[ ᭑᭑ 11B]
᭑᭑᭞
ᬦ᭄ᬕᭂᬭᬂᬕᭂᬭᬾᬂᬫᬗᭂᬮᬸᬃ᭞ᬓᭂᬧᬶᬋᬂᬭᬶᬂᬭᬵᬚᬧᬸᬢ᭄ᬭᬵ᭞ᬢ᭄ᬯᬭᬳᬶᬤᬗ᭄ᬭᬲᬚᭂᬭᬶᬄ᭟ᬢᭂᬓᬵᬫᬗ᭄ᬮᬮᬸᬯᬂᬭᬕ᭞ᬧᭂᬢᭂᬂᬍᬫᬄᬫᭂᬫᬃᬕ᭄ᬕᬶᬲᬋᬂᬓᭂᬓᬵᬮᬶᬄ᭞ᬧᬘᬂᬗᬲᬶᬄᬩᬸᬮᬸᬄᬗ᭄ᬭᬶᬡ᭄ᬥᬸ᭞ᬫᬲᬶᬄᬢ᭄ᬯᬭ
ᬫᬜᬶᬥᬬᬂ᭞ᬯᬾᬦᬶᬂᬲᬸᬩᬧᬶᬦᬲ᭄ᬢᬶᬳᬦ᭄ᬢᬸᬓ᭄ᬳ᭄ᬬᬂᬢᬸᬤᬸᬄ᭞ᬢᭂᬥᬸᬦ᭄ᬲᬩᭂᬄᬳᬕᭂᬧᬶᬲᬦ᭄᭞ᬳᬗᬶᬦ᭄ᬭᬶᬩᬸᬢ᭄ᬫᬫ᭄ᬭᬶᬬᬸᬓᬶᬦ᭄᭟ᬓ᭄ᬭᬶᬕ᭄ᬓᬶᬮᬧ᭄ᬢᬦ᭄ᬧᭂᬮᬶᬗ᭄ᬕᬭᬦ᭄᭞ᬧᭂᬢᭂᬂᬤᭂᬤᭂᬢ᭄ᬢ᭄ᬯᬭᬗᭂᬦᬄᬕᬸ
ᬫᬶᬮᬗᬶᬢ᭄᭞ᬭᬵᬚᬧᬸᬢ᭄ᬭᬤᬶᬢᬸᬳᬸᬕᬸᬧ᭄᭞ᬩ᭄ᬮᬸᬲ᭄ᬓᬸᬘᬸᬧ᭄ᬩᬗ᭄ᬕᬶᬮᬦ᭄᭞ᬓᬮᬸᬦ᭄ᬢᬸᬭᬶᬦ᭄ᬢᬦ᭄ᬢᬸᬓ᭄ᬩᬋᬢ᭄ᬮᬶᬲ᭄ᬳᬕᬸᬂ᭞ᬤᬶᬢᬸᬲᬂᬭᬵᬚᬧᬸᬢ᭄ᬭ᭞ᬓᬳᬫ᭄ᬧᭂᬳᬂᬳᬦ᭄ᬢᬸᬓ᭄ᬳᬗᬶᬦ᭄᭟ᬓᬩᬸᬦ᭄ᬢᬂᬬᬦ᭄ᬢᬶᬂᬫᬩ᭄ᬮ
ᬲᬦ᭄᭞ᬭᬶᬂᬲᬫᭂᬢᭀᬦ᭄ᬳᬶᬤᬓᬯᬸᬄᬗᬤᬳᬗᬶᬦ᭄᭞ᬩᬦ᭄ᬧᭂᬢᭂᬗᬾᬧᬢᬶᬳᬸᬲᬸᬤ᭄᭞ᬓᬯᬸᬓᬯᬸᬓ᭄ᬭᬚᬧᬸᬢ᭄ᬭ᭞ᬧᬥᬵᬗᬯᬸᬓᬶᬦ᭄ᬲᬫᭂᬯᭀᬦ᭄ᬳᬶᬤᬦᬾᬤᬶᬢᬸ᭞ᬧᬥᬢ᭄ᬯᬭᬓᭂᬲᬯᬸ
[ ᭑᭒ 12A]
ᬭᬦ᭄᭞ᬲᬓᬵᬮᬶᬄᬫᬦᬦ᭄ᬤᬂᬲᭂᬥᬶᬄ᭟᭐᭟ᬧᬸᬄᬥᬂ᭟᭐᭟ᬘᬭᬶᬢᬬᬂᬳᭂᬦ᭄ᬤᬂᬳᬸᬚᬦᬾᬚᬦᬶ᭞ᬲᬫ᭄ᬧᬸᬦ᭄ᬕᬮᬂ᭞ᬲᬶᬦᬄᬲᬂᬳ᭄ᬬᬂᬲᬹᬃᬬ᭄ᬬ᭞ᬦᬗ᭄ᬳᬶᬂᬦᬸᬋᬫ᭄ᬋᬫ᭄ᬘᬬᬦᬾ ᭞ᬳᬸᬮᬢᬂᬫᬵ
ᬲᬯᬂᬲᬸᬗ᭄ᬲᬸᬢ᭄᭞ᬫᬗᬗᭂᬦ᭄ᬳᬶᬤᬲᬂᬓᬵᬮᬶᬄ᭞ᬩᬦᬾᬩᭂᬮᬲ᭄ᬫᬳᭂᬤᭀᬳᬦ᭄᭞ᬭᬶᬂᬲᬫᭂᬢᭀᬦ᭄ᬤᬶᬢᬸ᭞ᬤᬾᬦ᭄ᬓᬬᬸᬮᬬᬸᬫᬤᬸᬓᬦ᭄᭞ᬩᬩᬃᬳᬗᬶᬦ᭄᭞ᬮᬸᬓᬸᬲ᭄ᬳᬸᬮᬢ᭄ᬫᬶᬭᬶᬩ᭄ᬲᭂ
ᬲᬶᬄ᭞ᬓᬗᭂᬦ᭄ᬭᬶᬂᬲᬂᬭᬵᬚᬧᬸᬢ᭄ᬭ᭟ᬫᬜᬶᬦ᭄ᬓᭂᬤᬶᬲ᭄ᬳᬸᬫᬸᬂᬲ᭄ᬮᬾᬂᬢᬫ᭄ᬩᬸᬗᬶᬦ᭄᭞ᬭᬶᬂᬢᬶᬫ᭄ᬧᬵᬮ᭞ᬳᬸᬮᬢ᭄ᬫᬗᭀᬃᬢ᭄ᬢᬬᬂ᭞ᬲᬗ᭄ᬲᬭᬦ᭄ᬭᬵᬚᬧᬸᬢ᭄ᬭᬦᭀᬓᭀᬘᬧᬂᬲᬂᬭᬵᬚᬲᬸᬦᬸ᭞ᬇᬭᬶ
ᬓᬲᬮᬾᬂᬋᬋᬳᬶᬦ᭄᭞ᬧᬥᬢ᭄ᬯᬭᬵᬓᬘᬶᬗᬓ᭄᭞ᬲᬫᭂᬢᭀᬦᬾᬤᬶᬢᬸ᭞ᬇᬦ᭄ᬤ᭄ᬭᬲᬧ᭄ᬭᬶᬬᬜ᭞ᬳᬗᬸᬘᬧ᭄᭞ᬤᬶᬚᬵᬳᬤᬶ᭞ᬢ᭄ᬯᬭᬵᬦᬸᬫᬗᭂᬦᬄᬤᬶᬦᬶ᭞ᬩᬬᬳᬧᬵᬚᬫᬜᬸᬯᬂ᭟
Kaca:Bali-lontar-gaguritan-indra-bang-induraja-300ppi.pdf/12
Kaca puniki sampun kauji-wacén
