[ ᭑᭖ 16B]
᭑᭖᭞
ᬗ᭄ᬭᬦᭂᬳᬶᬦ᭄ᬳᬸᬮᬗᬹᬦᬾᬢᬦ᭄ᬲᬶᬧᬶ᭞ᬮᬮ᭄ᬬᬢᬾᬳᬸᬮᬢ᭄ᬮᬸᬭᬸ᭞ᬲᭀᬢᬦᬶᬂᬚᬬᬾᬂᬢᬶᬮᬫ᭄᭞ᬗᬮᬶᬄᬲᬭᬸᬜ᭄ᬚ᭄ᬭᬶᬢ᭄ᬫᬫᬸᬜᬶᬦᬓᬕᬸᬂ᭞ᬭᬵᬢᬸᬚᬮᬦ᭄ᬫᬗᬗᬶᬦᬂ᭞ᬳᬚᬓ᭄ᬚᬵᬢ᭄ᬬᬂᬫᬮᬮᬶ᭟ᬓᬚᬓ᭄ᬳ᭄ᬬᬓᬤᬦ᭄ᬤᬦ᭄᭞ᬦᬸᬧᬤᬶᬤᬶᬳᬶᬕᬥᬜᬾᬗ᭄ᬓᭀᬓ᭄ᬚ᭄ᬜ᭄ᬕᬶᬲ᭄᭞ᬳᬶᬜᬜᬧ᭄ᬗ᭄ᬮᬂᬮᬂᬓᬸ
ᬮᬗᬸᬦ᭄᭞ᬩᬋᬂᬳᬚᬓ᭄ᬳᬶᬰᬗ᭄ᬓᬵ᭞ᬗᭂᬦᬄᬧᬸᬥᬓᬾᬓᭂᬫ᭄ᬩᬂᬫᬶᬳᬶᬓ᭄ᬫᬗᬮᬸᬩ᭄᭞ᬓᬳᬮᬧ᭄ᬩᬳᬦ᭄ᬳᬶᬰᬗ᭄ᬓᬵ᭞ᬳ᭄ᬦᬸᬧᬸᬘᬸᬓᬦ᭄ᬓᬢᬸᬮᬶᬲ᭄᭟ᬫᬸᬜᬶᬦ᭄ᬧᬗᬯᬶᬦᬾᬗᬭᬂ᭞ᬫᬾᬭᬵᬢᬸᬫᬵᬲᬬᬂᬦᬶᬓᬶᬧᬯᭀᬲᬶᬦ᭄᭞ᬳᬢᬹᬃᬢ᭄ᬬᬗᬾᬤᬶᬓᬶᬤᬸᬂ᭞ᬜᬤ᭄ᬬᬗᬢᬸᬭᬂᬳᬯᬓ᭄᭞ᬧᬶᬢᬸᬮᬸᬲᬂᬲ᭄ᬯᬾ
ᬘ᭄ᬙᬵᬦᬾᬗ᭄ᬕᬶᬄᬳᬦᬓᬕᬸᬂ᭞ᬤᬸᬤᬸᬓ᭄ᬚᬵᬳᬗ᭄ᬕᭀᬦ᭄ᬧᬋᬓᬦ᭄᭞ᬜᬦᬦ᭄ᬢ᭄ᬬᬂᬓ᭄ᬫᬵᬫᬓ᭄ᬫᬶᬢ᭄᭟ᬓᬾᬢᭀᬫᬸᬜᬶᬜᬵᬫ᭄ᬮᬤ᭄ᬧ᭄ᬭᬡ᭄ᬦᬵ᭞ᬮᬯᬸᬢ᭄ᬩᬗᬸᬦ᭄ᬳᬶᬜᬜᬧ᭄ᬓᬤᭂᬲ᭄ᬓᬶᬦ᭄᭞ᬫᬩᬸᬗᬗ᭄ᬕᬶᬄᬳᬦᬔᬕᬸᬂ᭞ᬳᬶᬜᬜᬧ᭄ᬫᬗᬫ᭄ᬧᬶᬕᬂ᭞ᬓᬧᬘᬳᬶᬦ᭄ᬤᬶᬓ᭄ᬦᭂᬄᬚ᭄ᬜᬳᬾᬫᬸᬧᬸᬢ᭄᭞ᬓᬲᬶᬢ᭄ᬲᬶᬢ᭄ᬳ᭄ᬬᬓᬳᭂᬦ᭄ᬢᬸᬗᬂ᭞
ᬓ᭄ᬜᭂᬫ᭄ᬳᬶᬰᬗ᭄ᬓᬵᬗ᭄ᬮᬶᬬᬢᬶᬦ᭄᭟ᬦᬓᬕᬸᬂᬳᬫ᭄ᬧᬸᬭᬵᬳ᭄ᬬᬂ᭞ᬢᬦ᭄ᬲᬓᬭᬶᬳᬚᬶᬕᬃᬲᬓᬾᬂᬚᬢᬶ᭞ᬩᬸᬓᬵᬦᬾᬫᬸᬗ᭄ᬕᬸᬄᬤᬶᬓᬶᬤᬸᬂᬧᬓ᭄ᬦᭂᬄᬢᬶᬢ᭄ᬬᬂᬲᬳᬢ᭄᭞ᬬᬤᬶᬦ᭄ᬫᬢᬶᬲᬸᬓᬵᬫᬲ᭄ᬫᬤᬶᬳ᭄ᬭᬸᬫ᭄᭞ᬭᬢᬸᬲᬓᬾᬯᬮᬵᬳᬶᬤᬵ᭞ᬳᬾᬮᬶᬂᬓᬬᬸᬦ᭄ᬫᬗ᭄ᬭᬸᬭᬸᬩᬶᬦ᭄᭟ᬳᬶᬜᬜᬧ᭄ᬫᭂᬦ᭄ᬥᭂᬧ᭄
[ ᭑᭗ 17A]
ᬗ᭄ᬮᬾᬤᬂ᭞ᬲᬕᬾᬢ᭄ᬓᬵᬧᬋᬓᬦ᭄ᬘ᭄ᬭᬶᬓ᭄ᬗᬮᬶᬄ᭞ᬜᭀᬗ᭄ᬓᭀᬓ᭄ᬳ᭄ᬬᬜᬸᬫ᭄ᬩᬄᬫᬳᬢᬸᬃ᭞ᬭᬵᬢᬸᬓᬧᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬓᬾᬄᬳᬚᬶᬳᬚᬶᬦ᭄ᬘᭀᬓᭀᬃᬭᬵᬢᬸ᭞ᬭᬯᬸᬄᬲᬫᬶᬫᬳᬢᬸᬭᬦ᭄᭞ᬳᬶᬭᬶᬓᬩᬮᬾᬃᬫᬮᬶᬗ᭄ᬕᬶᬄ᭟ᬫᬗᬸᬤᬤᬶᬫᬓᬤᬤ᭄ᬯ᭞ᬫᬢᭀᬮᬶᬳᬦ᭄ᬜᬭᬾᬭᬾᬦᬕᬶᬄᬳᬸᬢᬶᬓ᭄
᭞ᬦᬗ᭄ᬓᭂᬧᬂᬭᭀᬓᭀᬫᬘ᭄ᬩᬸᬃ᭞ᬦᬦ᭄ᬤᬂᬗᬶᬭᬲ᭄ᬮᬜ᭄ᬘᬶᬗᬦ᭄᭞ᬢ᭄ᬯᬶᬫ᭄ᬮᬄᬳᬲᬶᬂᬭᬭᬲ᭄ᬗᬩᬕᬸᬲ᭄᭞ᬗᬯᬾᬧᬓ᭄ᬦᭂᬄᬧ᭄ᬭᬫᬜ᭄ᬘ᭞ᬜᬦ᭄ᬤᬂᬫᬗ᭄ᬯᬶᬱᬦᬶᬦ᭄ᬳᬢᬶ᭟ᬢ᭄ᬓᬳᬶᬬᬫᬩᬋᬗᬦ᭄᭞ᬤᬧᭂᬢᬗᬳᬶᬕᬥᬫᬗᭂᬦ᭄ᬫᬶᬦ᭄᭞ᬧᬭᬧᬸᬗ᭄ᬕᬯᬦᬾᬮ᭄ᬬᬸ᭞ᬩᬋᬂᬢ᭄ᬓᬾᬦ᭄ᬳᬶᬘᬓᬺ᭞ᬬᬳᬶᬫᬸᬭᬸᬩ᭄ᬗ᭄ᬮᬾᬤᬗᬶᬦᬗ᭄ᬭᬯᭀᬲ᭄ᬤᬶᬢᬸ᭞ᬭᬸᬶ
ᬭᬫᬾᬬᬵᬫᬕᬕᭀᬜ᭄ᬚᬓᬦ᭄᭞ᬓ᭄ᬤᬾᬓᬾᬫᬯᬦ᭄ᬢᬶᬯᬦ᭄ᬢᬶ᭟ᬳᬶᬰᬗ᭄ᬓᬵᬲᬸᬩᬫᬦ᭄ᬕᬓ᭄᭞ᬳ᭄ᬬᬳᬶᬜᬜᬧ᭄ᬓ᭄ᬜᭂᬫᬸᬜᬶᬦᬾᬫᬦᬶᬲ᭄᭞ᬩᬧᬩ᭄ᬮᬶᬯᬳᬸᬭᬯᬸᬄ᭞ᬫᬩ᭄ᬭᬶᬬᬸᬓ᭄ᬫᬢᬸᬃᬜᬸᬫ᭄ᬩᬄ᭞ᬭᬵᬢᬸᬢᬶᬢ᭄ᬬᬂᬫᬶᬭᬕᬶᬘᭀᬓᭀᬃᬳᬶᬭᬵᬢᬸ᭞ᬫᬳᬫᭂᬗ᭄ᬳᬫᭂᬂᬓᬢᬫᬦ᭄᭞ᬲ
ᬋᬂᬳᬦᬓᬕᬸᬂᬲᬫᬶ᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬧᬗᬦ᭄ᬤᬶᬓᬵ᭞ᬲᬧᬸᬦᬧᬶᬧᬓᬬᬸᬦᬦ᭄ᬳᬶᬭᬶᬓᬶ᭞ᬗᬺᬋᬧ᭄ᬭᬢᬸᬳᬦᬓᬕᬸᬂ᭞ᬳᬶᬜᬜᬧ᭄ᬫᬓᬶᬧᭂᬓᬦ᭄᭞ᬤᬅ᭄ᬩᬯᭀᬲᬂᬳᬶᬕᬥᬫᬸᬜᬶᬦᬾᬳᬮᬸᬲ᭄᭞ᬦᬾᬦ᭄ᬢᭂᬦ᭄ᬩᬧᬵᬩ᭄ᬮᬶᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬲᬯ᭄ᬗᬶᬜᬫᬗ᭄ᬓᬶᬦ᭄᭟
