Kaca:Bali-lontar-gaguritan-i-liku-02-300ppi.pdf/4

Saking Wikisource
Kaca puniki sampun kauji-wacén

[᭓3B]

᭟ᬦᬶᬓᬸᬡ᭄ᬥᬦᬶᬮᬃᬰᬳᬾᬭᬶᬂ᭞ᬢ᭄ᬓᬧ᭄ᬬᬦᬓᬾᬫᬗᭂᬮᬶᬂ᭞ᬭᬭᬶᬲ᭄ᬓᬭᬗ᭄ᬲᬸᬓᬶᬦ᭄ᬕᬸᬡ᭞ᬕᬸᬡᬲᭀᬭᭀᬄᬦᬾᬦᬾᬍᬯᬶᬄ᭞ᬤᬶᬫᬢᭂᬭᬗ᭄ᬲᬸᬂᬰᬭᬷ᭞ᬤᬶᬳᬯᬓ᭄ᬳᬶᬩᬗ᭄ᬓᬸᬂᬩᬸᬤᬸᬄ᭞ᬤᬶᬮᬶᬫᭂᬳᬶᬚᬭᬶᬂ
ᬲᬸᬢᬻ᭞ᬤᬶᬩᬶᬩᬶᬄᬳᬶᬢᬸᬂᬢᬸᬂᬢᬗᬶᬲ᭄᭞ᬦᬾᬭᬶᬂᬭᬵᬫ᭄ᬩᬸᬢ᭄᭞ᬧᬶᬗᬋᬧ᭄ᬳᬶᬚᬭᬦ᭄ᬕᬸᬬᬂ᭟ᬤᬶᬢᬶᬦ᭄ᬤᬓᬦ᭄ᬲᬸᬍᬫᬵᬦᬓ᭄᭞ᬢᬬᬸᬗᬦ᭄ᬕᬥᬸᬂᬫᭂᬮᬢᬶ᭞ᬤᬶᬓᬵᬫ᭄ᬩᭂᬦ᭄ᬳᬶᬘᬸᬓᬩᬭᬕ᭄᭞ᬤᬶᬢ
ᬧᬶᬄᬧᬦᬸᬗ᭄ᬓᬸᬮ᭄ᬕᬸᬫᬶ᭞ᬤᬶᬫᬸᬜᬶᬳᬶᬬᬫ᭄ᬩᬃᬰᬭᬷ᭞ᬕᬸᬡᬧᬸᬍᬢᬾᬭᬶᬂᬲᬩᬸᬓ᭄᭞ᬲᬮᬾ᭠ᬡ᭄ᬥᬂᬳᬶᬕᬸᬡᬓ᭄ᬭᬫ᭞ᬤᬶᬩᬸᬮᬂᬦᬕᬲᬂᬓᬸᬯᬶᬢ᭄᭞ᬦᬾᬭᬶᬂᬘᬸᬗᬸᬄ᭞ᬕᬸᬡᬧᬦ᭄ᬭᬂᬉᬧᬱ᭄ᬫᬡ᭄ᬥᬃ᭟
ᬲᬵᬫ᭄ᬧᬸᬦ᭄‌ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬕᬸᬡ᭞ᬦᬩ᭄ᬥᬩ᭄ᬓᭂᬓᬫ᭄ᬩᭂᬦᬦ᭄ᬫᬗ᭄ᬓᬶᬦ᭄᭞ᬫᬢᭀᬭᭀᬲ᭄ᬩᬲᬗᬾᬩᭂᬂᬓ᭞ᬢᬸᬬᬸᬄᬭᬾᬜ᭄ᬘᬂᬦᬾᬦᬸᬮᬸᬗᬶᬦ᭄᭞ᬫ᭄ᬦᬕ᭄ᬢᬕ᭄ᬫᬧᬸᬭᬶᬦ᭄᭞ᬫᬲᬸᬯᬄᬳᭂᬩᭀ
[᭔4A]
ᬓᬧᭂᬭᬸᬢ᭄᭞ᬳᬮᬶᬲᬾᬮᬄᬲᬵᬫ᭄ᬧ᭄ᬮᬄ᭞ᬢᬸᬬᬸᬄᬫᬜᭀᬮᬾᬓᬶᬦ᭄ᬫᬂᬲᬶ᭞ᬕᬶᬕᬶᬕᬶᬂ᭠ᬲᬸᬮ᭄᭞ᬳᬶᬲᬶᬢ᭄ᬲᭂᬍᬫ᭄ᬫᬢᭂᬲᬾᬗᬢ᭄᭞ᬭᬭᬶᬲ᭄ᬫᭂᬗᬫ᭄ᬩᭂᬮᬂᬫᬶᬜᬓ᭄᭞ᬧᬾᬦ᭄ᬤᬾᬃᬳᭂᬩᭀᬦ᭄ᬜ
ᬦᬾᬫᬶᬳᬶᬓ᭄᭞ᬳᬗ᭄ᬕᭀᬦ᭄ᬫᬜᬧ᭄ᬱᬧᬶᬦ᭄ᬭᬵᬕ᭞ᬧᬸᬧᬸᬢ᭄ᬧᭂᬧᬬᬲᬦ᭄ᬫᬂᬓᬶᬦ᭄᭞ᬫᬓᬶ᭠ᬭᬾᬧᬘᬂᬓᬧᬸᬭᬶ᭞ᬫᬧᬫᬶᬢ᭄ᬭᬶᬂᬳᬚᬶᬕᬸᬂ᭞ᬓᬳᬶᬘᬾᬦ᭄ᬧᬋᬓᬦ᭄ᬤᬤ᭄ᬯᬵ᭞ᬗᬩᭂᬓᭂᬫ᭄ᬩᬮ᭄ᬩ᭠
ᬭᬓ᭄ᬗᭂᬦ᭄ᬤᬶᬄ᭞ᬲᬵᬫ᭄ᬧᬸᬦ᭄‌ᬭᬯᬸᬄ᭞ᬘᬭᬶᬢᬬᬂᬫᬭᬶᬂᬧᬸᬭ᭄ᬬ᭟ᬓᭀᬘᬧᬂᬳᬶᬤᬲᬂᬦᬵᬣ᭞ᬫᬜᬶᬗᬓ᭄ᬳᬶᬮᬶᬫ᭄ᬩᬸᬃᬧᬮᬶᬂ᭞ᬓᬮᬶᬧᬸᬢᬦ᭄ᬩᬳᬦ᭄ᬕᬸᬡ᭞ᬮᬶᬮᬸᬂᬳᬸᬬᬂᬮᬶᬂᬮᬸᬂᬧᬮᬶᬂ᭞ᬲᬓᬭᬄᬭ
ᬩᬶᬦᬾᬲᬫᬶ᭞ᬓᬵᬫ᭄ᬧᬶᬄᬢ᭄ᬯᬭᬳᬤᬗ᭄ᬭᬸᬗᬸ᭞ᬧ᭄ᬭᬫᬷᬰ᭄ᬯᬭᬷᬓᬢᭂᬫ᭄ᬧᬵᬢᬢ᭄᭞ᬭᬢᬶᬂᬧᬸᬢᬺᬓᬭᬶᬳᬮᬶᬢ᭄᭞ᬯᬾᬦ᭄ᬢᭂᬯᬳᬸ᭞ᬫᬬᬸᬱᬢᬶᬕᬂᬳᭀᬤᬮᬦ᭄᭟ᬩᬮᬶᬓᬶᬦ᭄‌ᬩ᭄ᬯᬶᬦ᭄ᬘᬭᬶᬢ