[ ᭑᭐᭓ 103B]
᭑᭐᭓᭞
ᬮᬶᬓᬂ᭟᭐᭟ᬧᬸᬄᬤᬸᬃ᭟᭐᭟ᬤᬶᬢᬸᬮᬯᬸᬢ᭄ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬭᬶᬂᬧ᭄ᬭᬫᬦ᭄ᬢ᭄ᬭᬶᬧ᭄ᬭᬚᬸᬭᬶᬢ᭄᭞ᬫ᭄ᬯᬂᬭᬶᬂᬳᬸᬮᬸᬩᬮ᭞ᬇᬄᬧᬢᬶᬄᬤᭂᬫᬸᬂᬤᭂᬫᬂ᭞ᬓᭂᬫᭀᬧᭂᬲ᭄ᬯᬶᬦᬾᬦᬾ ᬚᬦᬶ᭞ᬳᬚᬓ᭄ᬫᬓᭂᬚᬂ᭞ᬮᬵ
ᬯᬦ᭄ᬳᬶᬬᬫᬲ᭄ᬬᬢ᭄ᬩᬸᬯᬶᬦ᭄᭟ᬲᬯᬸᬃᬲᭂᬫ᭄ᬩᬄᬧ᭄ᬭᬚᬸᬭᬶᬢᬾᬫᬓᭂᬚᬂ᭞ᬇᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬂ᭞ᬫᬗ᭄ᬭᬭᬶᬲ᭄ᬫᬫᬃᬕ᭄ᬕ᭞ᬫᬶᬚᬶᬮ᭄ᬫᬗ᭄ᬓᬶᬦ᭄ᬓᬧᬬᬸᬥᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬢᭂᬗᬳᬶᬂᬚᬸᬭᬶᬦᬢ᭄᭞ᬫᬋᬧ
ᬋᬧᬦ᭄᭞ᬭᬶᬂᬧ᭄ᬭᬧᬸᬢ᭄ᬭᬦᬾᬲᬫᬶ᭟ᬮᬯᬸᬢ᭄ᬫᬲ᭄ᬬᬢ᭄ᬩᬮᬦᬾᬧᬢᬸᬭᬸᬄᬩᬮ᭞ᬫᬦ᭄ᬢ᭄ᬭᬶᬧᬥᬧ᭄ᬭᬫᬦ᭄ᬢ᭄ᬭᬶ᭞ᬫᬾᬦᬓ᭄ᬧᬥᬫᬾᬦᬓ᭄ᬤᬤᬶᬫᬲᭀᬭᭀᬄᬲᭀᬭᭀᬳᬦ᭄᭞ᬩᬭᬶᬲᬦ᭄ᬢᭂᬮᬸᬂᬭᬶ
ᬭᬶᬕ᭄᭞ᬩᬮᬦ᭄ᬲᬂᬦᬵᬣ᭞ᬓᬶᬧᬢᬶᬄᬫᬗ᭄ᬓᬸᬦᬵᬕᬭᬶ᭟ᬗᭂᬧᬮᬳᬶᬦ᭄ᬲᬋᬂᬧᬢᬶᬄᬲᬗ᭄ᬕᬓᬱᬵ᭞ᬮᬯᬦ᭄ᬧᬢᬶᬄᬲᬗ᭄ᬕᬕᬸᬫᬶ᭞ᬳᬶᬯᬶᬭᬫᬶᬗ᭄ᬕᬮ᭞ᬮᬦ᭄ᬧᬢᬶᬄᬯᬶᬭᬲᬫᬸᬤ᭄ᬭ᭞ᬫᬦ᭄ᬢ᭄ᬭᬶᬯᬶᬭ
[ ᭑᭐᭔ 104A]
ᬦ᭄ᬤᬭᬸᬫᬮᬶᬄ᭞ᬓᬶᬳᬃᬬ᭄ᬬᬤᭂᬫᬂ᭞ᬤᭂᬫᬸᬂᬮᬦ᭄ᬭᬗ᭄ᬕᬭᬲ᭄ᬫᬶ᭟ᬓᬧᬭᬩᬶᬦ᭄ᬓᬶᬳᬃᬬ᭄ᬬᬤᭂᬫᬸᬂᬧ᭄ᬭᬓᬱ᭞ᬓᬶᬳᬃᬬ᭄ᬬᬤᭂᬫᬂᬲᬸᬗ᭄ᬓᬭᬶ᭞ᬧᬸᬦᬶᬓᬗᬤ᭄ᬯᬂ᭞ᬩᬮᬦᬾᬬᬦ᭄ᬳᬓᬸᬤᬂᬮᬓ᭄ᬱᬵ᭞
ᬲᬫ᭄ᬧᬸᬦ᭄ᬫᬢᬗ᭄ᬓᭂᬧ᭄ᬫᬚᬸᬭᬶᬢ᭄᭞ᬩᬮᬦ᭄ᬧ᭄ᬭᬧᬸᬢ᭄ᬭ᭞ᬭᬶᬩᬮᬦᬾᬲᬗᬚᬶ᭟ᬧᬥᬯᬶᬭᬩᬮᬦ᭄ᬲᬂᬓᬮᬶᬄᬫᬬᬸᬥ᭞ᬲᬸᬭᬓᬾᬫᬢᬶᬦ᭄ᬢᬶᬄᬢᬶᬦ᭄ᬤᬶᬄ᭞ᬫᬸᬳᬸᬕ᭄ᬫᬩ᭄ᬬᬬᬸᬯᬦ᭄᭞ᬫᭂᬭᬸ
ᬓᭂᬢ᭄ᬲᬮᬾᬂᬲᭂᬫ᭄ᬧᬮ᭄᭞ᬲᬮᬾᬂᬧᬮᬸᬲᬮᬾᬂᬮᬦ᭄ᬢᬶᬕ᭄᭞ᬦᬸᬫ᭄ᬩᬓᬢᬸᬫ᭄ᬩᬓ᭄ᬳᬤᬲᬮᬾᬂᬓᭂᬮᬾᬯᬗᬶᬦ᭄᭟ᬲᬮᬾᬂᬢᬸᬳᬸᬓ᭄ᬢ᭄ᬯᬭᬳᬤᬓᬲᭀᬭᬦ᭄᭞ᬧᬥᬢ᭄ᬯᬭᬳᭂ
ᬜᬓ᭄ᬕᬶᬗ᭄ᬲᬶᬃ᭞ᬩᬮᬦᬾᬫᬬᬸᬥ᭞ᬫᬓᭂᬮᭀᬲᬮᬾᬂᬘᬶᬤ᭄ᬭ᭞ᬤᬶᬢᬸᬓᬧᭂᬲ᭄ᬲᬂᬓᬢᬶᬦ᭄ᬤᬶᬄ᭞ᬩᬮᬦ᭄ᬧ᭄ᬭᬧᬸᬢ᭄ᬭ᭞ᬓᬘᬶᬗᬓ᭄ᬮᬶᬬᬸᬫᬢᬶ᭟ᬤᬤᬶᬓ᭄ᬭᭀᬥᬧ᭄ᬭᬧᬸᬢ᭄ᬭᬦᬾᬗᬦ᭄ᬢᭂᬦᬂ᭞ᬤᬶᬢᬸ
Kaca:Bali-lontar-gaguritan-indra-bang-induraja-300ppi.pdf/104
Kaca puniki sampun kauji-wacén
