Kaca:Bali-lontar-gaguritan-gde-upeksa-300ppi.pdf/65

Saking Wikisource
Kaca puniki sampun kauji-wacén

[᭖᭔ 64B]
᭖᭔
ᬦᬶ᭞ᬲᬂᬪᬷᬫᬓᭀᬄᬯᬸᬲ᭄ᬫᬫᬃᬕ᭄ᬕ᭞ᬗ᭄ᬢᬸᬢ᭄ᬲᬂᬧᬵᬃᬣᬫᬗ᭄ᬓᭀ᭞ᬲᬚ᭄ᬩᬕᬶᬂᬓᬗᬶᬦ᭄ᬓᬚ᭞ᬫ᭄ᬕᬯᬳᬶ᭠ᬲᬲᬂᬦᬓᬸᬮ᭞ᬗ᭄ᬢᬸᬢ᭄ᬲᬂᬚ᭄ᬩᬕᬶᬂᬓᬯᬸᬄ᭞ᬦᬾᬗ᭄ᬮᭀᬤᬂᬲᬳᬤᬾᬯ᭟ᬯᬸᬲ᭄ᬫ᭄ᬫᬫᬃᬕ᭄ᬕᬶᬲᬋᬂᬲᬫᬶ᭞ᬧᬫᬃᬕ᭄ᬕ
ᬦ᭄ᬳᬶᬤᬲᬂᬪᬷᬫ᭞ᬘᬭᬶᬢᬬᬂᬧ᭄ᬓᬦ᭄ᬫᬗ᭄ᬓᬾ᭞ᬲᬸᬩᬚᭀᬄᬗᬚᬓᬗᬶᬦᬂ᭞ᬢ᭄ᬯᬭᬦᭂᬧᬸᬓᬶᬦᬧ᭞ᬭᬭᬶᬲ᭄ᬤᬶᬳᬮᬲᬾᬜᬸᬲᬸᬧ᭄᭞ᬢᬦ᭄ᬧᬭᬾᬭᬾᬦᬦ᭄ᬫᬫᬃᬕ᭄ᬕ᭟ᬩᬸᬭᭀᬦᬮᬲ᭄ᬧᬥᬫ᭄ᬮᬳᬶᬩ᭄᭞ᬲᬫᬶᬫ᭠
ᬗᬮᬶᬳᬮᬶᬗᬦ᭄᭞ᬫᭂᬗ᭄ᬲᬸᬩ᭄ᬧᬓ᭄ᬭᭀᬲᭀᬓ᭄ᬤᬶᬩᭂᬢᬾ᭞ᬢᬓᬸᬢ᭄ᬢᭂᬓᬾᬦᬶᬂᬲᬂᬪᬷᬫ᭞ᬫᬵᬦᬸᬱᬢᬦ᭄ᬩᬶᬸᬦᬩᬶᬦ᭞ᬲᬼᬫᬼᬢᭂᬂᬕᬸᬗᬮᬸᬳᬸᬭ᭄᭞ᬤᬵᬯᬦᬾᬢᬦ᭄ᬧᬢᬦ᭄ᬤᬶᬗᬦ᭄᭟ᬲᬂᬪᬷᬫᬗ᭄ᬮᬦ᭄ᬢᬸᬃᬫᬫᬃᬕ᭄ᬕᬶ᭞ᬢᬦ᭄ᬧ
ᬗᬶᬢᬸᬂᬧᬭᬦ᭄ᬧᬭᬦ᭄᭞ᬮ᭄ᬬᬸᬦᬕᬭᬦᬾᬋᬓᬾ᭞ᬲᬸᬩᬧᬘᬓᬮᬶᬯᬢᬦ᭄᭞ᬢᬸᬲᬶᬂᬢ᭄ᬧᬸᬓ᭄ᬲᬂ᭠ᬆᬃᬚ᭄ᬚᬸᬦ᭞ᬢᬾᬚᬗᬤᭂᬕ᭄‌ᬜ᭄ᬚᭂᬍᬕ᭄ᬢᭂᬧᬸᬓ᭄᭞ᬮᬾᬤᬗᬶᬤᬦᬍᬓ᭄ᬢᭂᬓᬂ᭟ᬕᬕᬾᬲᭀᬦᬶᬤᬜᬕ᭄ᬚᬕᬶᬦ᭄᭞
[᭖᭕ 65A]
ᬫᬦᬸᬚᬸᬢᬾᬚᬤᬸᬫᬶᬮᬄ᭞ᬫᬓᬘᬶᬳ᭄ᬦᬦ᭄ᬢᭀᬢᬾᬚᬦᬾ᭞ᬳᬤᬢᬶᬃᬣᬰᬸᬘ᭄ᬬᭀᬢ᭄ᬢᬫ᭞ᬫᬗᬼᬩᬸᬃᬫᬮᬧᬢᬓ᭞ᬲᬸᬩᬳᬶᬤᬢ᭄ᬓᭂᬤ᭄ᬤᬶᬢᬸ᭞ᬫᬫᬹᬚᬵᬲᬹᬃᬬ᭄ᬬᬰᬾᬯᬡ᭟ᬬ᭄ᬳᭂᬃᬫᬢᬶᬃᬯᬬᬢ᭄ᬭᬾᬓᬶ᭞ᬚᬦᬶᬓᬂᬯᬶᬢ᭄ᬩ᭄ᬯᬶ
ᬦ᭄ᬢᬸᬢᬸᬭᬂ᭞ᬧᬫᬃᬕ᭄ᬕᬶᬦ᭄ᬲᬂᬦᬓᬸᬮᬦᬾ᭞ᬫᬫᬃᬕ᭄ᬕᬶᬳᬶᬤᬗᬳ᭄ᬯᬗᬂ᭞ᬲᬸᬩᬚᭀᬳᬶᬤᬫᬫᬃᬕ᭄ᬕᬷ᭞ᬤᬶ᭠ᬦᬵᬕᬭᬳᬶᬤᬜ᭄ᬮᬸᬧ᭄ᬲᬸᬧ᭄᭞ᬲᬫ᭄ᬩᬶᬮ᭄ᬫᬫᬶᬋᬗᬂᬯᬺᬢ᭟ᬲᬶᬗᬤᬳᬦᬓ᭄ᬦᭂᬧᬸᬓᬶᬦ᭄᭞ᬯᭀᬃᬣᬦᬾᬢᬸᬲᬶᬂᬫ᭠
ᬭᬯᬢ᭄᭞ᬧᬫᬃᬕ᭄ᬕᬶᬫᬶᬍᬄᬫᬗ᭄ᬓᭀ᭞ᬢᬦ᭄ᬓᭀᬘᬧ᭄ᬧᬫᬃᬕ᭄ᬕᬦᬶᬤ᭞ᬜᬸᬲᬸᬧᬶᬤᬤᬶᬳᬮᬲ᭄᭞ᬢ᭄ᬧᬸᬓ᭄ᬓᬬᬸᬜᬦ᭄ᬤᬶᬂᬩᬢᬸ᭞ᬤᬶᬢᬸᬓᬾᬳᬶᬤᬫᬭᬵᬃᬬ᭄ᬬᬦ᭄᭟ᬳᬸᬘᬧᬂᬦᬾᬓ᭄ᬮᭀᬤ᭄ᬚᬦᬶ᭞ᬧᬫᬃᬕ᭄ᬕᬶᬦᬾᬢᬦ᭄ᬭᬾᬭᬾ
ᬦᬦ᭄᭞ᬢ᭄ᬓᭂᬦ᭄ᬤᬶᬲᬶᬲᬶᬦ᭄ᬧᬲᬶᬳᬾ᭞ᬓᬢᭀᬦ᭄ᬦᬸᬱᬦᬾᬫᬚᬚᬭ᭄᭞ᬧᬥᬩᬶᬭᬸᬓᬘᬶᬗᬓᬦ᭄᭞ᬮᬗᬶᬢᬾᬲᬘᬢ᭄ᬤᬶᬤᬸᬳᬸᬭ᭄᭞ᬫᬶᬦᬩ᭄ᬫᬢᬜ᭄ᬘᭂᬩ᭄ᬤᬶᬚᬕᬢ᭄᭟ᬳᭀᬫ᭄ᬩᬓᬾᬕ᭄ᬥᬾᬢᬦ᭄ᬲᬶᬧᬶ᭞ᬗᭂᬜ᭄ᬘᬄᬬ᭄ᬬᬓᬾ᭠