Kaca:Bali-lontar-gaguritan-gunung-agung-meletus-04-300ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬦᬫᬭᬶᬂᬲᬸᬭᬢ᭄᭞ᬧᬳᬶᬘᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬓᭀᬘᬧ᭄ᬪᬝᬭᬧᬸᬦᬶᬓᬸ᭞ᬦᬾᬫᬯᬾᬲ᭄᭟ᬳᬵ᭞ᬫᬯᬃ᭠ᬡ᭄ᬦᬵᬳᬦᬓᬾᬘᬺᬤ᭄ᬥ᭚ᬤᬾᬦᬶᬂᬳᬶᬤᬧᬸᬢᬺᬚᬢᬷ᭞ᬳᬦ᭄ᬢᬸᬓ᭄ᬳᬶᬤ᭄ᬥᬵᬳ᭄ᬬᬂᬦᬶᬂᬕᬶᬃᬬ᭞ᬳᬶᬤᬵᬲᬦᬾᬓᬧᬶᬢᬸ᭠
ᬤᬸᬄ᭞ᬗ᭄ᬮᬶᬗ᭄ᬕᬦᬶᬜ᭄ᬚᬕᬢ᭄ᬲᬶᬩ᭄ᬢᬦ᭄᭞ᬲᬧᬸᬦᬶᬓᬮᬶᬂᬦᬶᬂᬯᬶᬤ᭄ᬥᬶ᭞ᬳᬶᬤ᭄ᬥᬵᬪᬝᬭᬓᬲᬸᬗ᭄ᬲᬸᬂ᭞ᬧᬸᬭᬩ᭠ᬗ᭄ᬓᬓ᭄᭞ᬫᬸᬗ᭄ᬕᬸᬄᬫᬭᬶᬂᬯ᭄ᬯᬦ᭄ᬳᬓᬰᬵ᭚ᬳᬯᬦᬲᬓᬤᬶᬫᬗ᭄ᬓᬶᬦ᭄᭞ᬳᬶᬤᬵᬗᬃᬲ,ᬳᬬᬂᬧᬳᭂᬡ᭄ᬟᬓ᭄᭞ᬮᬭ
ᬧᬦ᭄ᬩᬦ᭄ᬢᭂᬦ᭄ᬓᬳᬢᬹᬃ᭞ᬭᬶᬧᬥᬳᬶᬤ᭄ᬥᬪᬝᬭ᭞ᬫᬮᬶᬗ᭄ᬕᬭᬶᬂᬮᬸᬳᬸᬃᬚᬢᬷ᭞ᬤᬾᬦᬶᬂᬳᬶᬤᬫᬧᬯᬗᬸᬦ᭄᭞ᬦᬗᬸᬦ᭄ᬓᬃᬬ᭄ᬬ᭞ᬭᬶᬢᬼᬂᬳᬶᬓᬃᬲᬫᬸᬤ᭄ᬭ᭚ᬧᬗᬃᬱᬵᬤᬾᬲᬃᬯ᭄ᬯᬵᬧᬸᬢᬶᬄ᭞ᬲᬸᬘᬶᬧ᭄ᬝᬓ᭄ᬯᬦ᭄ᬢᬄᬲᭀᬮᬲ᭄᭞ᬲ
ᬤᬕᬶᬂᬧᬦᬼᬫ᭄ᬘᬸᬓᬸᬧ᭄᭞ᬓᬱᬵᬮᬲ᭄ᬚᬃᬢᬦ᭄ᬓᬸᬭᬂ᭞ᬤᬸᬮᬸᬃᬚᬶᬦᬄᬲᭀᬮᬲ᭄ᬢᬮᬶ᭞ᬩᬾᬩᬾᬓ᭄ᬧᬸᬢᬶᬄᬲᭀᬮᬲ᭄ᬳᬸᬓᬸᬤ᭄᭞ᬧᬸᬍᬓ᭄ᬭᬢ᭄ᬬ᭞ᬫᬤᬸᬮᬸᬃᬧᬩᬗ᭄ᬓᬶᬢ᭄ᬧ᭄ᬝᬓ᭄᭚ᬩ᭄ᬭᬲ᭄ᬲᭀᬮᬲ᭄ᬘᬢᬸᬫᬮᬶᬄ᭞ᬧᬸᬮᬸᬧᬸ
[᭑᭑ 11A]
ᬮᬸᬧᬥᬕᬶᬗᬦ᭄᭞ᬕ᭄ᬦᭂᬧ᭄‌ᬢᬶᬗ᭄ᬓᬄᬤᬕᬶᬗᬶᬧᬸᬦ᭄᭞ᬲ᭄ᬬᬧ᭄ᬧᬸᬢᬶᬄᬢᬸᬮᬸᬲᭀᬮᬲ᭄᭞ᬧᬸᬢᬶᬄᬓᬸᬦᬶᬂᬲᭀᬮᬲᬶᬓᬶ᭞ᬢᭂᬢᭂᬧ᭄ᬓᬢᬹᬃᬫᬗ᭄ᬤᬵᬧᬶᬂᬢ᭄ᬮᬸ᭞ᬲᬧᬸᬦᬶᬓᬵ᭞ᬤᬕᬶᬂᬳᬸᬗ᭄ᬕᬳᬦ᭄ᬧᬗᬃᬱᬵ᭚ᬭᬶᬂᬲᬫ᭄ᬧᬸᬦ᭄ᬢᬸᬢᬸᬕ᭄ᬫᬗᬶ
ᬭᬶᬂ᭞ᬲ᭄ᬬᬭᬢ᭄ᬭ᭄ᬬᬢᬳᬸᬥᬢᬂ᭞ᬲᬳᬵᬓᬮᬶᬘ᭄ᬙᬦ᭄ᬫᬫᬸᬦ᭄ᬤᬸᬢ᭄᭞ᬧ᭄ᬭᬮᬶᬗ᭄ᬕᬦ᭄ᬳᬶᬤᬵᬪᬝᬭ᭞ᬲᬓᬶᬂᬚᬯᬷᬲ᭠ᬋᬂᬢ᭄ᬭᬶᬡᬶ᭞ᬲᬦᬾᬧᬘᬳᬶᬤᬵᬲᬸᬗ᭄ᬲᬸᬃ᭞ᬫᬫᬸᬦ᭄ᬤᭂᬭᬂ᭞ᬭᬶᬂᬚᬕᬢ᭄ᬩᬮᬶᬲᬶᬦᬫ᭄ᬬᬦ᭄᭚ᬲᬧᬸᬦᬶᬓᬵᬮᬶᬂᬦᬶᬂᬯᬶᬤ᭄ᬥᬶ᭞᭠
ᬫᬸᬗ᭄ᬕᬸᬄᬭᬶᬂᬲᬸᬭᬢ᭄ᬧᬳᬶᬘ᭄ᬙ᭞ᬤᬾᬦᬶᬯᬳᬸᬲᬶᬤ᭄ᬥᬓᬢᬹᬃ᭞ᬓᬃᬬ᭄ᬬᬧᬗᬾᬓᬦᬶᬂᬚᬕᬢ᭄᭞ᬳᬯᬦᬦ᭄ᬗᬾ᭠ᬓᬵᬗᬯᬶᬢᬶᬦ᭄᭞ᬧᬲᬚ᭄ᬜᬵᬦ᭄ᬳᬶᬤ᭄ᬥᬳ᭄ᬬᬂᬢᬸᬤᬸᬄ᭞ᬫᬦᬸᬥᬸᬳᬂ᭞ᬭᬶᬂᬚᬕᬢ᭄ᬩᬮᬶᬧᬸᬦᬶᬮᬶᬦᬵ᭚ᬤᬾᬰᬦᬾᬲᬫ᭄ᬧᬸ
ᬦ᭄ᬲᬳᬶᬭᬶᬂ᭞ᬲᬓᬤᬶᬧᬗᬃᬱᬵᬦ᭄ᬳᬶᬤ᭄ᬥᬵ᭞ᬫᬗ᭄ᬤᬵᬲᬫ᭄ᬧᬸᬦᬸᬮᬓ᭄ᬢᬸᬤᬸᬄ᭞ᬧᬯᬭᬄᬳᬶᬤᬵᬳ᭄ᬬᬂᬲᬹᬓ᭄ᬱ᭄ᬫᬵ᭞ᬩᬦ᭄ᬓᬚ᭄ᬭᬶᬳᬦᬾᬢᬦ᭄ᬧᬶᬧᬶ᭞ᬤᬾᬦᬶᬂᬯᭀᬦ᭄ᬢᭂᬦ᭄‌ᬩᬸᬓ᭄ᬢᬶᬢᬸᬳᬸ᭞ᬭᬶᬂᬲᬸᬩᬕᬦ᭄᭞ᬚᬕᬢᬾᬲᬫ᭄ᬧᬸ᭠