[᭑᭖ 16B]
᭑᭖
ᬥᬬᬫᬜᬭᬶᬓ᭄᭟ᬚᭂᬭᭀᬜᭀᬫᬦ᭄ᬚᭂᬚᭂᬄᬓᭂᬦ᭄ᬤᭂᬮ᭄ᬫᬓᭂᬦᭂᬳᬦ᭄᭞ᬤᬦᬾᬓᭂᬤᬾᬓ᭄ᬮᬦ᭄ᬫᬗ᭄ᬮᬶᬂᬳᬶᬩᭂᬮᭀᬕ᭄ᬫᬤᬬ᭞ᬮᬦ᭄ᬢᬲ᭄ᬓᭂᬤᭂᬄᬫᬦᬸᬦᬲᬂ᭞ᬚᬮᬦ᭄ᬧᬫᭂᬓᭂᬮᬾᬲᭂᬤᬶᬄ᭞ᬳᬶᬗ᭄ᬕᬶᬄᬤᬾᬯ᭞ᬕᬸ᭠
ᬲ᭄ᬢᬶᬗᬸᬤᬚᬫᬗᭂᬮᬶᬂ᭟ᬫᭂᬓᭂᬮᬾᬫᬲᬯᬸᬢ᭄ᬫᬸᬜᬶᬫᭂᬕᬢ᭄ᬫᭂᬕᬢ᭄᭞ᬓᬳᬫ᭄ᬧᭂᬢ᭄ᬩᬳᬦ᭄ᬫᬗᭂᬮᬶᬂᬦᬾᬓᭀᬮᬫᬓᭂᬲᬶᬬᬩ᭄᭞ᬓᬗᬶᬦ᭄ᬢᭂᬓᬾᬦ᭄ᬳᬶᬚ᭄ᬭᭀᬲᬾᬥ᭞ᬳᬶᬗ᭄ᬕᬶᬄᬲᬧᬸᬦᬧᬶᬕᬸᬲ᭄ᬢᬶ᭞ᬢᬶᬬᬂᬚᬸᬯᭂᬢ᭄᭞
ᬫᬢᬓᭀᬦ᭄ᬚᭂᬭᭀᬦᬾᬫᬪᬓ᭄ᬢᬶ᭟ᬬᬾᬦ᭄ᬲᬤ᭄ᬬᬢᬦ᭄ᬲᬤ᭄ᬬᬲᭀᬓ᭄ᬚᬢᬾᬦᬶᬦ᭄ᬢᬶᬬᬂ᭞ᬫᭂᬓᭂᬮᬾᬮᬦ᭄ᬢᬲ᭄ᬫᬚᬢᬶ᭞ᬪᬝᬵᬭᬦᬾᬫᭂᬤᬮ᭄᭞ᬢᬸᬳᬸᬳᬤᬧᬦᬸᬕ᭄ᬭᬳᬦ᭄᭞ᬬᬾᬦ᭄ᬓᭀᬮᬲᬸᬩᬫᬗᬶᬭᬶᬂ᭞᭠
ᬘᬶᬘᬶᬂᬓᭂᬤᬢ᭄᭞ᬧᬤᬶᬳᬦᬾᬧᬸᬬᬸᬂᬚᭂᬮᬶᬄ᭟ᬧᬗᬦ᭄ᬤᬶᬓᬦᬾᬧᬶᬗᬶᬢ᭄ᬓᭀᬮᬢᬸᬯᬄᬢᭀᬂᬜᬓ᭄᭞ᬗᭀᬭᬳᬂᬢᭂᬓᬾᬦᬶᬂᬦᬦᬶ᭞ᬳᬧᬦ᭄ᬢᬦᬶᬕᬫ᭄ᬧᬂ᭞ᬚᬦᬶᬦᬦᬶᬢᭀᬦ᭄ᬤᬾᬦ᭄ᬦᬯᬂ᭞ᬓᬗᬶᬦ᭄ᬓᬯᬸᬄᬲᬶᬂᬜ᭠
[᭑᭗ 17A]
ᬳᭂᬲᬶᬂ᭞ᬗᬃᬤ᭄ᬥᬶᬭᬸᬲᬮ᭄᭞ᬢᭂᬓᬳᬶᬦᭂᬩᬂᬤᬶᬳᬢᬶ᭟ᬳᬶᬩᭂᬮᭀᬕ᭄ᬓᭂᬤᬾᬓ᭄ᬤᬶᬳᬢᬶᬦᬾᬜᬭᬸᬯᬂ᭞ᬫᬧᬶᬫᬧᬶᬢ᭄ᬯᬭᬉᬦᬶᬂ᭞ᬢᭂᬓᬾᬦᬶᬂᬭᬭᬱᬦ᭄᭞ᬚᬦᬶᬓᬕᬾᬢ᭄ᬲᬸᬩᬲᬜ᭄ᬚ᭞ᬫᬗ᭄ᬭᭀᬭᭀᬓᬂᬫᬢᬦ᭄ᬳᬳᬶ᭞ᬩᬸ᭠
ᬮᬦ᭄ᬳᭂᬦ᭄ᬤᬕ᭄᭞ᬲᬸᬩᬚᬦᬶᬩᭂᬦᭂᬄᬓᬗᬶᬦ᭄᭟ᬳᬶᬩᭂᬮᭀᬕ᭄ᬭᬾᬧᭀᬢ᭄ᬓᬧᬯᭀᬦ᭄ᬗᭂᬜᬶᬢ᭄ᬤᬫᬃ᭞ᬧ᭄ᬭᬬᬦᬾᬬᬫᬲᬕᬶ᭞ᬚᭂᬭᭀᬭᬗ᭄ᬤᬗᬦ᭄ᬤᭂᬕᬂ᭞ᬩᭂᬮᭀᬕ᭄ᬲᬸᬩᬤᬚ᭄ᬯᬳᬾᬗ᭄ᬕᬮ᭄᭞ᬫᬗᬮᬶᬳᬂᬓᭀᬮᬦ᭠
ᬥᬶ᭞ᬢᭀᬂᬫᬓᬶᬢ᭞ᬤᬫᬭᬾᬬᬳᬩᬫᬳᬶ᭟ᬳᬶᬩᭂᬮᭀᬕ᭄ᬫᬚᬮᬦ᭄ᬫᬦᬦ᭄ᬢᬤ᭄ᬘᬗ᭄ᬓᭀᬓᬦ᭄᭞ᬧᬫᭂᬓᭂᬮᬾᬬᬫᬫᬢ᭄ᬕ᭄ᬕᬶ᭞ᬓᬸᬫᬄᬫᭂᬢᬾᬦ᭄ᬮᬦ᭄ᬢᬲ᭄᭞ᬳᬶᬩᭂᬮᭀᬕ᭄ᬳᭂᬦᬸᬤᬶᬉᬦ᭄ᬤᬕ᭄᭞ᬫᬳᬦ᭄ᬤᭂᬕ᭄ᬳᭀᬯᬸᬦᬶᬓᬶᬕᬸ
ᬲ᭄ᬢᬶ᭞ᬧᬲᬾᬫ᭄ᬩᬾᬬᬦ᭄᭞ᬧᬫᭂᬓᭂᬮᬾᬫᬗᬯᬸᬓᬶᬦ᭄᭟ᬫᬢᬶᬮᬦ᭄ᬢᬲ᭄ᬩᭂᬮᭀᬕ᭄ᬫᭂᬥᭂᬫ᭄ᬳᭂᬤᬮᬸᬯᬲ᭄᭞ᬓᭀᬮᬤᬶᬚᬸᬫᬄᬢᭀᬗᭀᬲᬶᬦ᭄᭞ᬳᬶᬩᭂᬮᭀᬕ᭄ᬫᬫᬶᬦ᭄ᬤᬄ᭞ᬮᬦ᭄ᬢᬲ᭄ᬬᬫᬜᭂᬫᬓ᭄ᬥᬫᬃ᭞ᬤᬶᬭᭀ
Kaca:Bali-lontar-gaguritan-i-belog-300ppi.pdf/17
Kaca puniki sampun kauji-wacén
