Kaca:Bali-lontar-gaguritan-gde-upeksa-300ppi.pdf/64

Saking Wikisource
Kaca puniki sampun kauji-wacén

[᭖᭓ 63B]
᭖᭓
ᬲᬶᬗ᭄ᬕᬶᬄᬓᬓᬦᬭᬧᬢᬶ᭞ᬧᬵᬡ᭄ᬥᬸᬧᬸᬢ᭄ᬭᬥᬃᬫ᭄ᬫᬯᬗ᭄ᬰ᭞ᬳᬧᬤᬤᬶᬗ᭄ᬳᬸᬮᬸᬦ᭄ᬫᬗ᭄ᬓᬾ᭞ᬫᬸᬯᬄᬓᬓᬲᬫᬲᬦᬓ᭄᭞ᬲᬶᬦᬗ᭄ᬕᬄᬧᬜ᭄ᬘᬧᬵᬡ᭄ᬥᬯ᭞ᬓᬮ᭄ᬯᬗᬶᬲᬂᬧᬵᬃᬣᬳᬶᬓᬸ᭞ᬓᬭᬶᬘᬢᬸᬃᬲᬂᬧᬵᬡ᭄ᬥᬯ᭟ᬳ᭠
ᬲᬸᬲᬸᬦᬾᬭᬂᬓ᭄ᬯᬶᬓᬶ᭞ᬭᬲᬓᬳᬶᬮᬗᬦ᭄ᬚᬶᬯ᭞ᬢᬦᬸᬭᬸᬂᬳᬫᬗ᭄ᬕᬶᬄᬧᬧᬾ᭞ᬳᬬᬳᬦᬲᬂᬆᬃᬚ᭄ᬚᬸᬦ᭞ᬥᬹᬄᬓᬓᬲᬂᬆᬃᬚ᭄ᬚᬸᬦ᭞ᬮᬮᬶᬫ᭄ᬫᬦᬶᬗ᭄ᬕᬮᬶᬦᬶᬗ᭄ᬲᬸᬦ᭄᭞ᬓᬭᬶᬤᬺᬤ᭄ᬥᬫᬜᬾᬯᬓ᭟ᬭᬶᬗᭂᬦ᭄ᬤᬶ
ᬓᬓᬫᬮᬶᬗ᭄ᬕᬶᬄ᭞ᬢᬦᬦᬯᬺᬢᬳᬫᬢ᭄ᬭ᭞ᬢᬦ᭄ᬯ᭄ᬭᬸᬄᬗᬭᬸᬭᬸᬄᬕ᭄ᬦᬳᬾ᭞ᬤᬤᬶᬫᬸᬗᭂᬂᬫᬦᬳᬶᬗ᭄ᬯᬂ᭞ᬢᬦ᭄ᬚᭂᬦᭂᬚ᭄ᬫᬶᬦᬸᬫᬫᬗᬦ᭄᭞ᬢᬦᬦᬦᬬᬓᬢ᭄ᬫᬸ᭞ᬯᬶᬢ᭄ᬦᬶᬂᬳᬾᬭᬂᬦᬦ᭄ᬥᬂᬮᬭ᭟ᬫᬦᬯᬓᬓ
ᬯᬸᬲ᭄ᬫᬵᬢᬶ᭞ᬲᬢ᭄ᬬᬲᬸᬧ᭄ᬭᬩᬫᬶᬮᬸᬳ᭞ᬫᬸᬮᬶᬳᬶᬂᬲ᭄ᬯᬃᬕ᭄ᬕᬮᭀᬓᬦᬾ᭞ᬳᬶᬭᬶᬓᬗ᭄ᬳᬸᬮᬸᬜᬾᬯᬓ᭞ᬗᬯᬸᬮᬪᬓ᭄ᬢ᭄ᬬᬵᬢ᭄ᬯᬂ᭞ᬢᬺᬱ᭄ᬡᬳᬲᬶᬄᬗ᭄ᬯᬗᬳᬸᬮᬸᬦ᭄᭞ᬲᬮᬸᬂᬗ᭄ᬮᬸᬂᬲᬪᬬᬦ᭄ᬢᬓ᭟ᬳᬲᬂᬢ᭠
[᭖᭔ 64A]
ᬢᬲ᭄ᬘᭂᬦᬶᬂ᭞ᬢ᭄ᬓᬾᬓᬶᬂᬲᬢ᭄ᬯᬘᬭᬶᬢ᭞ᬤᬾᬯᬶᬲᬸᬧ᭄ᬭᬩᬦ᭄ᬤᬸᬮᬫᬾ᭞ᬳᬶᬮᬗᬶᬤᬲᬂᬆᬃᬚ᭄ᬚᬸᬦ᭞ᬲᬂᬪᬷᬫᬫᬲᬳᬸᬃᬜ᭄ᬮᬕ᭄᭞ᬤᬲᬭᬾᬳᬶᬭᬶᬤᬶᬓᬬᬸᬦ᭄᭞ᬓᬾᬦᬾᬧᬗᬦ᭄ᬤᬶᬓᬦᬶᬤ᭟ᬥᬹᬄᬤᬾᬯᬶᬲᬸ
ᬗᬶᬹᬧ᭄ᬭᬩᬳᬤᬶ᭞ᬲ᭄ᬤᬶᬄᬓᬶᬂᬓᬶᬂᬫᬲᬲᬫ᭄ᬩᬢ᭄᭞ᬢᬶᬗ᭄ᬕᬮᬶᬦ᭄ᬆᬃᬚ᭄ᬚᬸᬦᬫᬗ᭄ᬓᭀ᭞ᬗᬃᬤ᭄ᬥᬶᬓ᭄ᬯᬂᬲᬂᬧᬵᬡ᭄ᬥᬯ᭞ᬚᬦᬶᬓᭀᬘᬳ᭄ᬦᬸᬧᬢ᭄ᬧᬢ᭄᭞ᬤᬚᬲᬗᭂᬢᬤᬶᬳᬶᬩᬸᬓ᭄᭞ᬚᬮᬦᬦ᭄ᬢᬶᬧᬶᬢᬸᬂᬤᬶ᭟ᬧ᭄ᬭᬕᬢ᭄ᬬᬳᬓᬾᬢᭀ
ᬘ᭄ᬦᬶᬂ᭞ᬦᬸᬗᬦ᭄ᬢᬶᬧᬦ᭄ᬓᬦ᭄ᬤᬶᬦ᭞ᬳᬧᬭᬯᬸᬳᬶᬤᬫᬗ᭄ᬓᭀ᭞ᬢᬸᬲᬶᬂᬭᬯᬸᬄᬧᬶᬢᬸᬂᬤᬶᬦ᭞ᬤᬶᬢᬸᬲᬂᬰ᭄ᬭᬷ᭠ᬥᬃᬫᬧᬸᬢ᭄ᬭ᭞ᬫᬭᬋᬫᬶᬤᬫᬋᬫ᭄ᬩᬸᬓ᭄᭞ᬓᬾᬦ᭄ᬓᬾᬦ᭄ᬧᬶᬳᭀᬮᬶᬄᬯᬶᬦᬬ᭟ᬬᬦ᭄ᬲᬸᬩᬕᬸᬮᬸᬓ᭄ᬲᬕᬶᬮᬶ᭠
ᬓ᭄᭞ᬯᬶᬯᬾᬓᬦᬾᬓᬫᬃᬕ᭄ᬕᬶᬬᬂ᭞ᬚᬗ᭄ᬓᭂᬧ᭄ᬧᬗᬦ᭄ᬢᬶᬦᬾᬋᬓᭀ᭞ᬲᬸᬩᬕ᭄ᬦᭂᬧ᭄ᬧᬶᬢᬸᬂᬤᬶᬦ᭞ᬳᬶᬤᬲᬂᬘᬢᬹᬃᬧᬵᬡ᭄ᬥᬯ᭞ᬗᬦ᭄ᬢᬶᬢᭀᬦ᭄ᬤᬾᬦᬶᬤᬭᬯᬸᬄ᭞ᬮᬯᬸᬢᬶᬤᬗᬺᬫ᭄ᬩᬸᬕ᭄ᬦᬬ᭟ᬫ᭄ᬭᬕᬢ᭄ᬩᬯᭀᬲᬾᬚ