Kaca:Bali-lontar-gaguritan-hajap-300ppi.pdf/33

Saking Wikisource
Kaca puniki sampun kauji-wacén

[᭓᭒ 32B]
᭓᭒
ᬓᬾᬦ᭄ᬧᬓᬬᬸᬦᬦ᭄᭟ᬕᬸᬲ᭄ᬢᬶᬩᬕᬸᬲ᭄ᬫᬜᬯᬸᬭᬶᬦ᭄‌ᬲᬶᬗ᭄ᬳᬤᬩ᭄ᬮᬶᬫᬤᬩ᭄ᬤᬩ᭄‌ᬳ᭄ᬜᬾᬦ᭄ᬚᬦᬶᬩᬓᬮ᭄ᬗᬚᬸᬫ᭄‌ᬕᭀᬩᬦᬾᬫᬶᬭᬶᬩᭂᬭᬾᬕᬦ᭄‌ᬢ᭄ᬯᬭᬜᬦ᭄ᬤᬂᬓᬮ᭄ᬧᬬᬲᬶᬦ᭄‌ᬫᬦ᭄ᬬᬦ᭄ᬮᬫᬸᬦ᭄‌ᬗ᭄ᬮᬶ
ᬩᬕᬸᬲ᭄‌ᬤᬶᬢᬸᬩᬳᬂᬳᬗᬗ᭄ᬕᭀᬦᬾᬫ᭄ᬮᬄᬫ᭄ᬮᬄ᭟ᬓ᭄ᬚᬳᬚᬓ᭄ᬚᬥᬫ᭄ᬩᭂᬮᬶᬦᬄᬚᬮᬦ᭄ᬲᬸᬩᬫᬚᬮᬦ᭄‌ᬕᬸᬲ᭄ᬢᬶᬩᬕᬸᬲ᭄ᬚᬥᬫ᭄ᬢᭂᬥᬸᬦ᭄‌ᬭᬭᬶᬲ᭄ᬤᬦᬾᬦᬫ᭄ᬧᬢᬗᬦ᭄‌ᬳᬶᬕᬸᬲ᭄ᬢᬶᬩᬕᬸᬲ᭄ᬫᬫᬃᬕ᭄ᬕᬶᬲᬫ᭄ᬧᬸ
ᬭᬯᬸᬄᬭᬶᬂᬩᬤᬸᬕᬸᬮ᭄‌ᬫᬳᬮᬶᬗᬦ᭄‌ᬕᬸᬲ᭄ᬢᬶᬩᬕᬸᬲ᭄ᬚᬥᬫ᭄ᬩᬸᬤᬮ᭄᭟ᬲᬕᬾᬢ᭄ᬢᬫ᭄ᬩᬸᬃᬫᬫᬸᬜᬶᬩᬭᬶᬲ᭄ᬩᭂᬥᬶᬮᬾᬫᬲᬸᬭᬓ᭄‌ᬩᬦ᭄ᬤ᭄ᬭᬗᬦ᭄ᬓᬮᬯᬦ᭄ᬢᬸᬮᬸᬧ᭄‌ᬩᬭᬶᬲ᭄ᬧᬦᬄᬩᬭᬶᬲ᭄ᬤᬯᬧ᭄‌ᬩᬭᬶᬲ᭄ᬢᬫ᭄ᬬᬂᬮᬦ᭄ᬧᬭᬾ
ᬧᬶᬧᬗᬗ᭄ᬕᭀᬦᬾᬧᬢᬸᬄᬧᬢᬸᬄᬳᬲᭀᬭᭀᬳᬦ᭄ᬮᬾᬦ᭄ᬫᬫᬲ᭄ᬢᬸᬗ᭄ᬕᬸᬮ᭄ᬫᬦᬡ᭄ᬥ᭟ᬭᬭᬶᬲ᭄ᬭᬯᬸᬄᬧᬭᬳᬶᬲ᭄ᬢ᭄ᬭᬶᬧᬥᬫᬦ᭄ᬤᬓᬶᬦ᭄ᬤᬭᬦ᭄‌ᬲᭀᬭᭀᬄᬦᬾᬦᬾᬬᬸᬳᬬᬸᬫᬵᬰ᭄ᬫᬶᬫᬗᬗ᭄ᬕᭀᬳ᭄ᬮᬲ᭄‌ᬫ
[᭓᭓ 33A]
ᬕᬬᭀᬢ᭄ᬦᬾᬍᬯᬶᬍᬯᬶᬄᬫᬗ᭄ᬓᬶᬦ᭄ᬭᬭᬸᬄᬕᬸᬲ᭄ᬢᬶᬳᬬᬸᬗᭀᬜᬂᬓ᭄ᬮᬢ᭄‌ᬚᭀᬮᬶᬦᬾᬫᬢᬢᬄᬳ᭄ᬫᬲ᭄᭟ᬫᬧᬚᭂᬂᬳᬕᬸᬂᬳᬓᬢᬶᬄᬕᬕᬸᬮᬸᬂᬕᬥᬂᬫᬧ᭄ᬭᬥᬫᬯᬲ᭄ᬢ᭄ᬭᬲᬸᬩᬕᬶᬢᭂᬭᬸᬲ᭄ᬫᬤᭂᬫ᭄ᬧᬮ᭄ᬳᬦ᭄ᬢᬸᬓ᭄ᬧᬭᬥᬫᬧ
ᬧ᭄ᬓᭂᬓ᭄ᬲᬸᬢ᭄ᬭᬓᬸᬦᬶᬂᬫᬳᬦ᭄ᬢᭂᬂᬩᬜᬸᬫᬵᬲ᭄ᬳᬮᬸᬲ᭄‌ᬢᬸᬫᬲᬶᬜ᭄ᬚᬂᬕᬸᬫᬶᬮᬂᬢᬗᬶᬫᬧ᭄ᬭᬥᬳᬫᬲᬶᬧᬢ᭄‌ᬫᬯᬸᬯᬸᬄᬫᬦᬶᬲ᭄‌ᬧᬢᬶᬢᬶᬲᬾᬦ᭄ᬤᬶᬄᬫᬗᬭᬩ᭄ᬫᬲᭀᬘ᭄ᬘᬫᬶᬭᬄᬫᬢᬸᬭᬸᬢ᭄‌ᬲᭂᬗ᭄ᬓᬵᬗᬾᬤᬮᬶᬫᬵᬲ
ᬭᬂᬫᬩᬍᬗ᭄ᬓᭂᬃᬳᬥᬸᬫᬦᬶᬲ᭄ᬫᬓᬓᬶᬢᬶᬃᬯᬶᬦ᭄ᬢᭂᬦ᭄ᬫᬸᬭᬸᬩ᭄‌ᬲᬓ᭄ᬱᬢ᭄ᬚᬫᬂᬧᬘ᭄ᬘᭂᬓ᭄ᬕᭂᬮᬸᬂᬫᬲᬲᭀᬘ᭄ᬘᬦ᭄᭟ᬢᬮᬶᬩᬜ᭄ᬘᬂᬓ᭄ᬫᭂᬃᬓᭂᬡ᭄ᬥᬶᬢ᭄‌ᬩᬩᬤᭀᬂᬮᬦ᭄ᬢᬫ᭄ᬩᬾᬤᬭᬵᬧᭂᬡ᭄ᬥᬶᬮᬦ᭄ᬳᬡ᭄ᬝᬾᬧᬧᬶᬢᬸᬕ᭄ᬦᭂᬧ᭄ᬧᬗ
ᬗ᭄ᬕᭀᬤᬶᬩᬜ᭄ᬘᬂᬕ᭄ᬮᬂᬮᬶᬫᬕ᭄ᬮᬂᬩᬢᬶᬲ᭄‌ᬫᬳᬵᬮᬶᬳᬮᬶᬢᬢ᭄ᬮᬸᬧᬤ᭄ᬫᬫ᭄ᬓᬓᬺᬱ᭄ᬡᬵᬥᬦᬫᬡᬶᬫᬬ᭟ᬩᬧᬗᬾᬫᬤᬲᬃᬢᬗᬶᬦ᭄ᬤᬄᬫᬸᬭᬸᬩᬳᬦ᭄ᬲᬲᭀᬘᬦ᭄‌ᬫᬲᬡ᭄ᬥᬶᬂᬮᬦ᭄ᬓᬶᬮᬢ᭄ᬩᬯᬸᬫᬧᬘᬦᬗᬦ᭄ᬮᬮ