[᭖᭒ 62B]
᭖᭒
ᬲᬧᭂᬢᭂᬗᬶᬂᬮᭀᬓᬲᬵᬫᬵᬲ᭄ᬢᬲᬷᬦᬂ᭞ᬫᬗ᭄ᬕᭂᬄᬲᬹᬭᬓ᭄ᬱᬓᬾᬂᬭᬢ᭄ᬫᬶᬮᬗᬶᬲᬕᭂᬍᬳᬶᬂᬪᬸᬄᬬᬢᬗ᭄ᬤᬾᬤᬸᬪᬶᬓ᭄ᬱ᭞ᬲᬫ᭄ᬧᬹᬃᬡ᭄ᬦᬂᬪᬹᬫᬶᬫᬵᬯᬓ᭄ᬓᬧᬶᬓᬶᬦᭂᬜᬭᬶᬂᬪᬵᬰ᭄ᬓᬭᬵᬦᬶᬰᬓᬵᬭ᭞ᬲᬷᬦᬵᬫᬵᬓᭃ
ᬦᬫᬸᬗ᭄ᬕ᭄ᬯᬶᬕ᭄ᬢᭂᬍᬗᬶᬗᬯᬗᬯᬂᬫᭀᬭᬶᬢᬵᬭᬗ᭄ᬕᬦᭀᬖ᭄ᬭ᭛ᬅᬗ᭄ᬤᬵᬦᬶᬂᬧᬜ᭄ᬘᬓᬡ᭄ᬥᬵᬯᬶᬬᬢᬶᬳᬦᬶᬮᬭᬹᬧᬵᬮᬯᬦ᭄ᬭᬵᬲᬢᬵᬮ᭞ᬤᬶᬓ᭄ᬯᬶᬤᬶᬓ᭄ᬤᬵᬰᬤᬾᬰᬵᬧ᭄ᬭᬪᬣᬭᬚᬦᬶᬮᬾᬦ᭄ᬳᬶ
ᬓᬦᬂᬲᬦ᭄ᬤ᭄ᬬᬓᬵᬮ᭞ᬪᬹᬝᬵᬫ᭄ᬯᬂᬯᬶᬤ᭄ᬥ᭄ᬬᬲᬢ᭄ᬫᬵᬢᭂᬮᬲᬶᬲᬳᬦᬦᬶᬂᬲᬃᬯ᭄ᬯᬯᬲ᭄ᬢᬳᬶᬓᬾᬂᬭᬢ᭄᭞ᬗᬲ᭄ᬫᬸᬮ᭄ᬬᬾᬲᬗ᭄ᬓᬓᬵᬦᬵᬓᬳᬦᬦᬶᬓᬤᬤᬶᬤᬶᬯ᭄ᬬᬧᬵᬓᬾᬂᬯᬶᬰᬾᬱ᭛ᬲᬷᬭᬵᬲᬂᬦᬶᬢ᭄ᬬᬳᬷᬦᬃ
ᬘ᭄ᬘᬡᬚᬸᬕᬭᬶᬦᭂᬕᭂᬧ᭄ᬲᭀᬢ᭄ᬧᬢᬶᬲ᭄ᬣᬷᬢᬶᬢᬦ᭄ᬮᬾᬦ᭄᭞ᬧ᭄ᬭᬵᬢᬶᬱ᭄ᬝᬾᬧᬸᬡ᭄ᬥᬶᬭᬷᬂᬓᬵᬬᬢᬕᬶᬦᭂᬮᬭᬦᬶᬂᬅᬓ᭄ᬱᬭᬾᬂᬳᬱ᭄ᬝᬤᬵᬮ᭞ᬲᬵᬲ᭄ᬢ᭄ᬭᬢ᭄ᬬᬵᬤᬷᬲᬫᬦ᭄ᬢ᭄ᬭᬵᬲ᭄ᬢᬸᬢᬶᬚᬧᬓᬮᬯᬦ᭄ᬉᬤ᭄ᬥᬓᬵᬜ᭄ᬚ
[᭖᭓ 63A]
ᬮᬶᬢᬦ᭄ᬲᬄ᭞ᬫ᭄ᬯᬂᬧᬵᬤ᭄ᬬᬵᬃᬕ᭄ᬖᭀᬘᬫᬓ᭄ᬭᬧᬭᬶᬓᬭᬳᬸᬯᬸᬲ᭄ᬲᬗ᭄ᬳᬭᬾᬂᬘᬶᬢ᭄ᬢᬫᬵᬳᭀ᭛᭜᭛ᬅᬯᬭᬶᬢᭂᬮᬲ᭄ᬦᬶᬓᬂᬲ᭄ᬢᬸᬢᬶᬢᭂᬓᬂᬧᭂᬢᭃᬂᬫᬗᬮᬶᬧᬸᬢ᭄ᬳᬶᬓᬂᬳᬢᬶᬲᬸᬫᭂᬂ᭞ᬬᬢᭂᬓᬧᬦᬶᬂᬯᬶᬬᭀ
ᬕ᭄ᬕᬓᬮᬯᬦ᭄ᬲᬶᬭᬵᬲᬗᬕᬯᬾᬮᬭᬵᬮᬭᬸᬫᬕᭂᬂ᭞ᬓᬭᬡᬦᬶᬓᬶᬦ᭄ᬧ᭄ᬭᬧᬜ᭄ᬘᬩᬮᬶᬲᬄᬫᬳ᭄ᬧ᭄ᬲᬳᬗᭂᬲᬄᬤ᭄ᬭᬫᬶᬢᬓᬸᬫᬳᬲ᭄᭞ᬲᬧᬭᬦᬦᬶᬗ᭄ᬳᬸᬮᬸᬦ᭄ᬓᬶᬢᬚᬸᬕᬵᬓᬢᭀᬩ᭄ᬢᬭᬶᬳᬶ
ᬥᬧ᭄ᬳᬸᬮᬵᬢᬶᬢᬬᬢᭀᬦ᭄᭛᭜᭛ᬦᬵᬳᬦ᭄ᬢᬦᭀᬦ᭄ᬓ᭄ᬯᬶᬧᬫᬸᬚᬵᬭᬶᬲᬶᬭᬦ᭄ᬲᬢᬵᬢᬵ᭞ᬳᬧ᭄ᬢ᭄ᬬᬵᬲᬸᬫᬵᬯᬶᬢᬭᬶᬚᭂᬂᬢᬳᬫᬵᬭᬶᬯᬵᬭ᭞ᬯᬾᬢ᭄ᬦᬶᬂᬮᬭᬗ᭄ᬓᬸᬓᬓᭂᬦᬦ᭄ᬰᬭᬧᬸᬱ᭄ᬧᬯᬵᬭ᭞ᬢᬶᬓ᭄ᬱ᭄ᬡᬵ
ᬫᬸᬭᬸᬩ᭄ᬗᬭᬩᬭᬩ᭄ᬕᬸᬫᬶᬲᬶᬳᬓᬶᬗ᭄ᬓᬸ᭛ᬮ᭄ᬯᬶᬃᬦ᭄ᬬᬵᬧ᭄ᬯᬩᬳ᭄ᬦᬶᬭᬶᬓᬦᬂᬧ᭄ᬭᬮᬬᬾᬂᬢ᭄ᬭᬶᬧᬹᬭ᭞ᬚ᭄ᬯᬵᬮᬵᬤᬶᬮᬄᬦ᭄ᬬᬫᬗᬮᬤ᭄ᬓᬤᬶᬓᬵᬮᬚᬶᬳ᭄ᬯᬵ᭞ᬆᬋᬧ᭄ᬳᬫᬵᬗ᭄ᬳᬦᬚᬳᬢ᭄ᬦ᭄ᬬᬢᬦ᭄ᬦᬰᬶᬃᬡ᭄ᬦᬵ᭞
Kaca:Bali-lontar-gaguritan-hajap-300ppi.pdf/63
Kaca puniki sampun kauji-wacén
