Kaca:Bali-lontar-gaguritan-i-ktut-bagus-400ppi.pdf/7

Saking Wikisource
Kaca puniki sampun kauji-wacén

[᭖ 6B]

ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬓᬾᬮᬦ᭄ᬢᬸᬭᬂᬫᬮᬶᬄ᭞ᬓᭂᬜᬸᬂᬤᬾᬩᬮ᭄ᬬᬦᬗᬸᬘᬧ᭄᭞ᬩᬧᬫᭀᬧᭀᬕ᭄ᬫᬗᭀᬭᬳᬶᬦ᭄᭞ᬢᬢᭂᬗᭂᬭᬦ᭄ᬧᬢᬶᬉᬭᬶᬧ᭄᭞
ᬬᬦ᭄ᬓᬶᬯᬤ᭄ᬯᬭᬦ᭄ᬬᬧᭂᬮᬸᬄ᭞ᬓᬸᬓᬸᬲ᭄ᬕᬸᬦᬸᬂᬢᭀᬳᬭᬦ᭄ᬜ᭞ᬳ᭄ᬬᬂᬇ᭠ᬰ᭄ᬯᬭᬫᬜ᭄ᬘᬸᬢ᭄ᬳᬸᬭᬶᬧ᭄᭞ᬧ᭄ᬭᬡᬓᬩᬬᬸ᭞ᬚ᭄ᬭᭀᬦᬶᬂᬧᬶᬢᬸᬂᬤᬷᬤᬶᬸᬦᬧᭂᬚᬄ᭚
ᬬᬦ᭄ᬢᬦ᭄ᬫᬵᬢᬶᬯ᭄ᬯᬂᬲᬳᬶᬓ᭞ᬤᬤᬶᬲᭂᬕᭂᬃᬳᭀᬕᭂᬃᬚᬕᬶ᭞ᬩᬧᬩᬦᬶᬫᬗᭂᬫ᭄ᬩᬸᬮᬂ᭞ᬢ᭄ᬯᬭᬚᬧᬘᬂᬫᬶᬮᬶᬳᬶᬦ᭄᭞ᬳᬗ᭄ᬳᬶᬂᬮᬶᬬᬸᬳᬤᬩᬸᬯᬶᬦ᭄‌᭞ᬦᬾᬫᬵ
ᬤᬦ᭄ᬲᬵᬕᬭᬘᬢᬸᬃ᭞ᬘᭂᬍᬓᬶᬦ᭄ᬲᭀᬂᬓᬸᬧᬶᬂᬦ᭄ᬬ᭞ᬭᬱᬓᬓᬸ᭠ᬮᬶᬢ᭄ᬦᬾᬲᭂᬧᬶ᭞ᬗᬦ᭄ᬢᬶᬮᬫ᭄ᬧᬸᬲ᭄᭞ᬚ᭄ᬭᭀᬦᬶᬂᬧᬶᬢᬸᬂᬤᬷᬦᬧᭂᬚᬄ᭚ᬲᬸᬩ
[᭗ 7A]
ᬢᬸᬢᬸᬕ᭄ᬧᭂᬢᬂᬤᬷᬦ᭞ᬢ᭄ᬯᬭᬬᬫᬗ᭄ᬮᬦ᭄ᬢᬲ᭄ᬫᬵᬢᬶ᭞ᬩᬦᬶᬦᬸᬮᬸᬂᬫᬳᬂᬳᬸᬩᬤ᭄᭞ᬘᬕᭂᬃᬳᬶᬤᬸᬧ᭄ᬓᬬᬂᬮᬫᬶ᭞ᬳᬤᬧᬫ᭄ᬯᬢ᭄ᬜᬫᬮᬶᬄ᭞ᬩᬧᬩᬦᬶ
ᬫᬲᬲᬸᬫ᭄ᬩᬸᬂ᭞ᬳ᭄ᬬᬂᬲᬶᬮᬫᬘᬓᭂᬧ᭄ᬳᬭᬦ᭄ᬬ᭞ᬫᭂᬗᬢᬸᬢᬸᬓ᭄ᬯᭀᬗᬕᭂᬭᬶᬂ᭞ᬫᬜᬗᬗᬮ᭄᭞ᬢᬸᬭᬶᬂᬩᬾᬗᭀᬃᬚᬢᬶᬧᭂᬚᬄ᭚ᬳ᭄ᬬᬂᬬᬫᬲᬸᬩ
ᬫᬢᬶᬗ᭄ᬕᬮ᭄᭞ᬢ᭄ᬯᬭᬜᬦ᭄ᬤᬂᬩ᭄ᬯᬶᬦᬸᬩᬤᬶᬦ᭄᭞ᬳᬧᬦ᭄ᬚᬢᬶᬗ᭠ᬦ᭄ᬢᬶᬧᭂᬚᬄ᭞ᬳᬶᬓᭂᬢᬸᬢ᭄ᬲᬳᬸᬃᬫᬾᬗᭀᬭᬶᬦ᭄᭞ᬗ᭄ᬕᬶᬄᬲᬵᬫ᭄ᬧᬸᬦ᭄ᬘᬕᭂᬃᬫᬵ
ᬢᬶ᭞ᬲᬦᬾᬓᬾᬦ᭄ᬓᬾᬦ᭄ᬘᬕᭂᬃᬳᬶᬤᬸᬧ᭄᭞ᬲᬦᬾᬜ᭄ᬘᬾᬦ᭄ᬲ᭠ᬓᬶᬢᬾᬢᬫ᭄ᬩᬃ᭞ᬥᬾᬩᬮ᭄ᬬᬦ᭄ᬜᭂᬗᬾᬓ᭄ᬜᬳᬸᬭᬶᬦ᭄᭞ᬘᬳᬶᬢᬫ᭄ᬩᭂᬢ᭄᭞