[᭓᭑ 31B]
᭓᭑
ᬮᭀᬕᬦ᭄᭟ᬲᬗ᭄ᬕᬸᬧ᭄ᬫᭂᬮᬚᬳᬂᬳᬯᬓ᭄᭞ᬫᬗ᭄ᬤᬫᬕᬸᬡᬭᬶᬂᬚᬕᬢ᭄᭞ᬢᬦ᭄ᬫᬫᬗ᭄ᬕᬸᬄᬓᬦ᭠ᬭᬓᬦ᭄᭞ᬨᬮᬦ᭄ᬩᭂᬮᭀᬕᬾᬓᬧᬗ᭄ᬕᬸᬄ᭞ᬢᬶᬢ᭄ᬬᬂᬧᬤᭂᬫ᭄ᬤᬤᭀᬲ᭄ᬗᬸᬘᬧ᭄᭟ᬤᬤᭀᬲ᭄ᬲᬲᭀᬗ᭄ᬕᬦ᭄ᬭᬶᬂ
ᬕᬸᬫᬶ᭞ᬳᬶᬦᬸᬘᬧ᭄ᬦᬭᬓᬘ᭄ᬯᬸᬢ᭞ᬢᬦ᭄ᬲᬶᬤ᭄ᬥᬗ᭄ᬮᬩᬸᬮᬓ᭄ᬱᬡ᭞ᬲᬓᬶᬂᬫᬲᬤᬦᬥᬃᬫ᭄ᬫ᭞ᬦᬾᬳᬶᬦᬸᬘᬧᬗ᭄ᬮᬸᬓᬢᬦ᭄᭞ᬲᬮ᭄ᬯᬶᬃᬮᬓ᭄ᬱᬡᬍᬢᬸᬄ᭞ᬫᬶᬯᬄᬩ᭄ᬮᭀᬕ᭄ᬓᬤᬶᬢ᭄ᬬᬂ᭟ᬫᬸᬤᬶᬢᬮᬦ᭄ᬮᬸᬄᬓᬭᬸ᭠
ᬡᬷ᭞ᬲᬢ᭄ᬯᬦ᭄ᬕᬸᬭᬸᬲᬸᬩᬧ᭄ᬭᬕᬢ᭄᭞ᬕ᭄ᬥᬾᬫᬸᬤ᭞ᬫᬤᬾᬫᬸᬤᬶᬢᬳᬢᬸᬭᬾ᭞ᬢᬸᬫᬸᬮᬶᬭᬭᬶᬲ᭄ᬦᬓᬾᬦᬂ᭞ᬲᬹᬓ᭄ᬱ᭄ᬫᬦᬭᬦ᭄ᬲᬢ᭄ᬯ᭞ᬳᬶᬫ᭄ᬩᬦᬧᬶᬓ᭄ᬦᭀᬳᬶᬧᬸᬦ᭄᭞ᬲᬢ᭄ᬯᬩ᭄ᬮᭀᬕ᭄ᬧᬸᬦᬶᬓ᭟ᬮᬸᬄ᭠
ᬓᬭᬸᬡᬷᬲᬗ᭄ᬯᬍᬤᬶᬦ᭄᭞ᬦᬓᬾᬦᬂᬲᬹᬓ᭄ᬱ᭄ᬫᬳᬶᬫ᭄ᬩ᭞ᬲᬢ᭄ᬯᬦᬾᬲᬗᭂᬢ᭄ᬮᬸᬘᬸᬦᬾ᭞ᬳᬶᬩ᭄ᬮᭀᬕ᭄ᬩᭂᬮᭀᬕᭀᬮᭀᬕᬦ᭄᭞ᬗᬶᬥᭂᬧ᭄ᬫᬸᬜᬶᬢᬦ᭄ᬯ᭄ᬭᬶᬂᬭᬲ᭞ᬮᬓ᭄ᬱᬡᬦᬾᬲᬮᬳᬸᬦ᭄ᬤᬸᬓ᭄᭞ᬧ᭄ᬭᬕ
[᭓᭒ 32A]
ᬢ᭄ᬤᬶᬩᬂᬩᬂᬫᬧᬲᬄ᭟ᬚᬸᬭᬸᬦᬾᬦᭂᬭᬗᬂᬚᬦᬶ᭞ᬘ᭄ᬦᬶᬂᬫ᭄ᬮᬳᬂᬦᬶᬗᭂᬳᬂ᭞ᬩ᭄ᬮᭀᬕ᭄ᬕᬸᬭᬸᬦᬾᬓᬮᬶᬯᬢ᭄᭞ᬧᬗ᭄ᬓᬄᬦ᭄ᬩᬕᬭᬦ᭄ᬲᬢ᭄ᬯ᭞ᬦᬗ᭄ᬳᬶᬂᬤᬲᬗᭂᬢ᭄ᬓᭂᬦ᭄ᬤᭂᬮᬂ᭞ᬤᬕᬶᬂᬓ᭄ᬦᭀᬳᬶᬫ᭄ᬩᬦᬶᬧᬸᬦ᭄᭞ᬦᬾᬗᬯᬶᬢ᭄ᬳᬶ
ᬕ᭄ᬥᬾᬫᬹᬃᬓ᭄ᬓ᭟ᬲᬗᭂᬢ᭄ᬲᬸᬕᬶᬳᬶᬧᬸᬦ᭄ᬤᭂᬫᬶᬢ᭄᭞ᬤ᭄ᬫᭂᬦ᭄ᬢᭂᬦ᭄ᬕᭂᬓᬾᬦ᭄ᬕᭂᬮᬳᬦᬓ᭄᭞ᬲᬗᭂᬢ᭄ᬫᬶᬢᭂᬢᬶᬦ᭄ᬤᬾᬯᬾᬓᬾ᭞ᬢᬦ᭄ᬧᬲ᭄ᬫᬸᬩᬸᬢᬳᬓ᭄ᬱᬭ᭞ᬢ᭄ᬯᬭᬗᬶᬢᬸᬗᬶᬹᬗᬶᬦ᭄ᬫᬬᬚ᭄ᬜ᭞ᬫᬶᬯᬄᬫᬤᬦᬧᬸᬡ᭄ᬬᬾᬓᬸ᭞
ᬢᬶᬯᬲ᭄ᬓᭀᬘᬧᬶᬗ᭄ᬳᬕᬫ᭟ᬜᬓᬶᬢᬶᬦ᭄ᬤᬾᬯᬾᬓ᭄ᬧᬤᬤᬶ᭞ᬲᬸᬕᬶᬄᬢ᭄ᬯᬭᬩᬦᬶᬗᬫᬄ᭞ᬧᬢᬹᬢᬶᬭᬵᬚᬩ᭄ᬭᬡᬦᬾ᭞ᬳᬗ᭄ᬕᭀᬦ᭄ᬫᬤᬦᬫᬧᬹᬡ᭄ᬬ᭞ᬫᬶᬯᬳᬗ᭄ᬕᭀᬫᬬᬚ᭄ᬜ᭞ᬧᬶᬦᬓᬧᬕᭂᬭᬦᬶᬧᬸᬦ᭄᭞᭠
ᬗᬃᬤ᭄ᬥᬶᬓᬸᬓᬸᬄᬲᬮᬫᬶᬦ᭄ᬜ᭟ᬩ᭄ᬯᬶᬦᬯ᭄ᬓᬲ᭄ᬬᬬ᭄ᬦᬸᬫᬤᬶ᭞ᬲᬶᬦᬳᬶᬧᬸᬦ᭄ᬦᭂᬫᬸᬦ᭄ᬭᬓ᭞ᬤᬤᬶᬮᬮᬢᭂᬓ᭄ᬚᬕᬢᬾ᭞ᬓᬾᬢᭀᬘ᭄ᬦᬶᬂᬢ᭄ᬯᬄᬨᬮᬦ᭄ᬜ᭞ᬢᬸᬲᬶᬂᬤᬤᬶᬮᬾᬫ᭄ᬧᬲᬂ᭞ᬓᬃᬫ᭄ᬫᬨᬮᬦᬶᬧᬸᬦ᭄ᬦᬸᬢᬸᬢ᭄᭞ᬫ
Kaca:Bali-lontar-gaguritan-gde-upeksa-300ppi.pdf/32
Kaca puniki sampun kauji-wacén
