[᭔᭘ 48B]
᭔᭘
ᬫᬦ᭄᭞ᬮᬾᬤᬗᬶᬤᬫᬜᬶᬗᬓᬶᬦ᭄᭞ᬧᬧᬬᭀᬦ᭄ᬢᬫᬦᬾᬳᬰ᭄ᬭᬶ᭞ᬕ᭄ᬦᭂᬧᬶᬂᬲᬃᬯ᭄ᬯᬦᬶᬂᬲᬦ᭄ᬢᬸᬦ᭄᭞ᬤᬶᬢ᭄ᬧᬶᬦᬶᬂᬉᬤ᭄ᬬᬦ᭞ᬓᬓᬶᬢᭂᬭᬶᬂᬓᬬᬸᬢᬗᬶ᭞ᬫᬶᬯᬳᬶᬧᬸᬦ᭄᭞ᬘᬦᬶᬕᬭᬫ᭄ᬯᬂᬲᬭᭀᬚ᭟ᬧᬸᬜᬦ᭄ᬧᬸᬥᬓᬾ
ᬫᬚᬚᬭ᭄᭞ᬳᬯᭀᬃᬲ᭄ᬓᬃᬤᬮᬸᬫ᭄ᬭᬶᬓ᭄᭞ᬲ᭄ᬓᬃᬕᬥᬸᬂᬫᬗᬸᬭᬫ᭄ᬩ᭄ᬬᬄ᭞ᬧᬥᬬᬲᬮᬶᬂᬮᬶᬗ᭄ᬕᬾᬦᬶᬦ᭄᭞᭠ᬩᬸᬗᬓᭂᬫ᭄ᬩᬂᬧᬥᬫᬶᬳᬶᬓ᭄᭞ᬳᬗ᭄ᬕ᭄ᬭᬾᬓ᭄ᬩᬸᬮᬦᬾᬫᬗ᭄ᬕᭂᬫ᭄ᬧᬸᬓ᭄᭞ᬗᭂᬜ᭄ᬚᭀᬃᬤᬶᬤᬸᬳᬸᬃᬢᬮᬕ᭞ᬫᬳᭀᬬᭀᬤ
ᬦ᭄ᬢᭂᬫ᭄ᬧᬸᬳᬗᬶᬦ᭄᭞ᬫᬶᬦᬩᬶᬧᬸᬦ᭄᭞ᬗᬢᬸᬭᬶᬦ᭄ᬲᬂᬯᬯᬸᬧ᭄ᬭᬵᬧ᭄ᬢ᭟ᬗᬮᬧ᭄ᬩᬸᬗᬦ᭄ᬜᬘᭀᬗ᭄ᬕᬾᬭᬂ᭞ᬘᬼᬓᬂᬤᬶᬧᬸᬲᬸᬂᬫᬶᬳᬶᬓ᭄᭞ᬗᬯᬸᬯᬸᬳᬶᬓ᭄ᬳᬳᬬᬸᬯᬦ᭄᭞ᬓᬾᬢᭀᬧᬶᬓᬦ᭄ᬢᭂᬦ᭄ᬜᬘ᭄ᬦᬶᬂ᭞ᬬᬦ᭄ᬲᬯᬗᬂᬧ᭄ᬓᬓ᭄ᬯ᭄ᬬᬓ᭄ᬢᬶ
᭞ᬘᬭᬶᬢᬳᬶᬢᬸᬜ᭄ᬚᬸᬂᬢᬸᬢᬸᬭ᭄᭞ᬫᬚᬚᬃᬢ᭄ᬧᬶᬓ᭄ᬢᬮᬕ᭞ᬤᬶᬢ᭄ᬗᬄᬢᬸᬜ᭄ᬚᬸᬗᬾᬧᬸᬢᬶᬄ᭞ᬳᬤᬤᬤᬸ᭞ᬢᬸᬜ᭄ᬚᬸᬂᬩᬶᬭᬸᬧᬥᬫ᭄ᬓᬭ᭄᭟ᬮᬾᬤᬗᬶᬤᬦᬾᬓᬮᬶᬯᬢ᭄ᬫᬜᬶᬗᬓ᭄ᬲᬃᬯ᭄ᬯᬦᬶᬂᬲᬭᬷ᭞ᬧᬥᬫᬮᬶᬗ᭄ᬕᬾ
[᭔᭙ 49A]
ᬦ᭄ᬮᬶᬗ᭄ᬕᬾᬦᬦ᭄᭞ᬗᬤᬸᬯᬂᬳᬫ᭄ᬩᬸᬦᬾᬫᬶᬳᬶᬓ᭄᭞ᬢᬸᬃᬓᬢᭂᬫ᭄ᬧᬸᬳᬦ᭄ᬢᬸᬓᬗᬶᬦ᭄᭞ᬫᬳᭀᬬᭀᬤᬦ᭄ᬲ᭄ᬓᬭᬶᬧᬸᬦ᭄᭞ᬫᬶᬦᬫ᭄ᬩᬢᬸᬭᬶᬦ᭄ᬲᬂᬧ᭄ᬭᬵᬧ᭄ᬢ᭞ᬗᬮᬧ᭄ᬲ᭄ᬓᬭᬶᬧᬸᬦ᭄ᬫᬶᬳᬶᬓ᭄᭞ᬜᬗ᭄ᬮᬸᬄᬜᬗ᭄ᬮᬸᬄ᭞ᬓᬳᬫ᭄ᬡᬳᭀᬮᬶᬳᬸᬗ᭠
ᬲᬦ᭄᭟ᬲ᭄ᬓᬃᬲᬸᬗᬾᬗᬾᬦᬾᬓᭀᬘᬧ᭄᭞ᬳᬬᬤᭀᬬᭀᬤ᭄ᬢᭂᬫ᭄ᬧᬸᬳᬗᬶᬦ᭄᭞ᬧᬦᬩ᭄ᬫᬗᬸᬦ᭄ᬤᬂ᭠ᬩ᭄ᬭᬫᬭ᭞ᬢ᭄ᬓᬳᬶᬧᬸᬦ᭄ᬗᬶᬲᭂᬧ᭄ᬲᬭᬷ᭞ᬳᬯᬦᬦ᭄ᬘᬸᬘᬸᬦᬾᬚᬦᬶ᭞ᬢ᭄ᬓᬩ᭄ᬭᬫᬭᬗᬋᬩᬸᬢ᭄᭞ᬳᬶᬧᬸᬦᬶᬲᬭᬶᬦ᭄ᬲ᭄ᬓᬭ᭄
᭞ᬳᬶᬤᬤᬾᬯᬶᬧᬡ᭄ᬥᬫ᭄ᬲᬭᬷ᭞ᬗᬦ᭄ᬤᬶᬓᬵᬭᬹᬫ᭄᭞ᬢ᭄ᬓᬾᬦᬶᬂᬦᬶᬘᬾᬫᬶᬳᬶᬜ᭟ᬩᬶᬩᬶᬘᬾᬫᬶᬩᬶᬩᬶᬳᬶᬜ᭞ᬕᬃᬚ᭄ᬚᬶᬢᬕ᭄ᬮᬄᬦᬶᬗ᭄ᬳᬮᬶᬦ᭄᭞ᬩᬸᬗᬧᬥᬓᭂᬫ᭄ᬩᬂᬫ᭄ᬓᬭ᭄᭞ᬢ᭄ᬓᬩ᭄ᬭᬫᬭᬜᬕ᭄ᬚᬕᬶᬦ᭄᭞ᬲᭂᬍ
ᬕ᭄ᬫᬗᬶᬲᭂᬧ᭄ᬲᬭᬶ᭞ᬤᬶᬢ᭄ᬗᬄᬢ᭄ᬮᬕᬦᬾᬓᬸᬫ᭄ᬧᬸᬮ᭄᭞ᬤᬸᬮᬸᬭᬶᬦ᭄ᬗᬢᭀᬦᬂᬲ᭄ᬓᬭ᭄᭞ᬓᭂᬫ᭄ᬩᬂᬫᬗ᭄ᬤᭀᬢᬗ᭄ᬳᬢᬶ᭞ᬲᬯᬗᬶᬧᬸᬦ᭄᭞ᬢᬫᬦ᭄ᬲᬂᬳ᭄ᬬᬂᬫᬦᭀᬪᬯᬵ᭟ᬳᬫ᭄ᬩᬸᬫᬶᬳᬶᬓ᭄ᬫᬳᬶᬫ᭄ᬧᬸᬕᬦ᭄᭞ᬳᬫ᭄ᬧᭂᬳ
Kaca:Bali-lontar-gaguritan-gde-upeksa-300ppi.pdf/49
Kaca puniki sampun kauji-wacén
