[᭑ 1B]
᭑
᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬲ᭄ᬯᬳ᭛ᬧᬸᬧᬸᬄᬤᬹᬃᬫ᭄ᬫ᭟᭐᭟ᬗ᭄ᬕᬯᬾᬘᬶᬭᬾᬦ᭄ᬗ᭄ᬕᬯᬾᬓᬶᬤᬸᬂᬢᭂᬫ᭄ᬩᬂᬤᬹᬃᬫ᭄ᬫ᭞ᬫᬸᬜᬶᬦᬾᬜ᭄ᬚᬯᬩᬮᬶ᭞ᬧᬗ᭄ᬓᬄᬫᬓ᭄ᬱᬩᬶᬲ᭞ᬧᬗ᭄ᬓᬄᬫᬗᭀᬜᬂᬗᬲ᭞ᬫᬶᬮᬸᬫᬢᬸ
ᬢᬸᬢᬶᬦ᭄ᬗᬯᬶ᭞ᬳᬦ᭄ᬥᬾᬓᬸᬓᬸᬦ᭞ᬫᬫ᭄ᬩᬸᬤ᭄ᬥᬶᬦᬭᬸᬰᬰᬶᬄ᭟ᬲᭂᬤᭂᬓ᭄ᬤᬶᬤᬵᬤᬶᬢᬾᬓ᭄ᬮᬶᬯᭀᬦ᭄ᬢᬶᬮᬸᬳᬶᬓ᭞ᬢᬗ᭄ᬕᬮ᭄ᬧᬶᬢ᭄ᬭᬶᬬᭀᬤᬰᬶ᭞ᬰᬰᬶᬦᬵᬯᬳᬶᬓ᭞ᬭᬄᬅᬗᭀᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬇᬰᬓ
ᬦᬾᬧᬶᬕᬸᬂᬲᬫᬶ᭞ᬧᬯᬶᬮᬗᬦ᭄ᬜ᭞ᬲᬶᬬᬩᬗ᭄ᬲᬶᬢ᭄ᬭᭀᬭᬲ᭄ᬦᬾᬓᬶ᭟ᬤᬸᬯᬦᬓᬸᬮᬋᬱᬶᬯᭀᬂᬯᬯᬢᭂᬓᬦ᭄᭞ᬢᭂᬫ᭄ᬩᬾᬦᬾᬗ᭄ᬕᬯᬾᬕᬸᬭᬶᬢ᭄᭞ᬳᬗ᭄ᬕᭀᬦ᭄ᬧᬳᬶᬲᭂᬗᬦ᭄᭞ᬫᬸᬲᭀᬓ᭄ᬤᬤᬶᬫᬢᭂᬫ᭄ᬩᬂ᭞
ᬳᬶᬤᬤᬦᬾᬫᬶᬯᬄᬕᬸᬲ᭄ᬢᬶ᭞ᬲᬸᬤᬶᬫᬫᬘ᭞ᬲᬫ᭄ᬧᬸᬭᬬᬂᬚ᭄ᬯᬲᬫᬶ᭟ᬢ᭄ᬯᬭᬢᬶᬫ᭄ᬩᬶᬤᬤᬶᬓᬶᬤᬸᬂᬓᬓᭂᬤᬾᬓᬦ᭄᭞ᬓᬾᬯᬮᬵᬗ᭄ᬕᬾᬦ᭄ᬧᬗᬾᬮᬶᬂ᭞ᬓᬮᬶᬄᬳᬭᬸᬳᬭ᭞ᬢᬶᬤᭀᬂᬩᬸᬓᬦᬾᬓᬸᬦ᭞ᬧᬫᬸᬓ᭄ᬢᬶᬦᬾ
[᭒ 2A]
ᬤᬶᬫᬗᬸᬯᬶ᭞ᬲᬧᬚᭂᬦᭂᬗᬦ᭄᭞ᬩ᭄ᬬᬸᬄᬩᬮᬓᬺᬢ᭄ᬢᬩᬸᬤ᭄ᬥᬶ᭟ᬢᬶᬗ᭄ᬓᬄᬧᬫᬸᬓ᭄ᬢ᭄ᬬᬦ᭄ᬓᬲᬸᬩ᭄ᬢ᭄ᬯᬭᬕᬶᬜ᭄ᬚᬮ᭄᭞ᬧᭂᬂᬧᭂᬂᬓᬲᬶᬤ᭄ᬥᬾᬦ᭄ᬰᬓ᭄ᬢᬶ᭞ᬫᬦᬸᬓ᭄ᬰᬲ᭄ᬢ᭄ᬭᬵᬕᬫ᭞ᬲᬂᬓᬝᭀᬗᬤᬳᭀᬩᬄ᭞ᬲᬶᬧᬢ᭄ᬲᬶᬓᬸᬦᬾᬓ
ᬢᬶᬦ᭄ᬤᬶᬄ᭞ᬫ᭄ᬯᬲᬫᬤᬾᬤ᭞ᬤᬾᬯᬦᬾᬲᬤᬶᬳᬲᬶᬄ᭟ᬩᬸᬓᬚᬦᬶᬲᬸᬩᬫᬲᬮᬶᬦ᭄ᬧᬫᬸᬓ᭄ᬢ᭄ᬬᬦ᭄᭞ᬓᬧᬺᬡᬄᬓᭂᬮᬩ᭄ᬇᬦᬶ᭞ᬢ᭄ᬯᬭᬵᬗᬦ᭄ᬫᬮᬯᬢ᭄᭞ᬩᬶᬓᬲᬾᬦᬾᬭᬶᬂᬓᬸᬦ᭞ᬮᬕᬸᬢᬾᬫᬦ᭄ᬤᬧᭂᬢ᭄ᬲᬸᬕᬶᬄ
᭞ᬢᬸᬃᬩᬮᬯᬶᬃᬬ᭄ᬬ᭞ᬢ᭄ᬯ᭄ᬯᬭᬦᬯᬂᬲᭀᬃᬲᬶᬗ᭄ᬕᬶᬄ᭟ᬜ᭄ᬚᬮᬦᬂᬧᬗ᭄ᬭᬲᬧᬢᬸᬢ᭄ᬧᬤᬶᬤᬶᬬᬦ᭄᭞ᬫᬶᬫᬶᬦᬾᬓᬳᬸᬮᬸᬭᬶᬦ᭄᭞ᬲᬗ᭄ᬓᬦ᭄ᬤᬤᬶᬭᬸᬦ᭄ᬤᬄ᭞ᬲᬕᬾᬢ᭄ᬫᬕᬫᬘᬶᬡ᭞ᬢᬾᬢᬾᬄᬫᬸᬜᬶᬗ᭄ᬭᬸᬘᬢ᭄ᬗ᭄ᬭᬘᬶ
ᬢ᭄᭞ᬲᬓᬫᬓᬫ᭞ᬗᬸᬤ᭄ᬥᬶᬦᬾᬓᬢᬸᬳᬸᬓᬶᬦ᭄᭟ᬫᬗᬤᬓᬂᬧ᭄ᬬᬦᬓᬾᬤᬸᬤᬸᬓ᭄ᬤᬸᬤᬸᬓᬦ᭄᭞ᬳᬤᬳᬲᬶᬬᬤᬶᬭᬶ᭞ᬯᭀᬂᬲᬸᬤ᭄ᬭᬫᬳᭀᬯᭂᬭᬲ᭄᭞ᬫᬳᬤᬦ᭄ᬩᬮᬧᬸᬢ᭄ᬭ᭞ᬫᬾᬦᬓ᭄ᬜᬦᬾᬢ᭄ᬯᬄᬳᬤᬶᬭᬶ᭞
Kaca:Bali-lontar-gaguritan-gusti-made-agung-300ppi.pdf/2
Kaca puniki sampun kauji-wacén
