[ ᭑᭒᭕ 125B]
᭑᭒᭕᭞
ᬦ᭄ᬢᬶ᭞ᬧᬢᬸᬢ᭄ᬓᬤᬶᬧᬯᬘᬡᬵ᭞ᬳᬸᬓᬸᬄᬢᬶᬢ᭄ᬬᬂᬫᬢᬸᬃ᭞ᬗᬸᬦᬶᬗᬂᬚᬢᬶᬦᬾᬧᬶᬲᬦ᭄᭞ᬭᬶᬂᬘᭀᬓᭀᬃᬤ᭄ᬥ᭞ᬚ᭄ᬭᬶᬄᬚᬕᬵᬓᬩᭀᬬᬦᬶᬦ᭄᭞ᬫᬾᬭᬂᬧᬶᬲᬦ᭄ᬢᬦ᭄ᬓᬕᭂᬕᭃ᭟ᬲᬧᬸᬦᬶᬓᬵᬳ
ᬯᬶᬦᬦ᭄ᬢᬶᬢ᭄ᬬᬂᬚ᭄ᬭᬶᬄ᭞ᬫᬦᭂᬭᬗᬂ᭞ᬫᬢᬸᬃᬭᬶᬂᬘᭀᬓᭀᬃᬤ᭄ᬥ᭞ᬓᬚᬢ᭄ᬬᬦ᭄ᬤᬾᬯᬶᬓᬶᬸᬰ᭄ᬬᬗᬾ᭞ᬓᭂᬜᭂᬫ᭄ᬲᬦᬵᬫᬗ᭄ᬭᬸᬗᬸ᭞ᬫᬮᬶᬄᬫᬗᬦ᭄ᬤᬶᬓᬵᬳᬭᬶᬲ᭄᭞ᬳᬸᬤᬸᬄᬤᬾᬯᬧᬦᬓ᭄ᬩᬧ᭞
ᬚᬦᬶᬓᬾᬦ᭄ᬓᬾᬦ᭄ᬓᬬᬸᬦ᭄᭞ᬳᬶᬩᬕᬸᬲ᭄ᬫᬮᬶᬄᬢᬸᬢᬸᬭᬂ᭞ᬢᭂᬓᬾᬦ᭄ᬩᬧ᭞ᬤᬾᬦᬶᬂᬍᬕᬦᬾᬩᬲᬼᬩᬶᬄ᭞ᬳᬕᬸᬂᬧᬶᬲᬦ᭄ᬳᬸᬢᬂᬩᬧ᭟ᬮ᭄ᬬᬸᬲᬸᬩᬳᬶᬩᬕᬸᬲ᭄ᬦᬸᬮᬸᬗᬶᬦ᭄᭞ᬩᬧᬤᬶᬦᬶ᭞ᬗ
ᬯᬶᬢᬾᬫᭂᬚᬮᬦ᭄᭞ᬗᬮᬶᬳᬂᬲᬸᬲᬸᬦ᭄ᬫᬘᬦᬾ᭞ᬦᬾᬦᬾᬗᬸᬤᬧᬦᬓ᭄ᬳᬶᬧᬸᬦ᭄᭞ᬓᬧᬶᬂᬭᭀᬦᬾᬦᬦᬓ᭄ᬩᬸᬯᬶᬦ᭄᭞ᬗᭂᬫᬢ᭄ᬬᬂᬳᬶᬩᬸᬭᬓ᭄ᬱ᭞ᬩ᭄ᬯᬶᬦ᭄ᬤᬶᬓᬧᬶᬂᬢᭂᬮᬸ᭞ᬳᬶᬤᬜᬶᬤᬬᬂ᭠
[ ᭑᭒᭖ 126A]
ᬗᬮᬳᬂ᭞ᬫᬸᬲᬸᬄᬩᬧ᭞ᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬕᬭᬶ᭞ᬤᬾᬦᬶᬂᬦᬦᬓ᭄ᬢᬺᬱ᭄ᬡᬵᬧᬶᬲᬦ᭄᭟ᬳᬧᬳᬗ᭄ᬕᭀᬦ᭄ᬕᬸᬭᬸᬗ᭄ᬯᬍᬲ᭄ᬚᬦᬶ᭞ᬢᭂᬓᬾᬦ᭄ᬳᬶᬤ᭞ᬢ᭄ᬯᬭᬳᬤᬮᬾᬦᬦ᭄᭞ᬫᭂᬮᬳᬦ᭄ᬤᬶ
ᬦᬶᬫᬦᭀᬗᭀᬲ᭄᭞ᬕᬸᬭᬸᬗᬗ᭄ᬕᭀᬦ᭄ᬳᬶᬫᬦ᭄ᬢᬸ᭞ᬳᬫ᭄ᬩᬶᬮ᭄ᬲᬫ᭄ᬧᬸᬦ᭄ᬭᬳᬶᬦ᭄ᬕᬸᬲ᭄ᬢᬶ᭞ᬕᬸᬭᬸᬜᭂᬭᬳᬂᬲᬧᬶᬲᬦ᭄᭞ᬓᬾᬦ᭄ᬓᬾᬦ᭄ᬓᬬᬸᬩᬕᬸᬲ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵᬫᬦᬶᬫ᭄ᬩᬮ᭄᭞ᬫᬢᬸᬃᬲᭂᬫ᭄ᬩᬄ
᭞ᬇᬗ᭄ᬕᬶᬄᬭᬢᬸᬕᬸᬭᬸᬳᬚᬶ᭞ᬓᬸᬃᬦ᭄ᬬᬫᬓᬘᬦ᭄ᬭᬦᬶᬂᬭᬵᬢ᭄᭟ᬫᬦ᭄ᬭᬗᬶᬦ᭄ᬓᭂᬥᭂᬢᭀ᭠ᬦ᭄ᬥᬃᬫ᭄ᬫᬵᬩᬸᬤ᭄ᬥᬶ᭞ᬫᬦᭂᬢᭂᬧᬂ᭞ᬓᬭᬳᬬ᭄ᬯᬦ᭄ᬚᬕᬢ᭄᭞ᬢᬶᬢ᭄ᬬᬂᬯᬦ᭄ᬢᬄᬜᬸᬦ᭄ᬧᬤᬦᬾ᭞ᬭᬶᬂᬩᬸᬦ᭄ᬩᬸ
ᬦᬦ᭄ᬢᬶᬢ᭄ᬬᬂᬭᬢᬸ᭞ᬕ᭄ᬦᬳᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬳᬫ᭄ᬧᬸᬭᬧᬶᬲᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬤᬸᬫᬸᬦ᭄᭞ᬦᬸᬦᬲ᭄ᬮᬸᬕ᭄ᬭᬚᬕᬵᬮᬸᬗ᭄ᬳᬵ᭞ᬭᬶᬂᬘᭀᬓᭀᬃᬤ᭄ᬥ᭞ᬲᬸᬯᬾᬦ᭄ᬳᬶᬧᬸᬦ᭄ᬢᬶᬕᬂᬯᭂᬗᬶ᭞ᬚᬜ᭄ᬚᬶ
Kaca:Bali-lontar-gaguritan-indra-bang-induraja-300ppi.pdf/126
Kaca puniki sampun kauji-wacén
