[ ᭑᭐᭘ 108B]
᭑᭐᭘᭞
ᬯᬸᬢ᭄ᬗᬮᭀᬓᬂᬩᬮᬦᬾᬤᬶᬢᬸᬫᬲᬸᬭᬓ᭄᭞ᬲᬫ᭄ᬧᬸᬦ᭄ᬫᬢᬗ᭄ᬓᭂᬧ᭄ᬚᬸᬭᬶᬢ᭄᭞ᬫᬧᭀᬳᭀᬲ᭄ᬧᭀᬳᭀᬲᬦ᭄᭞ᬩᬮᬧᬢᬸᬭᬸᬄᬩᬮ᭞ᬧ᭄ᬭᬫᬦ᭄ᬢ᭄ᬭᬶᬧᬢᬸᬭᬸᬄᬫᬦ᭄ᬢ᭄ᬭᬶ᭞ᬧᬥᬧ᭄ᬭᬯᬶᬭ᭞ᬧᬥᬢ᭄ᬯ᭠
ᬭᬳᭂᬜᬓ᭄ᬕᬶᬗ᭄ᬲᬶᬃ᭟ᬓᬢᬶᬗ᭄ᬳᬮᬦ᭄ᬧᭂᬤᬲ᭄ᬭᬶᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬲᬂᬦᬵᬣᬤᬶᬢᬸᬫᬶᬚᬶᬮ᭄᭞ᬫᬗᬤ᭄ᬯᬂᬧᬜ᭄ᬚᬓ᭄᭞ᬗᭂᬦᬄᬩᬮᬦ᭄ᬲᬂᬧ᭄ᬭᬧᬸᬢ᭄ᬭ᭞ᬮᬶᬦ᭄ᬢᬂᬧ᭄ᬭᬓᭀᬱᬭᬶᬂᬚᬸᬭᬶᬢ᭄᭞ᬭᬫᬾᬓᬂᬧ᭄ᬭᬂ᭞ᬫᬢᭂᬫ᭄ᬧᬸᬄ
ᬩᬮᬦ᭄ᬲᬂᬓᬮᬶᬄ᭟ᬲᬮᬾᬂᬲᭀᬭᭀᬂᬲᬮᬾᬂᬢᭂᬩᬸᬓ᭄ᬲᬮᬾᬂᬢᬸᬫ᭄ᬩᬓ᭄᭞ᬫᬦᭂᬩᭂᬓ᭄ᬓᬢᭂᬩᭂᬓᬶᬦ᭄᭞ᬫᬫᬦᬄᬓᬧᬦᬄ᭞ᬧᬥᬢ᭄ᬯᬭᬓᬲᭀᬭᬦ᭄᭞ᬫᬦᭂᬓ᭄ᬢᭂᬓ᭄ᬓᬢᭂᬓ᭄ᬢᭂᬓ᭄ᬓᬮᬶᬄ᭞ᬜᬾᬧᬓ᭄ᬓ
ᬲᬾᬧᬓ᭄᭞ᬧᬥᬥᬶᬭᬩᬮᬓᬮᬶᬄ᭟ᬮᬶᬦ᭄ᬢᬂᬭᬫᬾᬬᬸᬥᬦᬾᬫᬕᭂᬢ᭄ᬭᬤᭂᬰᬦ᭄᭞ᬲᬸᬭᬓᬾᬕᭂᬦ᭄ᬢᬃᬕᬸᬫᬶᬮᬶᬄ᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬤᭀᬗ᭄ᬤᬂ᭞ᬫᬸᬜᬶᬦ᭄ᬢᬫ᭄ᬩᬸᬭᬾᬩᬗ᭄ᬕ᭄ᬭᬲ᭄᭞ᬗᬭᬸᬤᬸᬕ᭄ᬗᭂᬫ᭄ᬧᭂᬗᬂ
[ ᭑᭐᭙ 109A]
ᬗᬂᬕᬸᬫᬶ᭞ᬭᬶᬂᬧᬧ᭄ᬭᬗᬦ᭄᭞ᬫᬓᭂᬚᬂᬧᬥᬫᬫᬸᬜᬶ᭟ᬓᬤᬸᬮᬸᬭᬶᬦ᭄ᬲ᭄ᬯᬭᬦ᭄ᬧᬢᭂᬫ᭄ᬧᬸᬄᬲᬜ᭄ᬚᬢ᭞ᬫᬕᬾᬢᬵᬳᬓ᭄ᬲᬮᬾᬂᬕᬢᬶᬓ᭄᭞ᬤᬤᬶᬫᬲᬫ᭄ᬩᬭᬦ᭄᭞ᬘᬬᬦᬾᬢᭂᬓᭂᬤ᭄ᬓᬸᬤᬭ᭞ᬫᬲᭂᬍ
ᬤᬢ᭄ᬩᬸᬓ᭄ᬢᬢᬶᬢ᭄᭞ᬓ᭄ᬮᬾᬮᬫᬦ᭄ᬧᬦᬄ᭞ᬕᬮᬂᬢᭂᬓᭂᬤ᭄ᬓᬮᬗᬶᬢ᭄᭟ᬓᭂᬜᭂᬂᬜᭂᬗᭂᬦ᭄ᬩᬮᬦᬾᬤᬶᬢᬸᬫᬲ᭄ᬬᬢ᭄᭞ᬢ᭄ᬯᬭᬤᬩᬓᬢ᭄ᬓ᭄ᬮᬶᬤᬶᬦ᭄᭞ᬓᬾᬦ᭄ᬫᬸᬲᬸᬄᬓᬾᬦ᭄ᬭᭀᬯᬂ᭞ᬲ᭄ᬬᬢᬾᬫᬫᬸ
ᬓ᭄ᬳᬫᬸᬓᬦ᭄᭞ᬩᬗ᭄ᬓᬾᬦᬾᬲᬮᬾᬂᬲᬸᬲᬸᬦᬶᬦ᭄᭞ᬕᭂᬢᬶᬳᬾᬫᭂᬫ᭄ᬩᬄ᭞ᬧᬥᬢ᭄ᬯᬭᬗᬶᬢᬸᬂᬫᬢᬶ᭟ᬳᬲᬶᬂᬧᬳᭂᬓ᭄ᬫᬸᬲᬸᬄᬭᭀᬯᬂᬬᬓᬢᬸᬫ᭄ᬩᬓ᭄᭞ᬢᬓᬸᬢ᭄ᬧᬘᬂᬓᬤᬸᬳᬸᬦᬶᬦ᭄᭞ᬩᬦ᭄ᬓ
ᬮ᭄ᬬᬸᬦᬦ᭄ᬩᬮ᭞ᬫᬸᬲᬸᬄᬭᭀᬯᬂᬫᬳᬤᬸᬓᬦ᭄᭞ᬩᬗ᭄ᬓᬾᬦᬾᬢᭀᬂᬓᭂᬦᬳᬶᬢᬸᬗᬶᬦ᭄᭞ᬭᬫᬾᬓᬮᬶᬦ᭄ᬢᬂ᭞ᬧᬲ᭄ᬬᬢ᭄ᬩᬮᬦᬾᬚᬦᬶ᭟ᬮ᭄ᬬᬸᬫᬢᬶᬧ᭄ᬭᬚᬸᬭᬶᬢ᭄ᬲᬂᬧ᭄ᬭᬧᬸᬢ᭄ᬭ᭞ᬫᬶᬯᬄ
Kaca:Bali-lontar-gaguritan-indra-bang-induraja-300ppi.pdf/109
Kaca puniki sampun kauji-wacén
