Kaca:Bali-lontar-gaguritan-indra-bang-induraja-300ppi.pdf/137

Saking Wikisource
Kaca puniki sampun kauji-wacén

[ ᭑᭓᭖ 136B]
᭑᭓᭖᭞
᭞ᬲᭀᬭᭀᬄᬮᬕᬸᬫᬫᬦᬶᬲᬦ᭄᭞ᬭᬫᬾᬲ᭄ᬯᬭᬦ᭄ᬜᬦᬾᬳᬸᬫᬸᬂ᭞ᬕᭂᬡ᭄ᬥᬶᬗᬾᬫᬢᬢᬶᬫ᭄ᬩᬮᬦ᭄᭟ᬳᬫ᭄ᬩᬸᬮ᭄ᬢᭀᬳᬸᬘᬧᬂᬚᬦᬶ᭞ᬢᬶᬗ᭄ᬓᬄᬚᬢ᭄ᬫᬦᬾᬳᬶᬭᬶᬓᬵ᭚ᬲᬸᬓᬭᬫᬾᬫᬕᬸ
ᬕᬸᬬᭀᬦ᭄᭞ᬓᭀᬘᬧ᭄ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬯᬸᬲ᭄ᬫᬮᬶᬗ᭄ᬕᬶᬄᬭᬶᬂᬮᬸᬳᬸᬃᬧᬜ᭄ᬘ᭞ᬧ᭄ᬭᬲᬤᬦᬾᬧᬗ᭄ᬓᭂᬤ᭄ᬧᬶᬢᬸ᭞ᬳᭀᬓᬦ᭄ᬧ᭄ᬭᬦᬵᬣᬢᬶᬕ᭟ᬗᬩᬶᬄᬲᬓᬶᬂᬢᭂᬗᭂᬦ᭄‌ᬫ᭄ᬮᬶᬗ᭄ᬕᬶᬄ᭞ᬭᬶᬂᬓᬶᬯ
ᬫᬮᬶᬄᬢᬶᬢᬶᬕ᭄᭞ᬭᬶᬲᬫ᭄ᬧᬸᬦ᭄ᬧᬸᬧᬸᬢᬾᬋᬓᭀ᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬭᬭᬶᬲ᭄ᬓᬕᭀᬲᭀᬂᬓᬶᬍᬳᬂ᭞ᬇᬭᬶᬓᬵᬭᬶᬂᬓᭀᬢᬩᬭᬸ᭞ᬫᬶᬍᬳᬦ᭄ᬗ᭄ᬭᬭᬶᬲ᭄ᬫᬫᬃᬕ᭄ᬕᬶ᭟ᬢᬶᬢᬶᬫᬵᬲᬾ
ᬓᭂᬫᬃᬕ᭄ᬕᬶᬦᬶᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᭀᬢ᭞ᬳᬦ᭄ᬢᬄᬧ᭄ᬭᬫᬡᬦᬾᬋᬓᭀ᭞ᬓᬧᬶᬋᬂᬳᬦ᭄ᬢᬸᬓ᭄ᬲᬂᬦᬵᬣ᭞ᬲ᭄ᬯᬭᬭᬫᬾ ᬫᬩ᭄ᬬᬬᬸᬯᬦ᭄᭞ᬇᬭᬶᬓᬵᬳᬶᬤᬲᬂᬧ᭄ᬭᬪᬸ᭞ᬇᬚ
[ ᭑᭓᭗ 137A]
ᬢᭂᬲᬾᬗᬶᬦ᭄ᬧᬸᬗ᭄ᬕᬯ᭟ᬢᬦᬤᭀᬄᬳᭂᬫ᭄ᬧᬸᬳᬮᬸᬤᬶᬦ᭄᭞ᬫᬮᬶᬗ᭄ᬕᬶᬄᬲᬋᬂᬧᬡ᭄ᬥᬶᬢᬵ᭞ᬦᬾᬯᬸᬲ᭄ᬧᬸᬢᬸᬲ᭄ᬓᬫ᭄ᬬᬢ᭄ᬫᬦᬾ᭞ᬇᬭᬶᬓᬫᬮᬶᬄᬲᬂᬦᬵᬣ᭞ᬗᭂᬲᬾᬗᬶᬦ᭄ᬚᬢ᭄ᬫᬧᬋᬓᬦ᭄᭞
ᬲᭀᬭᭀᬄᬦᬾᬩᬚᬂᬫᬧᬸᬦ᭄ᬤᬸᬄ᭞ᬫᬲᭂᬮᬶᬃᬧ᭄ᬭᬫᬾᬦᬓ᭄ᬫᬓᭂᬚᬂ᭟ᬭᬶᬂᬲᬫ᭄ᬧᬸᬦᬾᬫᬗ᭄ᬓᭂᬧ᭄ᬫᬧᬗ᭄ᬕᬶᬄ᭞ᬭᬭᬶᬲ᭄ᬫᬤᬤᬦᬸᬃᬤᬦ᭞ᬓᬮᬶᬦ᭄ᬢᬂᬭᬫᬾᬲ᭄ᬯᬭᬦᬾ᭞ᬫᬮᬶᬄᬚᬢ᭄ᬫᬦᬾᬫ
ᬘᬶᬗᬓ᭄᭞ᬲᭂᬲᭂᬓ᭄ᬚᭂᬚᭂᬮ᭄ᬫᬮᬶᬄᬢᭂᬓ᭞ᬳᬓᬾᬳᬾᬢᬦ᭄ᬓᭂᬦᬳᬶᬢᬸᬂ᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬫᬚᬚᬃ᭟ᬭᬶᬲᬫ᭄ᬧᬸᬦᬾᬯᬸᬲᬦ᭄ᬫᬗ᭄ᬓᬶᬦ᭄᭞ᬚᬦ᭄ᬫᬦᬾᬫᬧ᭄ᬭᬂᬧ᭄ᬭᬗᬦ᭄᭞ᬭᬭᬶᬲ᭄ᬫᬫᬃ
ᬕ᭄ᬕᬶᬲᬓᬾᬳᬾ᭞ᬗᬶᬭᬶᬗᬂᬫᬧ᭄ᬭᬤᬓ᭄ᬱᬶᬡ᭞ᬢᬦᬵᬤᭀᬄᬯᬢᭂᬓ᭄ᬧ᭄ᬭᬧᬸᬢ᭄ᬭ᭞ᬲᬦᬾᬫᬸᬮᬳᬤᬤᬶᬢᬸ᭞ᬭᬶᬂᬓᭀᬢᬳᬦ᭄ᬢᬄᬧ᭄ᬭᬫᬡ᭟ᬫᬸᬯᬄᬧ᭄ᬭᬭᬢᬸᬦᬾᬗᬶᬭᬶᬂ᭞ᬭᬳᬤᬾ