[ ᭑᭐᭖ 106B]
᭑᭐᭖᭞
ᬭᬶᬂᬧᬭᬫᬾᬦᬓ᭄᭞ᬫᭂᬓᬤᬶᬧᬭᬫᬦ᭄ᬢ᭄ᬭᬶ᭟ᬦᬄᬦᬾᬚᬦᬶᬳᭂᬜᬾᬦ᭄ᬜᬶᬤᬬᬂᬗᬮᬳᬂ᭞ᬫᬸᬲᬸᬳᬾᬲ᭄ᬬᬦᬵᬕᬭᬶ᭞ᬳᭂᬦ᭄ᬢᭀᬢ᭄ᬯᬄᬗᭂᬮᬳᬂ᭞ᬭᬩᬶᬦᬾᬭᬚᬚ᭄ᬯᬶᬢ᭞ᬓᬾᬢᭀᬯᬘᬦᬦ᭄ᬲᬗᬚᬶ᭞
ᬫᬲᬶᬄᬢᭀᬂᬳᬤ᭞ᬫᬢᬸᬃᬳᬦᬂᬳᬩᭂᬲᬶᬓ᭄᭟ᬧᬥᬫᭂᬦ᭄ᬥᭂᬧ᭄ᬧ᭄ᬭᬫᬦ᭄ᬢ᭄ᬭᬶᬦᬾᬫᬓᭂᬚᬂ᭞ᬤᬤ᭄ᬬᬜᬤᬶᬢᬸᬲᬗᬚᬶ᭞ᬯᭂᬢᬸᬧᬗᬦ᭄ᬤᬶᬓᬵ᭞ᬢᭂᬓᬾᬦ᭄ᬩᬮᬦᬾᬫᬓᭂᬚᬂ᭞ᬫᬯᬄᬢᭂᬓᬾᬦ᭄ᬧ᭄ᬭᬫᬦ᭄ᬢ᭄ᬭᬶ
ᬦᬾᬫᬦᬶᬳᬶᬭ᭞ᬧᭂᬲᬸᬫᬗ᭄ᬮᬯᬦ᭄ᬚᬸᬭᬶᬢ᭄᭟ᬬᬦᬶᬂᬢᬶᬢ᭄ᬬᬬᬂᬲᬫ᭄ᬧᬸᬦᬚᬄ᭞ᬓᬲᭀᬃᬫᬢᬦ᭄ᬤᬶᬂᬚᬸᬭᬶᬢ᭄᭞ᬮᬾᬤᬂᬧᭂᬓᬬᬸᬦᬦ᭄᭞ᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯᬵ᭞ᬓᬾᬢᭀᬳᬢᬸᬃ᭠
ᬜᬦᬾᬲᬫᬶ᭞ᬢᭂᬓᬾᬦ᭄ᬲᬂᬦᬵᬣ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂᬗᬶ᭟ᬤᬶᬢᬸᬮᬯᬸᬢ᭄ᬧ᭄ᬭᬚᬸᬭᬶᬢ᭄ᬳᬶᬤᬲᬂᬦᬵᬣ᭞ᬬᬢ᭄ᬦᬧᬥᬵᬫᬓᭂᬫᬶᬢ᭄᭞ᬩᬶᬮᬂᬧᬋᬫ᭄ᬧᬢᬦ᭄᭞ᬢᭂᬓᭂᬤ᭄ᬓᬮᬂᬩᬜ᭄ᬘᬶᬗᬄ᭞ᬢ᭄ᬯᬭ
[ ᭑᭐᭗ 107A]
ᬳᬤᬧᬸᬍᬲ᭄ᬩᬦᬶ᭞ᬧᬥᬫᬲᬫ᭄ᬩᬂ᭞ᬳᬤᬤᬶᬚᭂᬩᬕᬾᬗᬶᬦ᭄ᬢᬶᬧ᭄᭟ᬧᬓᬢᭀᬢᬶᬗ᭄ᬓᬄ᭞ᬩᬮᬦᬾᬤᬶᬚ᭄ᬭᭀᬓᭀᬢ᭞ᬢᬦ᭄ᬓᭀᬘᬧ᭄ᬯᬶᬗᬶᬦᬾᬫᬗ᭄ᬓᬶᬦ᭄᭞ᬩᬾᬜ᭄ᬚᬂᬘᬭᬶᬢᬬᬂ᭞ᬲᭂᬫᭂᬂᬫᬭ
ᬕᬮᬂᬢᬦᬄ᭞ᬰ᭄ᬭᬶᬪᬸᬧᬢᬶᬤᬶᬢᬸᬕᭂᬮᬶᬲ᭄᭞ᬗᭂᬲᬾᬗᬶᬦ᭄ᬧᬜ᭄ᬚᬓ᭄᭞ᬩᬮᬫᬶᬯᬄᬧ᭄ᬭᬚᬸᬭᬶᬢ᭄᭟ᬭᬯᬸᬄᬭᬭᬶᬲ᭄ᬗᭂᬩᬸᬕ᭄ᬓᬸᬮ᭄ᬓᬸᬮ᭄ᬧᬚᭂᬦᭂᬗᬦ᭄᭞ᬢᭂᬗ᭄ᬭᬦ᭄ᬰ᭄ᬭᬶᬦᬭᬧᬢᬶ᭞ᬳᬶᬤᬚᬕᬓᭀᬤᬮ᭄᭞
ᬧᬘᬂᬢᭂᬥᬸᬦ᭄ᬫᬧ᭄ᬭᬂ᭞ᬫᬫᬕᬸᬢ᭄ᬫᬸᬲᬸᬄᬭᬶᬂᬚᬸᬭᬶᬢ᭄᭞ᬕᬾᬯᬃᬭᬶᬂᬓᭀᬢ᭞ᬢᭂᬮᬲᬦ᭄ᬩᬮᬦᬾᬫᬶᬚᬶᬮ᭄᭟ᬧᬥᬢ᭄ᬭᬕ᭄ᬬᬩᬮᬦᬾᬗᬯᬲᬜ᭄ᬚᬢ᭞ᬳᬓᬾᬄᬢᬦ᭄ᬓᭂᬦᬯᬶᬮᬗᬶᬦ᭄᭞ᬬᬦ᭄ᬲᬯᬢ
ᬭᬬᬂ᭞ᬳᬤᬭᬲᬮᬶᬫᬂᬬᬸᬢ᭞ᬩᬮᬦ᭄ᬳᬶᬤᬦᬾᬲᬗᬚᬶ᭞ᬯᭀᬂᬤᬾᬰᬤᬾᬰ᭞ᬫᬶᬚᬶᬮ᭄ᬲᬫᬶᬫᬗᬶᬭᬶᬂ᭟ᬤᬶᬚ᭄ᬭᭀᬓᭀᬢᬧᬗᭂᬫ᭄ᬧᬸᬦᬾᬫᬗᭂᬩᬕ᭄᭞ᬧ᭄ᬭᬳᬶᬲ᭄ᬢ᭄ᬭᬶᬦᬾᬤᬕᬶᬂᬧᬸᬭᬶ᭞ᬫ
Kaca:Bali-lontar-gaguritan-indra-bang-induraja-300ppi.pdf/107
Kaca puniki sampun kauji-wacén
