Kaca:Bali-lontar-gaguritan-gde-upeksa-300ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕
ᬦ᭄ᬰᬶᬓ᭄ᬢᬶᬳᬸᬢ᭄ᬢᬫᬬᬂ᭞ᬬᬾᬦ᭄ᬢᬦ᭄ᬮᬗ᭄ᬕᭂᬂᬓᬕᭀᬤᬳᬶᬦᭀᬮ᭄ᬮᬶᬄᬰᬢ᭄ᬭᬸ᭞ᬮᭀᬩᬫᭀᬫᭀᬦ᭄ᬢᭀᬗᬯᭂᬢ᭄ᬯᬂ᭞ᬲᬮ᭄ᬯᬶᬭᬶᬂᬰᬢ᭄ᬭᬸᬦ᭄ᬓᬳᬶᬦ᭄᭟ᬬᬦ᭄ᬘᭂᬦᬶᬂᬧᬘᬂᬫ᭄ᬮᬓ᭄ᬱᬡ᭞ᬧᬢᬹᬢ᭄ᬧᬶᬲᬦ᭄‌ᬥᬃᬫ᭄ᬫᬳᬗ᭄ᬰᭀᬦ᭄ᬤᬲᬭᬶᬦ᭄
ᬫᬦᬳᬾᬳᬺᬢᬶᬦ᭄ᬫᬮᬸ᭞ᬩᬸᬤ᭄ᬥᬶᬲᬦ᭄ᬢᬶᬳᬶᬜ᭄ᬘᭂᬧᬂ᭞ᬳᬗ᭄ᬕᭀᬦ᭄ᬤᬦ᭄ᬤᬲᬃᬧᬧᬶᬦᭂᬳᬾᬳᬧᬂᬦᬸᬮᬸᬲ᭄᭞ᬫᬭᬮᬦ᭄ᬢᬲᬸᬘᬧᬂ᭞ᬤᬸᬮᬸᬭᬶᬦ᭄ᬲ᭄ᬫᬶᬢᬫᬦᬶᬲ᭄᭟ᬯ᭄ᬢᬸᬮᬓ᭄ᬱᬡᬳᬸᬢ᭄ᬢᬫ᭞ᬫᬗᬃᬤ᭄ᬥᬶᬦᬶᬦ᭄‌ᬜᬫᬩ᭄ᬭᬬᬦᬾᬳ
ᬲᬶᬄ᭞ᬳᭂᬦ᭄ᬢᭀᬧᬶᬦᬕᭂᬳᬓᭂᬦ᭄ᬘᬸᬘᬸ᭞ᬳᬧᬂᬳ᭄ᬤᬓᬲᭂᬗ᭄ᬓᬮᬦ᭄᭞ᬤᬾᬦᬶᬂᬓᬾᬯᭂᬄᬫᬮᬓ᭄ᬱᬡᬚ᭄ᬭᭀᬦᬶᬗᬶᬤᬸᬧ᭄᭞ᬳᬶᬤᬸᬦ᭄ᬫᭀᬦ᭄ᬤᭀᬂᬧᬸᬦᬃᬪᬵᬯ᭞ᬫᬯᬮᬶᬯᬮᬶᬫᬦᬺᬱ᭄ᬝᬶ᭟ᬓᬾᬯᬮᬘ᭄ᬦᬶᬂᬮ᭄ᬕᬬᬂ᭞ᬲᬢ᭄ᬯᬦ᭄ᬧ᭄ᬓ᭠
ᬓ᭄‌ᬫᬦᬹᬢ᭄ᬲᭂᬮᭀᬓᬦᬶᬪᬸᬫᬶ᭞ᬧ᭄ᬭᬚ᭄ᬜᬦ᭄ᬤᬮᬗᬾᬫᬦᬸᬢᬸᬭ᭄᭞ᬲᬸᬩᬲᬸᬳᬸᬤ᭄ᬗᬯᬬᬂ᭞ᬢ᭄ᬯᬭᬳᬶᬗᭂᬢ᭄‌ᬢ᭄ᬓᬾᬦᬸᬘᬧᬦᬾᬯᬯᬸ᭞ᬤᬸᬕᬲᬾᬗᬸᬘᬧᬂᬯᬬᬂ᭞ᬤ᭄ᬯᭂᬕ᭄ᬦᬸᬢᬸᬃᬢᬦ᭄ᬢᭂᬓᬾᬗ᭄ᬳᬢᬶ᭟ᬳᬫ᭄ᬧᬸᬭᬧ᭄ᬓ
[᭘᭖ 86A]
ᬓ᭄ᬳᬫ᭄ᬧᬸᬭ᭞ᬢᬸᬲᬶᬗᬤᬦᬸᬮᬸᬲ᭄ᬲᬮ᭄ᬯᬶᬭᬤᬤᬶᬕᬸᬫᬶ᭞ᬭ᭄ᬯᬪᬶᬦᬾᬤᬫᬚᬮᬦ᭄ᬢ᭄ᬭᬸᬲ᭄᭞ᬕᬸᬫᬶᬦᬾᬫᬧ᭄ᬢᭂᬂᬮ᭄ᬫᬄ᭞ᬫᬦᬸᬱᬦᬾᬓᬕᬸᬯᬸᬂᬩᬳᬦ᭄ᬧ᭄ᬮᬶᬄᬧᬢᬹᬢ᭄᭞ᬳᬶᬤᬸᬧ᭄ᬫᬵᬢᬶᬯᬋᬕ᭄ᬮᬬᬄ᭞ᬍᬧ᭄ᬬᬳᬶᬗᭂᬢ᭄ᬧᬸᬍᬲ᭄ᬗᭂᬦ᭄ᬤᬸᬲᬶᬦ᭄
᭟ᬦ᭄ᬢᭀᬲᬢᬢᬮᬗ᭄ᬕᭂᬂᬳᬤ᭞ᬧᬢᬹᬢ᭄ᬧᬶᬲᬦ᭄ᬘᭂᬦᬶᬂᬫᬧᬶᬦᭂᬄᬚᬦᬶ᭞ᬓᬵᬃᬤᬶᬦᬶᬦ᭄ᬧᬗᭂᬦ᭄ᬤᬸᬳᬶᬧᬸ᭞ᬦᬾ᭠ᬦᬾᬫᬗᬃᬤ᭄ᬥᬶᬲᬮᬄ᭞ᬫ᭄ᬯᬂᬮᬶᬧ᭄ᬬᬫᬶᬯᬄᬲᬮ᭄ᬯᬶᬃᬘᬦᬶᬧᬸᬦ᭄᭞ᬗᬃᬤ᭄ᬥᬶᬩᬕ᭄ᬬᬤᬶᬲ᭄ᬓᬮ᭞ᬫ᭄ᬯᬄᬪᬕ᭄ᬬᬦᬶᬲ᭄ᬓᬮᬧᬶᬦ᭄ᬤ᭄ᬭᬶᬄ
᭟ᬦᬾᬦᬾᬚᬦᬶᬦᬄᬪᬹᬓ᭄ᬢᬶᬬᬂ᭞ᬢᬸᬲᬶᬗᬳᬳᬦᬧᬢᬹᬢ᭄ᬲᬚᬢᬶ᭞ᬢᬦ᭄ᬲᬶᬤ᭄ᬥᬧᬘᬂᬫᬦ᭄ᬭᬸᬲ᭄᭞ᬦᬾᬦᬾᬲᬮᬄᬓᬾᬢᭀᬓᬵᬘᬧ᭄᭞ᬤ᭄ᬯᬦᬶᬂᬚᬦᬶᬳᬤᬚᬕᬢ᭄ᬢ᭄ᬭᬶᬓᬲᭂᬗ᭄ᬕᬸᬄ᭞ᬫᬺᬘᬧᬤᬲ᭄ᬯᬕ᭄ᬕᬓᬯᬄ᭞ᬬᬾᬦᬶᬂ
ᬤᬶᬲ᭄ᬓᬮᬘ᭄ᬦᬶᬂ᭟ᬫᬸᬮᬢᭀᬗᭀᬲ᭄ᬚᬮᬾᬫ᭄ᬮᬄ᭞ᬬᬦ᭄ᬤᬶᬲ᭄ᬯᬃᬕ᭄ᬕᬦ᭄ᬢᭀᬗᭀᬲᬃᬯ᭄ᬯᬍᬯᬶᬍᬯᬶᬄ᭞ᬦᬾᬧ᭄ᬮᬶᬄᬦᬭᬓᬳᬶᬧᬸᬦ᭄‌ᬲᬮᬄᬲᭀᬮᬄᬓᬤᬸᬱ᭄ᬝᬦ᭄᭞ᬓᬘᬯᬶᬲᬂᬭᬶᬂᬓᬯᬳᬶᬧᬸᬦ᭄ᬫᬦᬸᬗ᭄ᬕᬸ᭞ᬯᬶᬭᬾᬘ᭄ᬦᬶᬂᬤᬲ᭄ᬓᬮ᭞ᬧ᭠