[᭑᭒ 12B]
᭑᭒
ᬮ᭄ᬳᬸᬃ᭞ᬧᬸᬦᬶᬓᬵᬧ᭄ᬬᬦᬓᬾᬕᬜ᭄ᬘᬂ᭞ᬫᬗᬚᬓᬶᬦ᭄ᬧᬘᬂᬗᬸᬗ᭄ᬲᬷ᭞ᬚ᭄ᬭᭀᬤᬸᬓᬸᬄᬦ᭄ᬤᬢᬦ᭄ᬓᬳ᭄ᬬᬸᬦ᭄᭞ᬓᬓᭀ᭠ᬦ᭄ᬓᭀᬦᬂ᭞ᬧ᭄ᬬᬦᬓᬾᬓᬢᬸᬦ᭄ᬤᬸᬂᬩᬸᬤᬮ᭄᭚ᬚ᭄ᬭᭀᬤᬸᬓᬸᬄᬕ᭄ᬮᬶᬲ᭄ᬫᬩᬺᬰᬶᬄ᭞ᬫᬦ᭄ᬤᬸᬲ᭄ᬫᬗ᭄ᬭᬭᬶᬲ᭄ᬫᬧᬸᬚ᭄ᬚᬵ᭞ᬭᬶᬂᬲᬗ᭄ᬕᬄᬢ᭄ᬩᭂᬂ᭠
ᬫᬓᬸᬫ᭄ᬧᬸᬮ᭄᭞ᬧ᭄ᬭᬦᬓᬦ᭄ᬧᬥᬯ᭄ᬓᬵ᭞ᬧᬘᬂᬲᬥ᭄ᬬᬵᬜᬫᬗᬶᬭᬶᬂ᭞ᬓᬬᬸᬦ᭄ᬤᬦᬾᬚ᭄ᬭᭀᬤᬸᬓᬸᬄ᭞ᬫᬫᬸᬧᬸ᭞ᬭᬂ᭞ᬧᬗᬶᬭᬶᬗᬾᬜᬤ᭄ᬬᬦ᭄ᬧ᭄ᬚᬄ᭚ᬧ᭄ᬬᬦᬓᬾᬗ᭄ᬭᬭᬶᬲ᭄ᬫᬗᬸᬗ᭄ᬲᬷ᭞ᬲᬯᬶᬭᬾᬄᬯᬸᬲ᭄ᬓᬯᬭᬳᬦ᭄᭞ᬭᬶᬂᬩᬧᬵᬦᬾ
ᬳᬶᬚ᭄ᬭᭀᬤᬸᬓᬸᬄ᭞ᬫᬗ᭄ᬤᬵᬲᬫ᭄ᬧᬸᬦ᭄ᬓᬢᬸᬮᬸᬲᬦ᭄᭞ᬘᬫ᭄ᬧᬸᬢ᭄ᬢᬦ᭄ᬧᬢᬸᬗ᭄ᬓᬓ᭄ᬓᬭᬷ᭞ᬳᬯᬦᬦᬾᬓ᭄ᬤᭂᬄᬦᬸᬦ᭄ᬤᬸᬂ᭞ᬲᬳᬵᬯᬭᬄ᭞ᬫᬯᬦᬦ᭄ᬧ᭄ᬬᬦᬓᬾᬮᭀᬕᬲ᭄᭚ᬤᬾᬦᬶᬂᬲᬵᬫ᭄ᬧᬸᬦ᭄ᬓᬢᬸᬢᬹᬭᬶᬦ᭄᭞ᬭᬶᬂᬧᬗᬧ᭄ᬝᬶᬚ᭄ᬭᭀᬦᬶᬂᬳᬺ᭠
ᬤ᭄ᬥ᭞ᬢ᭄ᬮᬲ᭄ᬧᬩ᭄ᬲᭂᬦᬾᬲᬫ᭄ᬧᬸᬦ᭄᭞ᬲᬧᬸᬦᬶᬓᬵᬓᬢᬢ᭄ᬯᬜ᭞ᬢᬢ᭄ᬯᬦ᭄ᬤᬾᬰᬦᬾᬫᬗᬶᬭᬶᬂ᭞ᬳᬯᬦᬦ᭄ᬳᬓᬾᬄᬓᬲᬸᬫ᭄ᬩᬸᬂ᭞ᬧᬚᬮ᭄ᬧᬾᬂ᭞ᬩᬗ᭄ᬓᬾᬦ᭄ᬜᬦᬾᬫᬩ᭄ᬭᬭᬓᬦ᭄᭚ᬧᬫ᭄ᬭᬾᬦ᭄ᬢᬳᬾᬢ᭄ᬓᬕᬶᬧᬶᬄ᭞ᬗᬦ᭄ᬤᬶᬓᬬᬂᬫ᭠
[᭑᭓ 13A]
ᬦᬦᭂᬫᬂ᭞ᬰᬯᬦᬾᬢᬦ᭄ᬕᭂᬲᭂᬂᬓᬦ᭄ᬢᬸᬦ᭄᭞ᬓᬾᬯᬮᬵᬳᬸᬭᬶᬧᬾᬫᬼᬲᬢ᭄᭞ᬧᬗᬗ᭄ᬕᬾᬦᬾᬓᬭᬶᬩ᭄ᬘᬶᬓ᭄᭞᭠ᬯᭀᬦ᭄ᬢᭂᬦ᭄ᬢᬭᬶᬗᬶᬲᬶᬧᬗ᭄ᬕᬸᬮ᭄᭞ᬯᬦ᭄ᬢᭂᬦ᭄ᬜᬸᬫ᭄ᬩᬄ᭞ᬕ᭄ᬮᬶᬲᬦ᭄ᬚᬶᬯᬦᬾᬳᬶᬮᬂ᭚ᬧᬫ᭄ᬭᬾᬦ᭄ᬢᬳᬾᬫᬜ᭄ᬮᬶᬤᬶᬓᬶᬦ᭄᭞ᬓ
ᬯᬾᬦ᭄ᬢᭂᬦᬦᬾᬪᬳᬬᬵ᭞ᬓᬮᬶᬄᬦᬾᬫᬗ᭄ᬕᬶᬄᬭᬳᬬᬸ᭞ᬲᬫᬶᬲᬫ᭄ᬧᬸᬦ᭄ᬓᬧ᭄ᬭᬾᬦ᭄ᬢᬳᬂ᭞ᬦᬸᬭᬾᬓ᭄ᬱᬵᬓᬮᬶᬄᬦ᭄ᬮᬶᬓᬶᬦ᭄᭞ᬲᬦᬾᬧᬢᬹᬢ᭄ᬧᬘᬂᬢᬸᬦ᭄ᬤᬸᬂ᭞ᬓᬳᬸᬗ᭄ᬲᬶᬬᬂ᭞ᬤᬾᬦᬶᬂᬫ᭄ᬭᬱᬵᬧᬘᬂᬪᬬᬵ᭚ᬓᬮᬶᬄᬲᬦᬾᬓ+ᬳ᭄ᬦᬳᬶᬦ᭄᭞
ᬳᬦ᭄ᬢᬸᬓ᭄ᬲᬂᬫᬗᬸᬗ᭄ᬲᬶᬲᬫ᭄ᬬᬦ᭄᭞ᬢᬍᬃᬧᬫ᭄ᬭᬾᬦ᭄ᬢᬳᬾᬦᬸᬚᬸ᭞ᬫᬗᬫᬢᬫᬢᬶᬦ᭄ᬲᬩ᭄ᬭᬦ᭄᭞ᬜᬕ᭄ᬕᬵᬫ᭠ᬓᬤᬶᬦᬶᬮᬶᬓᬶᬦ᭄᭞ᬦᬾᬩᬬᬵᬧᬘᬂᬓᬢᬸᬮᬸᬂ᭞ᬬᬾᬜᬮᬭᬵ᭞ᬧᬘᬂᬓᬳᬶᬘᬦᬶᬦ᭄ᬢᬫ᭄ᬩᬵ᭚ᬧᬸᬦᬶᬓᬵᬳᬯ᭠
ᬦᬦ᭄ᬲ᭄ᬭᬶᬂ᭞ᬲᬓᬶᬂᬧᬫ᭄ᬭᬾᬦ᭄ᬢᬄᬦᬢᬲᬂ᭞ᬓᬨᬮᬵᬳᬕᬫ᭄ᬫᬵᬭᬯᬸᬄ᭞ᬤᬾᬦᬶᬂᬯᬦ᭄ᬢᭂᬦ᭄ᬓᬓᬩᬭᬦ᭄᭞ᬭᬶᬂᬲᬶ᭠ᬩ᭄ᬢᬦ᭄ᬯᬦ᭄ᬢᭂᬦ᭄ᬗᬶᬭᬶᬂ᭞ᬪᬝᬭᬓᬕᬸᬦᬸᬂᬳᬕᬸᬂ᭞ᬓᬲᭂᬲᭂᬤᬂ᭞ᬓᬧ᭄ᬭᬾᬓ᭄ᬱᬲᬫᬗ᭄ᬤᬾᬢᬢᬲ᭄᭚ᬓᬲᬸᬭᬢᬂᬲᬧᬳᬶ
Kaca:Bali-lontar-gaguritan-gunung-agung-meletus-04-300ppi.pdf/13
Kaca puniki sampun kauji-wacén
