Kaca:Bali-lontar-gaguritan-gde-upeksa-300ppi.pdf/76

Saking Wikisource
Kaca puniki sampun kauji-wacén

[᭗᭕ 75B]
᭗᭕
ᬲᭀᬦᬶᬤᬫᬜᬕ᭄ᬚᬕ᭄᭞ᬓᬾᬯᬮᬲᬦ᭄ᬢᬶᬦᬶᬂᬩᬸᬤ᭄ᬥᬶ᭞ᬳᬮᭀᬦ᭄ᬗᬦ᭄ᬤᬶᬓᬫᬦᬶᬲ᭄᭞ᬜᬸᬜᬸᬃᬓ᭠ᬤᬶᬫᬯᭀᬃᬫᬥᬸ᭞ᬥᬹᬄᬦᬦᬓᬧᬵᬡ᭄ᬥᬸᬧᬸᬢ᭄ᬭ᭞ᬧᬸᬭᬸᬱᬯᬶᬰᬾᬱᬰᬓ᭄ᬢᬶ᭞ᬤᬳᬦ᭄ᬘᬸᬬᬸᬂ᭞ᬲ᭄ᬗᬶᬢ᭄ᬦᬦᬓ᭄ᬫᬭᬶᬗᬶᬗ᭄ᬯᬂ᭞
᭟ᬲᬸᬫᬳᬸᬃᬲᬂᬪᬷᬫᬲᬾᬦ᭞ᬛᬓᬫᬸᬲᬦ᭄ᬢᬫᬹᬃᬢ᭄ᬢᬶ᭞ᬦ᭄ᬤᬢᬦ᭄ᬰᬸᬘᬶᬓᬯᬶᬓ᭄ᬯᬦ᭄ᬢ᭞ᬓᬤᬶᬩᬘᬶ᭠ᬦᬶᬂᬢᬸᬭᬗ᭄ᬕᬶ᭞ᬭᬹᬧᬦ᭄ᬢᬯᬶᬓᬸᬲᬶᬤ᭄ᬥᬶ᭞ᬩᬸᬤ᭄ᬥᬶᬦ᭄ᬢᬓᬲ᭄ᬫᬮᬍᬢᬸᬄ᭞ᬓᬫᬸᬫᬦ᭄ᬤᬸᬱ᭄ᬝᬲ᭄ᬬᬵᬃᬚ᭄ᬚᬸᬦ᭞ᬧᬯᬾᬄᬢ
ᬧᬸᬢ᭄ᬭᬶᬦᬶᬭᬾᬓᬶ᭞ᬤᭀᬱᬳᬕᬸᬂ᭞ᬲᬂᬥᬃᬫ᭄ᬫᬲᬦ᭄ᬢᬶᬫᬦ᭄ᬤᬸᬱ᭄ᬝ᭟ᬬᬦ᭄ᬲᬸᬥᬃᬫ᭄ᬫᬳᬫ᭄ᬩᭂᬓᬦ᭄ᬢ᭞ᬓᬫᬸᬗᬢᬸᬭᬓᭂᬦ᭄ᬧᬸᬢ᭄ᬭᬶ᭞ᬫᬭᬶᬂᬲᬶᬭᬲᬂᬆᬃᬚ᭄ᬚᬸᬦ᭞ᬢᬸᬢᬸᬢᬦ᭄ᬬᬭᬵᬚᬩ᭄ᬭᬡᬶ᭞ᬫ᭄ᬯᬗᬶᬓᬂᬧᬾᬦᬶᬲᬾᬦᬶ᭞ᬜᬸ
ᬫ᭄ᬮᬄᬧ᭄ᬭᬡᬫ᭄ᬬᬢᬸᬫᬸᬗ᭄ᬓᬸᬮ᭄᭞ᬦ᭄ᬤᬢᬦᬦᬳᬸᬮᬄᬦ᭄ᬤᬸᬱ᭄ᬝ᭞ᬦ᭄ᬬᬢᬫᬮᬶᬂᬗᬭᬦ᭄ᬬᬾᬓᬶ᭞ᬳᬸᬮᬄᬘᬫ᭄ᬧᬸᬭ᭄᭞ᬗ᭄ᬕᬘᬾᬧᬢᬶᬦ᭄ᬢᬬᬓ᭄ᬱᬬ᭟ᬓᬫᬸᬤ᭄ᬭᭀᬳᬓᬓᬫᬹᬃᬓ᭄ᬓᬦ᭄᭞ᬤᬾᬦ᭄ᬬᬫᬜᬍᬯᬶᬄᬰᬓ᭄ᬢᬶ᭞
[᭗᭖ 76A]
ᬍᬓᬶᬲᬶᬪᬷᬫᬲᬾᬦᬬ᭞ᬢᬦᬚ᭄ᬭᬶᬄᬫᬢᬦ᭄ᬤᬶᬂᬚᬸᬭᬶᬢ᭄᭞ᬬᬢ᭄ᬦᬓᬫᬸᬲᬶᬩᬗ᭄ᬕᬶ᭞ᬫᬲᬳᬸᬭᬸᬂ᭠ᬓᬫᬸᬮᬫ᭄ᬧᬸᬲ᭄᭞ᬳᬶᬓᬶᬲᬲᬕ᭄ᬲᬜ᭄ᬚᬢᬗ᭄ᬓ᭄ᬯ᭞ᬕᬤᬩᬚ᭄ᬭᬳᬭᬦ᭄ᬬᬾᬓᬶ᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬳᬫᬢᬶ
ᬭᬵᬓ᭄ᬱᬲᬫᬹᬃᬓ᭄ᬓ᭟ᬳᬸᬥᬸᬄᬦᬦᬓ᭄ᬩᬶᬫᬲᬾᬦ᭞ᬧ᭄ᬤᭂᬲ᭄ᬢᬦ᭄ᬧᬳᬶᬗᬦ᭄ᬲᭂᬗᬶᬢ᭄᭞ᬢᬦ᭄ᬲᬶᬤ᭄ᬥᬓᬤᬶᬗᬸᬤ᭄ᬥᬶᬦ᭄ᬢ᭞ᬫ᭄ᬚᬳᬶᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬕᬤᬦ᭄ᬢᬫᬳᬵᬲᬸᬰᬓ᭄ᬢᬶ᭞ᬳᬫᬵᬢᬶᬫᬸᬲᬸᬄᬢᬤᬗᬹ᭞ᬅᬧᬦ᭄ᬰᬢ᭄ᬭᬸᬳᬃᬤ᭄ᬥᬫᬹ᭠
ᬥ᭞ᬢᬦ᭄ᬯ᭄ᬭᬶᬂᬭᬶᬭᬲ᭄ᬬᬦᬶᬂᬰᬓ᭄ᬢᬶ᭞ᬫᬸᬯᬳᬶᬓᬸ᭞ᬢᬦ᭄ᬯ᭄ᬭᬶᬂᬧᬫᬸᬦᬳᬶᬂᬕᬤ᭟ᬩᬧᬯ᭄ᬭᬸᬄᬭᬶᬲᬗ᭄ᬓᬦ᭄ᬧᬭᬦ᭄ᬬ᭞ᬯ᭄ᬭᬸᬄᬭᬶᬧᬫᬵᬢᬶᬂᬰᬓ᭄ᬢᬶ᭞ᬬᬦ᭄ᬓᭀᬓ᭄ᬭᭀᬥᬭᬶᬗᬶᬗ᭄ᬯᬂ᭞ᬳᬬ᭄ᬯᬲᬸᬫᬸᬭᬸᬤᬶᬂᬚᬸᬭᬶᬢ᭄᭞ᬮᬄᬧ᭄ᬭᬗᬶᬲᬦ᭄ᬢ᭠
ᬦᬸᬫᬹᬃᬢ᭄ᬢᬶ᭞ᬘ᭄ᬦᬶᬂᬫᬬᬸᬤ᭄ᬥᬲᬂᬯᬶᬓᬸ᭞ᬧᬥᬯᬶᬤᬕ᭄ᬤᬫᬬᬸᬤ᭄ᬥ᭞ᬲᬂᬯᬶᬓᬸᬫᬫᬦᬄᬕ᭄ᬮᬶᬲ᭄᭞ᬲᬂᬪᬷᬫᬫ᭠ᬦ᭄ᬢᭂᬕ᭄ᬗᬗ᭄ᬲᭃᬳᬂ᭟ᬫᬫᬹᬚᬲᬂᬋᬱᬶᬯᬭ᭞ᬭᬲᬕᬸᬳ᭄ᬬᬵᬚ᭄ᬜᬦᬲᬶᬤ᭄ᬥᬶ᭞ᬯ᭄ᬢᬸᬦ᭄ᬬᬧᬜ᭄ᬚᬭᬧ᭄ᬢᭂᬂ᭞ᬢᬶᬯᬓᬂᬳᬶᬤ᭠