[᭓᭑ 31B]
᭓᭑
ᬢᬸᬯᬶᬲᬚᬳᬦᬓᬕᬸᬂᬢ᭄ᬯᬭᬓᬸᬯᬂᬳᬧᬳᬧᬵᬕᬸᬲ᭄ᬢᬶᬚᬥᬫ᭄ᬫᬜᬯᬸᬭᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬶᬦᬸᬚᬸᬳᬦ᭄ᬢᬸᬓᬵᬃᬬ᭄ᬬᬳᬚᬶᬦ᭄ᬘᭀᬓᭀᬃᬭᬢᬸᬮᬸᬗ᭄ᬳᬵ᭟ᬦᬾᬩᬾᬜ᭄ᬚᬂᬦᬯᬸᬃᬧᬸᬦᬳᬶᬓᭀᬘᬧ᭄ᬚ
ᬕᬲᬕᭂᬋᬳᬦ᭄ᬲᬧᬸᬦᬶᬓᬵᬘᭀᬓᭀᬃᬭᬢᬸᬧᬓᬳ᭄ᬬᬸᬦᬦ᭄ᬚᬕᬜᬶᬗᬓ᭄ᬓ᭄ᬦᬶᬯᬶᬓᬦ᭄ᬭᬶᬂᬳᬶᬲᬭᬶᬳᬶᬕᬸᬲ᭄ᬢᬶᬩᬕᬸᬲ᭄ᬫᬲᬯᬸᬃᬤᬶᬚᬵᬳᬫ᭄ᬩᬄᬧᬂᬩ᭄ᬮᬶᬦᬯᬂᬳᬶᬩᬧᬵ᭟ᬕᬸᬲ᭄ᬢᬶᬚᬥᬫ᭄ᬫᬢᬸᬃᬳᬭᬶᬲ᭄ᬩᬾᬜ᭄ᬚᬂ
ᬢᬶᬢ᭄ᬬᬂᬫᬗᬶᬭᬶᬗᬂᬳᬶᬭᬶᬓᬶᬲᬓᬶᬂᬩᬤᬸᬕᬸᬮ᭄ᬕ᭄ᬦᬄᬦᭀᬦ᭄ᬢᭀᬦ᭄ᬩᭂᬘᬶᬓ᭄ᬧᬶᬲᬦ᭄ᬳᬩ᭄ᬬᬦ᭄ᬫᬗᬸᬗ᭄ᬓᬸᬮᬶᬦ᭄ᬫᬃᬕ᭄ᬕᬶᬳᬶᬧᬸᬦ᭄ᬢᬶᬗ᭄ᬕᬃᬳᬶᬧᬸᬦ᭄ᬲᬶᬦ᭄ᬢ᭄ᬭᬄᬳᬗ᭄ᬳᬶᬂᬢᬶᬢ᭄ᬬᬂᬫᬧᬫᬶᬢ᭄ᬦᬾᬩᬾᬜ᭄ᬚᬂᬮᬸᬗ᭄ᬳᬵ᭟ᬳᬦ᭄ᬘᬭᬶᬢᬲᬫ᭄ᬧᬸ
ᬦ᭄ᬯᭂᬗᬶᬓᭀᬘᬧ᭄ᬩᬶᬦ᭄ᬫᬦᬶᬲ᭄ᬫᭂᬗᬦ᭄ᬕᬸᬲ᭄ᬢᬶᬩᬕᬸᬲ᭄ᬚᬥᬫ᭄ᬲᬫ᭄ᬧᬸᬦ᭄ᬫᬲᬶᬭᬫ᭄ᬢ᭄ᬭᬄᬦᬾᬫᬧᬳ᭄ᬬᬲ᭄ᬫᬯᬲ᭄ᬢ᭄ᬭᬳᬕᬸᬮᬸᬂᬢᬗᬶᬫᬓᬫ᭄ᬧᬸᬄᬳᬕᬸᬮᬸᬂᬤᬤᬸᬫᬧᬭᬥᬵᬓᬯᬘᬩᬮᬸᬤ᭄ᬭᬸᬕᬥᬂ᭟ᬢ᭄ᬧᬶᬦ᭄ᬜᬵ
[᭓᭒ 32A]
ᬦᬾᬫᬲ᭄ᬫᬫᬳᬸᬓᬶᬃᬫᭀᬤ᭄ᬭᬾᬤᬮᬶᬫᬵᬲᬧᬸᬓᬄᬫᭂᬤᬲ᭄ᬢᬃᬲᬍᬫ᭄ᬕᬮᬸᬮᬸᬂᬕᬾᬫ᭄ᬧᬾᬮ᭄ᬫᬤᭂᬫᬮ᭄ᬧᬭᬥᬫᬲ᭄ᬓᬘᬫ᭄ᬧᬓᬵᬧᬸᬢᬶᬄᬫᬘᬘᬸᬡ᭄ᬥᬸᬓ᭄ᬤᬤᬸᬫᬯᬭᬗ᭄ᬓᬵᬧᬾᬮᬾᬢ᭄ᬲᬓᬶᬂᬩᬮᬗ᭄ᬩᬵ
ᬗᬦ᭄᭟ᬚ᭄ᬦᭂᬂᬩᬗ᭄ᬰᬢᬦ᭄ᬳᬶᬢᬸᬦ᭄ᬤᬶᬓ᭄ᬓᬓᬡ᭄ᬥᭂᬮᬦ᭄ᬫᬲ᭄ᬫᬢᬢᬄᬮᬡ᭄ᬥᬾᬬᬦ᭄ᬫᬚ᭄ᬦᭂᬂᬩᬬᬸᬲ᭄ᬮᬸᬢᬾᬫᬬᭂᬂᬫᬗᬭᬩ᭄ᬫᬲᬲᭂᬫ᭄ᬩᬃᬯᬶᬦ᭄ᬢᭂᬦ᭄ᬲᬫᬶᬧᬋᬓᬦᬾᬘᭂᬭᬶᬓ᭄ᬮᬶᬬᬸᬧᬧᬢᬸᬳᬦ᭄ᬫᬸᬓᬫ᭄ᬩᭂᬦ᭄ᬩᬃᬓᬘᬶᬘᬂ᭟ᬫᬓᬸᬮᬫ᭄ᬩᬶ
ᬲᬸᬢ᭄ᬭᬓᬸᬦᬶᬂᬫᬩᭂᬤ᭄ᬗᭂᬤ᭄ᬬᬧ᭄ᬮᬗᬶᬕᬥᬂᬫᬢᬢᭀᬧᭀᬂᬲᬸᬢ᭄ᬭᬤᬤᬸᬫᬦᬶᬓᬸᬮ᭄ᬓᭂᬫ᭄ᬩᬮ᭄ᬧᬶᬥᬥᬵᬩᬸᬘᬸᬦ᭄ᬜᬦᬾᬫᬲ᭄ᬫᬲ᭄ᬫᬯᬸᬓᬶᬃᬳᬤᬫᬜ᭄ᬚᭂᬃᬓᬢ᭄ᬩᬮᬸᬮᬾᬦ᭄ᬓᭀᬳᬤᬫᬜ᭄ᬚᭂᬃᬳᬸᬢᬶᬓ᭄ᬮᬦ᭄ᬓᬮᬾᬯᬂ᭟ᬳᬶᬕᬹ
ᬲ᭄ᬢᬶᬩᬕᬸᬲ᭄ᬫᬢᬗᬶᬬᬾᬄᬭᬯᬸᬧ᭄ᬲᬸᬩᬫᬢᬫ᭄ᬧᬕᬸᬲ᭄ᬢᬶᬩᬕᬸᬲ᭄ᬫᬭᬭᬳᬸᬧ᭄ᬭᬭᬶᬲ᭄ᬤᬦᬾᬗᬫ᭄ᬩᬶᬮ᭄ᬧ᭄ᬥᬄᬕᬸᬲ᭄ᬢᬶᬚᬥᬫ᭄ᬫᬢᬸᬃᬳᬭᬶᬲ᭄ᬩᭀᬬᬵᬫᬲᬮᬶᬦ᭄ᬤᬸᬫᬸᬦ᭄ᬦ᭄ᬤᬳᬦᬓᬢᬄᬧᬸᬦᬶᬓᬶ
Kaca:Bali-lontar-gaguritan-hajap-300ppi.pdf/32
Kaca puniki sampun kauji-wacén
