞ᬫᬶᬯᬄᬳᭂᬫᬲ᭄ᬧᭂᬢᬂᬮᬓ᭄ᬱ᭟ᬫᬤᬸᬮᬸᬭᬦ᭄ᬯᬶᬦ᭄ᬢᭂᬦ᭄ᬫᬦᬶᬓ᭄᭞
ᬲᭀᬘᬫᬶᬭᬄᬫᬳᬾᬦ᭄ᬤᬳᬦ᭄᭞ᬫᬯᬃᬡ᭄ᬦᬯᬃᬡ᭄ᬦᬭᬸᬧᬦᬾ᭞ᬤᬶᬢᬸᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬮᬯᬸᬢ᭄ᬫᬢᬸᬃᬭᬶᬂᬲᬂᬦᬵᬣ᭞ᬧᬸᬦᬶᬓᬭᬢᬸᬲᬂᬧ᭄ᬭᬪᬸ᭞ᬳᬢᬸᬭᬦ᭄ᬢᬶᬢ᭄ᬬᬂᬲᬫᬢ᭄ᬭ᭟ᬲᬓᬶᬂᬧᬋᬓᬦ᭄ᬦ᭄ᬭᬧᬢᬶ
[ ᭑᭓᭙ 139A]
᭞ᬧᬸᬦᬶᬓᬶᬲᬂᬭᬵᬚᬧᬸᬢ᭄ᬭ᭞ᬭᬢᬸᬧᬮᬭᬵᬚᬋᬓᭀ᭞ᬲᬋᬂᬳᬲ᭄ᬬᬦᬵᬕᬭ᭞ᬧᬸᬧᬸᬢ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬜᬫ᭞ᬲᬫ᭄ᬧᬸᬦᬂᬭᬢᬸᬢᬦ᭄ᬢᬸᬮᬸᬲ᭄᭞ᬤᬾᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬲᬶᬬᭀᬲᬦ᭄᭟
ᬲᬓᬾᬯᬦ᭄ᬢᭂᬦ᭄ᬳᬗ᭄ᬕᬾᬦ᭄ᬘᬶᬭᬶ᭞ᬢᬶᬢ᭄ᬬᬂᬫᬦᬤᭀᬲ᭄ᬧᬋᬓᬦ᭄᭞ᬭᬶᬂᬧᬤᬸᬓᬰ᭄ᬭᬶᬲᬂᬓᬢᭀᬂ᭞ᬓᬾᬢᭀᬳᬢᬸᬃᬭᬵᬚᬧᬸᬢ᭄ᬭ᭞ᬫᬗᬢᬸᬭᬂᬭᬚᬩ᭄ᬭᬡ᭞ᬲᬂᬦᬵᬣᬓᬕᬾᬢ᭄ᬫᬦᬸᬮᬸ᭞᭠
ᬳᬢᬸᬭᬦ᭄ᬲᬂᬭᬵᬚᬧᬸᬢ᭄ᬭ᭟ᬢᬦ᭄ᬳᭀᬧᭂᬦᬦ᭄ᬲᬃᬯ᭄ᬯᬍᬯᬶᬄ᭞ᬭᬵᬚᬩ᭄ᬭᬡᬫᬲ᭄ᬲ᭄ᬮᬓᬵ᭞ᬫᬶᬯᬄᬳᬤᬶᬲᬃᬯ᭄ᬯᬫᬸᬮᬾ᭞ᬮᬾᬤᬂᬓᬬᬸᬦᬾᬲᬂᬦᬵᬣ᭞ᬤᬶᬢᬸᬮᬯᬸᬢ᭄ᬫᬗᬦ᭄ᬤᬶᬓ᭞ᬯᭂᬢᬸᬯ
ᬘᬡᬦᬾᬳᬮᬸᬲ᭄᭞ᬢᭀᬓᬾᬦ᭄ᬓᬾᬦ᭄ᬓ᭄ᬭᬡᬳᬶᬤᬦᬦᬓ᭄᭟ᬫᬗ᭄ᬭᬯᭀᬲ᭄ᬩᬸᬓᬦᬾᬚᬦᬶ᭞ᬩᬸᬯᬶᬦ᭄ᬢᭀᬧᭂᬩᬳᬂᬦᬦᬓ᭄᭞ᬓᬮᬶᬦ᭄ᬢᬂᬮᬶᬦ᭄ᬢᬂᬫᬸᬮᬾᬦᬾ᭞ᬢᭀᬂᬲᬶᬤ᭄ᬥᬚᬦᬶᬩᬦ᭄ᬩ
Kaca:Bali-lontar-gaguritan-indra-bang-induraja-300ppi.pdf/139
Kaca puniki sampun kauji-wacén
