Kaca:Bali-lontar-gaguritan-gusti-made-agung-300ppi.pdf/26

Saking Wikisource
Kaca puniki sampun kauji-wacén

[᭒᭕ 25B]
᭒᭕
ᬢ᭄᭞ᬫᬢᬸᬃᬲᬤᬫᬫᬸᬗᬶᬮ᭄᭞ᬫᬗᬃᬬ᭄ᬬᬦ᭄ᬳᬶᬤᬫᬜᬶᬓᬸᬢ᭄᭞ᬦᬸᬦᬲ᭄ᬫᬗ᭄ᬓᬶᬦ᭄ᬫᬳᬾᬫ᭄ᬩᬶᬦ᭄᭞ᬓᬤᬾᬰᬲᬫ᭄ᬧᬸᬦ᭄‌ᬢ᭄ᬯᬄᬮᬶᬗ᭄ᬲᬶᬃ᭞ᬚᬦᬶᬲᬸᬳᬸᬤ᭄᭞ᬧᬥᬫᬭᬾᬭᬾᬦ᭄ᬓᬤᬾᬰ᭟ᬤᬵᬕᭂᬤᬾᬲᬸᬩᬤᬶᬤᬾᬰ᭞ᬧ᭄ᬭᬩᭂᬓᭂ
ᬮ᭄ᬤᬶᬢᬸᬫᬳᭂᬓᬶᬦ᭄᭞ᬗᬢᬸᬭᬶᬦ᭄ᬳᬶᬤᬫᬧᬾᬬᭀᬲ᭄᭞ᬗᬸᬜ᭄ᬘᬭᬂᬯᬾᬥᬦᬾᬲᬦ᭄ᬤᬶ᭞ᬲᬸᬩᬫᬘᬤᬂᬧᬲ᭄ᬢᬶ᭞ᬲᬾᬯᬫ᭄ᬩᬚᬸᬦ᭄ᬧᬭᬸᬂᬧᬸᬂ᭞ᬩᭂᬜᭂᬄᬧᬦᬾᬧᬗᬭᭀᬦ᭄᭞ᬧᬲᭂᬧᬦ᭄ᬓᭂᬓᭂᬩ᭄ᬧᬭᬶᬂᬧᬶᬂ᭞ᬬᭀᬦ᭄ᬤᬾᬦ᭄ᬧᬸᬧᬸᬢ᭄᭞
ᬳᭂᬦᬶᬫᬗᬦ᭄ᬢ᭄ᬬᬂᬩᬸᬗ᭟ᬢᬦ᭄ᬤ᭄ᬯᬢᭂᬓᬧᬘᬮᬜ᭄ᬘᬦ᭄᭞ᬧᬥᬗᬩᬩᬸᬗᬲᬫᬶ᭞ᬳᬤᬗᬩᬩᬸᬗᬦ᭄ᬳᬦ᭄ᬤᭀᬂ᭞᭞ᬩᬸᬗᬦ᭄ᬢᬩᬸᬰᬶᬮᬕᬸᬯᬶ᭞ᬮᬾᬦ᭄ᬗᬩᬩᬸᬗᬜ᭄ᬘᬗᬶᬂ᭞ᬩᬸᬗᬦ᭄ᬤᬧ᭄ᬤᬧ᭄ᬮᬾᬮᬸᬗ᭄ᬤᬸᬂ᭞ᬮᬾᬦ᭄ᬗᬩᬩᬸᬗᬦ᭄ᬓᬾᬮᭀᬭ᭄᭞ᬫᬶᬯᬄ
ᬩᬸᬗᬦ᭄ᬤᬶᬗᬶᬦ᭄ᬤᬶᬗᬶᬦ᭄᭞ᬳᬤᬳᬶᬚᬸ᭞ᬗᬩᬩᬸᬗᬦ᭄ᬓᬢᬂᬓᬢᬂ᭟ᬲᬸᬩᬧᬸᬧᬸᬢ᭄ᬧᬫᬶᬬᭀᬲᬦ᭄᭞ᬲᬸᬩᬲᬺᬕᭂᬧ᭄ᬤᬶᬢᬸᬲᬫᬶ᭞ᬧ᭄ᬭᬩᭂᬓᭂᬮ᭄ᬫᬢᬸᬃᬫᬜᭀᬗ᭄ᬓᭀᬓ᭄᭞ᬤᬵᬕᭂᬤᬾᬤᬸᬭᬸᬲᬂᬫᬗ᭄ᬓᬶᬦ᭄᭞ᬫᬯᬾᬥᬫᬸᬂᬧᬸᬂ
[᭒᭖ 26A]
ᬲᬶᬮᬶᬤ᭄᭞ᬤᬵᬕᭂᬤᬾᬕᭂᬮᬶᬲ᭄ᬫᬗ᭄ᬕᬸᬄ᭞ᬢᬦ᭄ᬲᬶᬧᬶᬓᬗᭂᬦ᭄ᬩᭂᬗᭀᬂ᭞ᬳᬤᬫᬢᬸᬃᬳᬸᬮᬶᬲᬫ᭄ᬧᬶᬂ᭞ᬓᭂᬦᬶᬤᬸᬭᬸᬲ᭄᭞ᬲᬾᬭᬾᬕᬂᬳᬸᬕᬶᬫᬯᬾᬥ᭟ᬲ᭄ᬯᬭᬦᬾᬧᭂᬲᬸᬗᭂᬮ᭄ᬕᭂᬮᬂ᭞ᬢᭂᬗᬾᬲ᭄ᬢᭂᬗᬾᬲ᭄ᬓᬧᬶᬮᬩᬶ᭞ᬗᬋᬕᭂᬢ᭄ᬲᬤᬫᬗᭂ
ᬢᭀᬃ᭞ᬗᬋᬕᭂᬢ᭄ᬓᬕᬾᬢ᭄ᬗᬫᬶᬓ᭄ᬫᬶᬓ᭄᭞ᬫᬧᬢᬗᬦᬦ᭄ᬗᬶᬮ᭄ᬕᬶᬮ᭄᭞ᬜᬫ᭄ᬩᬸᬢ᭄ᬕᭂᬦ᭄ᬢᬮᬯᬢ᭄ᬦᬩᬸᬄ᭞ᬢᬦᬶᬬᬢᬦᬶᬢᬶᬤᭀᬂ᭞ᬧᬮᬶᬂᬕᭂᬦ᭄ᬢᬦᬾᬗᬸᬢᬮ᭄ᬢᬶᬮ᭄᭞ᬲᬮᬄᬲᬸᬭᬸᬧ᭄᭞ᬧᬹᬚᬵᬢ᭄ᬯᬭᬫᬲᭂᬓᭂᬦᬦ᭄᭟ᬮᬾᬦ᭄ᬳᬤ
ᬓᭂᬤᬾᬓ᭄ᬫᬓᬳᬤ᭄᭞ᬧᬘᬤᬶᬢᭀᬂᬳᬤᬕᬶᬕᬶᬲ᭄᭞ᬳᬤᬢᭂᬓᬲᬤᬳᬾᬜ᭄ᬘᭀᬂ᭞ᬗᬩᬕᬸᬫ᭄ᬧᬂᬫᬜᬮᬶᬄᬲᬶᬄ᭞ᬧᬲᭂᬧᬦᬾᬳᬶᬲᬶᬦᬶᬦ᭄᭞ᬳᬦ᭄ᬤᬸᬲᬾᬚᬦᬶᬫᬮᬸᬕ᭄ᬧᬸᬕ᭄᭞ᬤᬕᭂᬤᬾᬘᭂᬓᭀᬄᬘᭂᬓᭀᬄ᭞
ᬮᬶᬧᬸᬢ᭄ᬳᬦ᭄ᬤᬸᬲ᭄ᬧᬲᬶᬓᭂᬮᬶᬤ᭄᭞ᬳᬤᬩᬗᬸᬦ᭄᭞ᬓᭂᬤᬾᬓ᭄ᬗᬶᬮᬶᬳᬶᬦ᭄ᬧᬲᭂᬧᬦ᭄᭟ᬳᬧᬶᬢᭂᬦ᭄ᬤᬶᬄᬫᬳᬸᬍᬓᬦ᭄᭞ᬫᬲᬶᬄᬓᬳᬶᬮᬶᬳᬶᬦ᭄᭞ᬤᬵᬕᭂᬤᬾᬢᬸᬳᬸᬦ᭄ᬫᬲᭂᬭᭀᬤ᭄᭞ᬩᭂᬓ᭄ᬩᭂᬓᭂᬦ᭄ᬗᭂᬮᬶᬤᬶᬦ᭄ᬳᬧᬶ᭞