[ ᭙᭙ 99B]
᭙᭙᭞
ᬮᬸᬲ᭄᭞ᬇᬄᬦᬾᬘᬳᬶᬳᬸᬮᬸᬩᬮ᭞ᬜᭂᬦ᭄ᬫᬗ᭄ᬭᬸᬲᬓᬾᬢᬸᬦᬶ᭟ᬩᬩᬭᬶᬲᬦ᭄ᬲᬂᬧ᭄ᬭᬧᬸᬢ᭄ᬭ᭞ᬲᬂᬓᬮᬶᬮᬶᬄ᭞ᬧ᭄ᬭᬚᬸᬭᬶᬢᬾᬲ᭄ᬬᬦᬵᬕᬭᬶ᭞ᬇᬧᬗ᭄ᬳᬸᬮᬸᬩᬮᬫᬳᬢᬸᬃ᭞ᬇᬗ᭄ᬕᬶᬄᬭᬢᬸ
ᬲᬸᬰᬸᬦᬦ᭄᭞ᬯᬦ᭄ᬢᬄᬤᬦᬾᬲᬦᬾᬩᬚᬂᬩᬕᬸᬲ᭄ᬭᬯᬸᬄ᭞ᬦᬸᬮᬸᬗᬶᬦ᭄ᬗᬫᬸᬓ᭄ᬩ᭄ᬭᬸᬲᬓᬂ᭞ᬳᬯᬦᬦ᭄ᬰᬢ᭄ᬭᬸᬦᬾᬮᬶᬮᬶᬄ᭟ᬲᬂᬦᬵᬣᬳᬮᭀᬦ᭄ᬦᬢᬲᬂ᭞ᬳᬸᬮᬶᬤᬶᬚᬧᬦᭂᬓᬦ᭄ᬜᬦᬾ
ᬳᬸᬦᬶ᭞ᬳᬦᬶᬢ᭄ᬯᬭᬬᬦᬸᬤᬶᬢᬸ᭞ᬓᬶᬚᬮᬓᬸᬦᬫᬓᬳᬤ᭄᭞ᬭᬭᬶᬲ᭄ᬫᬢᬸᬃᬳᬸᬮᬸ᭠ᬩᬮᬦᬾᬫᬩ᭄ᬭᬶᬬᬸᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬗᬶᬦ᭄ᬢᬶᬢ᭄ᬬᬂ᭞ᬲᬭᬯᬸᬄᬤᬦᬾᬳᬶᬢᬸᬦᬶ᭟᭠
ᬓᬾᬯᬦ᭄ᬢᭂᬦ᭄ᬤᬸᬓᬾᬫᬢᬸᬮᬓ᭄᭞ᬢᭀᬦᬶᬦ᭄ᬢᬶᬢ᭄ᬬᬂ᭞ᬤᬦᬾᬗᬸᬗ᭄ᬲᬶᬦᬵᬕᬭᬶ᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬦᬭᬸᬕ᭄ᬢᬸᬕ᭄᭞ᬲᬋᬂᬓᬳᬸᬦᬫ᭄ᬬᬦ᭄᭞ᬯᬯᬸᬭᬯᬸᬄᬭᬶᬂᬦᬵᬕᬭᬤᬦᬾᬮᬯᬸᬢ᭄᭞
[ ᭑᭐᭐ 100A]
ᬗᭂᬮᬶᬲᬂᬫᬗᭂᬧ᭄ᬮᬓ᭄ᬓᬸᬤ᭞ᬓᬸᬤᬦᬾᬭᬭᬶᬲ᭄ᬫᬮᬳᬶᬩ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬫᭂᬗᬢᬸᬭᬂ᭞ᬓᭀᬘᬧ᭄ᬳᬮᬲ᭄ᬳᬦ᭄ᬢᬩ᭄ᬭᬢᬦᬾᬓᬳᬸᬗ᭄ᬲᬶ᭞ᬲᬧᬸᬦᬶᬓᬳᬢᬸᬃᬳᬶᬧᬸᬦ᭄᭞ᬤᬶᬢᬸᬮᬯᬸᬢ᭄ᬰ᭄ᬭᬷᬦ
ᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂ᭞ᬧᬋᬓᬦ᭄ᬤᬬᬂᬫᬳᬢᬸᬭ᭄᭞ᬢᭂᬓᬾᬦ᭄ᬳᬶᬤᬭᬚᬚ᭄ᬯᬶᬢ᭞ᬬᬦ᭄ᬧᬗᬦ᭄ᬤᬶᬓᬦ᭄ᬲᬗᬚᬶ᭟ᬓᭂᬫᭀᬜᬳᬶᬗᬚ᭄ᬭᭀᬯᬂ᭞ᬫᬢᬸᬃᬢᭂᬓᬾᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬲᬶᬓᭂᬫ᭄ᬩᬃᬢᬓᭀᬦᬂ
ᬢᬸᬃᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬤᬾᬯᬳᬬᬸ᭞ᬢᬶᬢ᭄ᬬᬂᬯᬦ᭄ᬢᬄᬓᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬶᬤᬲᬂᬦᬵᬣᬳᬚᬶᬦ᭄ᬳᬶᬭᬢᬸ᭞ᬚᬕᬵᬗᭂᬲᬾᬗᬶᬦ᭄ᬲᬶᬓᭂᬫ᭄ᬩᬭ᭄᭞ᬬᬦ᭄ᬯᬾᬦ᭄ᬢᭂᬦ᭄ᬳᬶᬧᬸᬦ᭄ᬳᬶᬭᬶᬓᬶ᭟ᬧᬦ᭄ᬤᬶᬓᬦ᭄ᬳᬚᬶᬦ᭄ᬳᬶᬤᬾᬯ᭞ᬫᬗ᭄ᬤ
Kaca:Bali-lontar-gaguritan-indra-bang-induraja-300ppi.pdf/100
Kaca puniki sampun kauji-wacén
