Kaca:Bali-lontar-gaguritan-i-belog-300ppi.pdf/15

Saking Wikisource
Kaca puniki sampun kauji-wacén

[᭑᭔ 14B]
ᬘᬦᬂ᭞ᬲᬳᬭᬓᬯᭀᬄᬯᭀᬳᬦ᭄᭞ᬩᬸᬭᬢ᭄ᬯᬗᬶᬍᬗᬯᬗᬶ᭞ᬳᬶᬗ᭄ᬕᬶᬄᬤᬾᬯ᭞ᬰᬓ᭄ᬢᬶ᭠ᬫᬜᭂᬦᭂᬂᬇᬭᬶᬓᬶ᭟ᬢᬶᬢᬶᬬᬂᬫᬗᬢᬹᬭᬂᬘᬦᬂᬳᬢᬕᭂᬮᬦ᭄᭞ᬳᬧᬂᬲᬸᬓᬫᬜᭂᬦᭂᬗᬶᬦ᭄᭞ᬢᬶᬢᬶᬬᬂ᭠
ᬦᬸᬦᬲ᭄ᬳᬶᬘ᭄ᬙ᭞ᬬᬾᬦ᭄ᬧᬸᬦᬧᬶᬦᬾᬫᬓᬤ᭞ᬧᬤᬶᬦ᭄ᬢᬶᬢᬶᬬᬗᬾᬫ᭄ᬩᬸᬤ᭄ᬲᬫᬶ᭞ᬧᬸᬬᬸᬂᬲᬫ᭄ᬬᬦ᭄᭞ᬢᬦ᭄ᬳᬸᬭᬸᬂᬢᬶᬢ᭄ᬬᬂᬫᬢᬶᬳᬭᬶᬕ᭄᭞ᬚᬸᬫᬄᬫᬘᬶᬳ᭄ᬦᬘᬶᬘᬶᬗᬾᬯᬳᬸᬍᬓᬤ᭄᭞ᬢ᭄ᬯᬭᬫᬗᭂᬦᭀᬢ᭄ᬮᬗᬶᬢ᭄
᭞ᬉᬮᬢ᭄ᬳᬤᬪᬾᬥ᭞ᬢᬶᬢᬶᬬᬂᬦᬸᬦᬲ᭄ᬳᬶᬘ᭄ᬙᬮᬸᬕ᭄ᬭ᭞ᬧᬤᬶᬦᬾᬳᬧᬗᬚᭂᬮᬶᬄ᭞ᬘᬶᬘᬶᬂᬓᭂᬤᬢ᭄᭞ᬢᬶᬢᬶᬬᬂᬜᬳᬸᬳᬂᬲᬲᬗᬶ᭟ᬯᬸᬲ᭄ᬫᬜᬶᬦᬾᬳᬧᬂᬢᬶᬢᬶᬬᬂᬫᬗᬢᬹᬭᬂ᭞ᬧᬧᭂᬤᭂᬓ᭄ᬓᬢᬶᬫᬸᬦ᭄ᬕᬸᬮᬶᬂ
ᬬᬦ᭄ᬢ᭄ᬯᬭᬓᬧᬶᬳᬮᬂ᭞ᬮᬦ᭄ᬢᬲ᭄ᬬᬩᬸᬯᬶᬦ᭄ᬫᬜᬸᬫ᭄ᬩᬄ᭞ᬜᬭᬾᬭᬾᬲᬤᬜᭂᬳᭂᬩᬶᬦ᭄᭞ᬧᭂᬢᭂᬂᬤᬶᬕᬸᬯ᭞ᬦᭂᬕᬭᬂᬫᬗ᭄ᬮᬶᬬᬢᬶᬦ᭄᭞ᬫᬳᬶᬭᬶᬩ᭄ᬤᬾᬯᬦᬾᬓᭂᬦᭀᬢ᭄ᬓᬮᬶᬫᬢ᭄ᬫᬢᬦ᭄᭞ᬫᬢᬧᬸᬢᬶᬄ᭠
[᭑᭕ 15A]
ᬫᬶᬭᬶᬩ᭄ᬓᬸᬫᬶᬲ᭄᭞ᬳᬶᬩᭂᬮᭀᬕ᭄ᬫᬗ᭄ᬭᬱ᭞ᬚᭂᬚᭂᬄᬉᬮᬢ᭄ᬬᬓᬢᬭ᭞ᬩᬲ᭄ᬫᬓᭂᬮᭀᬓᬲᭂᬳᭂᬩᬶᬦ᭄᭞ᬗᬮᬶᬄᬤᬬ᭞ᬮᬦ᭄ᬢᬲ᭄ᬬᬫᬗ᭄ᬭᬫ᭄‌ᬗ᭄ᬕᭂᬫᬶᬦ᭄᭟ᬢᬗ᭄ᬓᭂᬚᬸᬢ᭄ᬚᭂᬭᭀᬭᬗ᭄ᬤᬫᬗᭂᬢᭀᬃᬫᬫᬶᬦ᭄ᬤᬄ
᭞ᬢᬶᬢᬶᬬᬂᬫᬮᬓᬸᬲᬶᬲᬶᬧ᭄᭞ᬫᬦᬸᬦᬰᬫ᭄ᬧᬸᬭ᭞ᬲᬵᬫ᭄ᬧᬸᬦᬂᬓᬤᬸᬭᬸᬲ᭄ᬤᬸᬓ᭞ᬢᭂᬓᬾᬦ᭄ᬳᬶᬩᬮᬸᬯᬢᭂᬩᬶᬄ᭞ᬘᭂᬋᬰᬩ᭄ᬤ᭞ᬳᬶᬩᭂᬮᭀᬕ᭄‌ᬗᭂᬤᬾᬳᬂᬫᬸᬜᬶ᭟ᬩᬸᬓᬢ᭄ᬮᬯᬳᬶᬦ᭄ᬫᬸᬜᬶᬦᬾᬫᬢ
ᬗᬸᬭᬦ᭄᭞ᬲᬸᬩᬤᬜᭂᬚᭂᬳᬂᬳᬢᬶ᭞ᬓᭂᬫᬸᬫᬸᬮᬶᬄᬳᬾᬗ᭄ᬕᬮᬂ᭞ᬳᬶᬩᭂᬮᭀᬕ᭄ᬬᬳᬗ᭄ᬕᭀ᭠ᬲᭀᬫᬄ᭞ᬳᬧᬗᬧᬤᬶᬦᬾᬚᭂᬮᬶᬄ᭞ᬘᬶᬘᬶᬂᬓᭂᬤᬢ᭄᭞ᬲᬸᬩᬤᬚᬮᬶᬬᬸᬫᬸᬜᬶ᭟ᬤᬾᬯᬭᬢᬸᬧᬸᬭᬸᬲ᭄ᬫᬶ᭠
ᬬᬶᬓ᭄ᬲᬲᬸᬳᬸᬦᬦ᭄᭞ᬢᬶᬢᬶᬬᬂᬲᬸᬓᬯᬦ᭄ᬢᬄᬗᬶᬭᬶᬂ᭞ᬫᬜᭀᬮ᭄ᬘᭀᬮ᭄ᬫᬜᬸᬫ᭄ᬩᬄ᭞ᬫᬧᬫᬶᬢ᭄ᬫᬸᬮᬶᬄᬳᬫᬂᬳᬫᬂ᭞ᬫᬳᬸᬮᬢ᭄ᬬᬗᬫᬭᬲᬶᬦ᭄᭞ᬯᬓᬸᬮ᭄ᬓᭂᬘᬕ᭄᭞ᬩᬦ᭄ᬢᭂᬦᬾᬢ᭄ᬯᬭᬫᬧᬭᬶᬤ᭄᭟ᬩᬳᬦ᭄ᬳ᭠