[᭓᭔34B]
᭓᭓
ᬦᬦᬓ᭄ᬩᬕᬸᬲ᭄ᬗᭀᬤᬕ᭄ᬲᬵᬫᬶ᭞ᬳ᭄ᬦᬂᬳᬶᬤ᭄ᬯᬕᬶᬂ᭞ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭟ᬦᬄᬚᬦᬶᬳᬚᬓ᭄ᬫᬓᭂᬚᬂ᭞ᬤᬡ᭄ᬥᬫᬦ᭄ᬢ᭄ᬭᬶᬫᬶᬯᬄᬧᬢᬶᬄ᭞ᬳᬶᬤᭂᬧ᭄ᬦᬶᬭᬫᬗᬃᬳ᭄ᬬᬂᬦᬂ᭞ᬫᬩᬶᬲᬾᬓᭂᬦᬵᬣᬲ᭄ᬯ᭠
ᬫᬶ᭞ᬫᬶᬯᬄᬦᬦᬓ᭄ᬩᬕᬸᬲ᭄ᬳᬮᬶᬢ᭄᭞ᬳᬧᬂᬳᬦᬸᬢ᭄ᬢᬶᬗ᭄ᬓᬄᬭᬢᬸ᭞ᬫᬸᬍᬕᬫᬭᬵᬚᬧᬸᬢᬻ᭞ᬦᬄᬧᬢᬶᬄᬓᬦᬳᬂᬚᬦᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᭂᬤᬩ᭄ᬤᬩ᭄ᬧᬺᬫᬦ᭄ᬢ᭄ᬭᬶᬦᬾᬧᬥ᭟ᬓᬮᬶᬄᬘ᭠
ᬳᬶᬤᭂᬫᬸᬂᬤᭂᬫᬂ᭞ᬘᬳᬶᬮᬸᬯᬲ᭄ᬩᬸᬓᬚᬦᬶ᭞ᬦᬸᬳᬸᬃᬰᬂᬧ᭄ᬭᬪᬸᬭᬶᬂᬤᭂᬳ᭞ᬫᬓᬤᬶᬲᬤᬕᬶᬂᬧᬸᬭᬶ᭞ᬫᬗ᭄ᬤᭂᬭᬯᬸᬄᬳᬸᬕᬶᬲᬵᬫᬶ᭞ᬦᬶᬜ᭄ᬚᭀᬓᬃᬬ᭄ᬬᬦᬦᬓ᭄ᬕᬮᬸᬄ᭞ᬧᬺᬦᬢᬬᬂᬗᬢᬸᬭᬂ᭞ᬲᬧ᭄ᬭᬶᬓᬦ᭄ᬤ
ᬦ᭄ᬜᭂᬲᬵᬫᬶ᭞ᬧᬂᬤᭂᬢᬦ᭄ᬤ᭄ᬭᬸᬄ᭞ᬲᬂᬧ᭄ᬭᬪᬸᬢᬓᬾᬦᬶᬂᬧᬸᬢᬻ᭟ᬲᬸᬫᭂᬓᭂᬦ᭄ᬤᬶᬦᬦᬶᬂᬓᬃᬬ᭄ᬬ᭞ᬩ᭄ᬯᬶᬦ᭄ᬳᬩᬸᬮᬦ᭄ᬳᬸᬮᬶᬂᬚᬦᬶ᭞ᬫᬦᬸᬚᬸᬧᬸᬃᬡ᭄ᬦᬫᬓᬧᬢ᭄᭞ᬩᬤᭂᬂᬓᭂᬫ᭄ᬩᬂᬲᬃᬯ᭄ᬯᬵᬫᬶᬳᬶᬓ᭄᭞ᬳᬶᬤᭂ
[᭓᭕35A]
ᬫᬡᬫ᭄ᬩᬄᬫᬵᬢᬹᬃᬧᬫᬶᬢ᭄᭞ᬫᬫᬃᬕ᭄ᬕᬶᬮᬵᬫ᭄ᬧᬳᬾᬦᬭᬸᬂ᭞ᬢᬦ᭄ᬓᭀᬘᬧᬂᬳᬦᬾᬂᬚᬮᬦ᭄᭞ᬫᬭᬶᬂᬤᬳᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬤᭂᬫᬂᬤᭂᬫᬸᬂ᭞ᬕᬕᬗ᭄ᬲᬭᬦ᭄ᬗᬧᬸᬭ᭄ᬬᬂ᭟ᬲᬂᬧ᭄ᬭᬪᬸᬲ᭄ᬥᭂᬓ᭄ᬲᬶᬦᬾᬩ᭠
ᬦ᭄᭞ᬳᬢᬧ᭄ᬤᬦ᭄ᬤᬫᬦ᭄ᬢ᭄ᬭᬶᬦᬗᬶᬲ᭄᭞ᬚᬕ᭄ᬭᬯᬸᬄᬳᬶᬤᭂᬫᬸᬂᬤᭂᬫᬂ᭞ᬧ᭄ᬬᬓ᭄ᬧᬦᬗ᭄ᬓᬶᬮᬦᬾᬲᬵᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬭᬭᬶᬲ᭄᭞ᬫᬳᬶᬮᬯᬸᬢᬂᬘᬳᬶᬤᭂᬫᬸᬂ᭞ᬳᬧᬩ᭄ᬯᬢ᭄ᬘᬳᬶᬦᬾᬢᭂᬓ᭞ᬳᬶᬤᭂᬫᬸᬂ
ᬫᬳᬢᬹᬃᬪᬓ᭄ᬢᬶ᭞ᬲᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬦᬵᬣ᭞ᬳᬶᬤᬗᬦ᭄ᬤᬶᬓᬬᬂᬢᬶᬢ᭄ᬬᬂ᭞ᬫᬵᬢᬸᬃᬧᬗᬸᬦᬶᬗᬫᬗ᭄ᬓᬶᬦ᭄᭞ᬚᬕᬶᬓᬃᬬ᭄ᬬᬧᬩᬸᬜ᭄ᬘᬶᬗᬦ᭄᭞ᬫᬕᬶᬲᬾᬓᭂᬜᭂᬡᬂᬧ᭄ᬭᬫᬶ᭞ᬫᬗ᭄ᬤᬾᬭᬯᬸᬄ
ᬳᬸᬕᬶᬦᬶᬜ᭄ᬚᭀᬯᬶᬦ᭄᭞ᬓᬃᬬ᭄ᬬᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬫᬗ᭄ᬤᭂᬭᬯᬸᬄᬳᬸᬕᬶᬲᬵᬫ᭄ᬬᬦ᭄᭞ᬢ᭄ᬮ᭠ᬲᬦ᭄ᬲᭂᬤᬕᬶᬂᬧᬸᬭᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬧ᭄ᬭᬶᬓᬡ᭄ᬥᬓᬧᬶᬤᬃᬢ᭄ᬣᬵ᭟ᬲᬧᬸᬦᬶᬓᬭᬓᬦ᭄ᬳᬶᬤ᭞
Kaca:Bali-lontar-gaguritan-i-liku-02-300ppi.pdf/35
Kaca puniki sampun kauji-wacén
