[᭙᭕ 95 B]
᭙᭕
ᬓ᭄ᬮᬭᬸᬦᬵᬣ᭟᭒᭐᭟ᬳᬤᬸᬄᬗᬄᬢᬶᬤᭀᬂᬕᬶᬕᬶᬲ᭄᭞ᬧᭂᬲᬸᬕ᭄ᬢᬶᬄᬫᬘᬩ᭄ᬘᬩᬩ᭄᭞ᬓᬳᭂᬮᬾᬩᬶᬦ᭄ᬫᬗᭂᬤᬫ᭄ᬧᬮ᭄᭞ᬢᬦᬸᬘᬧᬦ᭄ᬫᬭᬶᬂᬚᬮᬦ᭄᭞ᬭᬶᬂᬧᬸᬭᬶᬓᭀᬭᬯᬓᭀᬘᬧ᭄᭞ᬓᬸᬭᬸᬧ
ᬢᬶᬲ᭄ᬤᬶᬄᬗᬸᬦ᭄ᬗᬸᬦ᭄᭞ᬳᬶᬩᬸᬓ᭄ᬢᭀᬂᬩᬦᬶᬫᬗ᭄ᬮᬯᬦ᭄᭟᭒᭒᭟ᬯᬾᬦ᭄ᬢᭂᬦ᭄ᬭᬢᬸᬮᬶᬦ᭄ᬢᬂᬚ᭄ᬭᬶᬄ᭞ᬲᬾᬧᬦ᭄ᬲᬾᬧᬦ᭄ᬗᬜ᭄ᬘᬩ᭄ᬚᬭᬦ᭄᭞ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄ᬮᬩᬸᬄᬋᬓᭀ᭞ᬦᬸᬫᬢ᭄ᬕᬸᬮ᭄ᬩᬓᬢ᭄ᬳᬜ᭄ᬘᬩ᭄᭞ᬩᬸᬲᬦ᭄
ᬩᬸᬲᬦ᭄ᬩᬓᬢ᭄ᬳᬳᬶᬢᬂ᭞ᬓᬧᭂᬘᬸᬢᬶᬦ᭄ᬕ᭄ᬭᬤᬕ᭄ᬕ᭄ᬭᬸᬤᬸᬕ᭄᭞ᬫᬫ᭄ᬕᬢ᭄ᬚᬭᬦᬾᬍᬧᬲ᭄᭟᭒᭓᭟ᬳᬤᬮᬾᬦ᭄ᬫᬳᬋᬧ᭄ᬓᬸᬭᬶ᭞ᬚᬶᬢ᭄ᬚᬭᬦ᭄ᬓᬤᬾᬦ᭄ᬢᭂᬦ᭄ᬤᬲ᭄᭞ᬓᬕ᭄ᬮᬦ᭄ᬢᬶᬗᬶᬦ᭄ᬳᬶᬓᬸᬄᬜᬦᬾ᭞ᬫᬸᬦ᭄ᬢᬕ᭄ᬫ
ᬦ᭄ᬢᬶᬕ᭄ᬫᬗᬸᬜ᭄ᬚᬶᬢᬂ᭞ᬭᬭᬶᬲ᭄ᬮᬩᬸᬄᬢᭂᬢᭂᬄᬚᬯᬦ᭄᭞ᬢᬮᬶᬧ᭄ᬕᬢ᭄ᬚᬭᬦ᭄ᬩᬗᬸᬦ᭄᭞ᬫᬩᬃᬢᬾ᭠ᬫ᭄ᬩᭀᬓ᭄ᬫᬓᬚᬾᬢᬦ᭄᭟᭒᭔᭟ᬳᬤᬮᬾᬦ᭄ᬦᬾᬢᬦ᭄ᬧᬢᬮᬶ᭞ᬦᬶᬕ᭄ᬢᬶᬕᬶᬦ᭄ᬦᭂᬕᬓᬶᬜ᭄ᬚᬭᬦ᭄᭞ᬚᬭᬦ᭄ᬦᭀᬂ
[᭙᭖ 96 A]
ᬧᬗ᭄ᬓ᭄ᬮᬂᬓᬸᬃᬧᬢᬶᬢᭀᬫ᭄ᬧ᭄ᬮᭀᬓ᭄᭞ᬗ᭄ᬮᬓᬸᬮᬓᬸᬜᬸᬲᬸᬧ᭄ᬥᬾᬰ᭞ᬓᭂᬧᬸᬂᬳᬲᬸᬓᬳᬦ᭄ᬢᬸᬧᬂ᭞ᬫᬕᬺᬩ᭄ᬬᬸᬕ᭄ᬦᬶᬩᬦᬶᬦ᭄ᬕᭂᬤᬸᬄ᭞ᬓᬧᬸᬢ᭄ᬳᭂᬦ᭄ᬤᬸᬢ᭄ᬩᬋᬂᬚᬭᬦ᭄᭟᭐᭚ᬧᬸᬄᬧᬗ᭄ᬓᬸᬢ᭄᭚᭑᭟
ᬓᭀᬘᬧ᭄ᬪᬝᬭᬰᬶᬯ᭞ᬭᬶᬂᬓᬳ᭄ᬬᬗᬦ᭄ᬫᬫᬶᬋᬗᬂᬳᬶᬤᬫᬗ᭄ᬓᬶᬦ᭄᭞ᬲᬤᬢ᭄ᬧᬗᬰᬶᬄᬲᬵᬫ᭄ᬧᬸᬦ᭄ᬭᬯᬸᬄ᭞ᬳᬦᬭᬶᬂᬧᬸᬭᬶᬧᬡ᭄ᬥᬯ᭞ᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬧᬫ᭄ᬗᬦ᭄ᬗ᭄ᬭᬕᬲᬵᬫ᭄ᬧᬸᬦ᭄᭞ᬤ᭄ᬯᬦᬶᬂ
ᬤᬾᬯᬲ᭄ᬓᬮ᭞ᬫᬩᬸᬃᬮᬫ᭄ᬧᬳᬾᬤᬶᬕ᭄ᬮᬶᬲ᭄᭟᭒᭟ᬲᬺᬕᭂᬧ᭄ᬲᬃᬯ᭄ᬯᬲᬜ᭄ᬚᬢ᭞ᬓᭀᬘᬧᬺᬓᭀᬪᬕᬯᬦ᭄ᬥᬯᬮᬫᬗ᭄ᬓᬶᬦ᭄᭞ᬳᬢᬧ᭄ᬧᬦᬗ᭄ᬓᬶᬮᬦ᭄ᬤᬶᬢᬸ᭞ᬦᬸᬮ᭄ᬬᬢᬗᭂᬄᬲᬂᬤ᭄ᬯᬮ᭞ᬫᭂᬤᬮ᭄ᬕᬶᬲ᭄᭞ᬭᬶᬂᬩ
ᬜ᭄ᬘᬶᬗᬄᬲᬃᬯ᭄ᬯᬶᬗᬶᬤᬸᬂ᭞ᬓᬘᬶᬗᬓ᭄ᬪᬝᬭᬰᬶᬯ᭞ᬲᬓᬶᬗᬫ᭄ᬩᬭᬮᬸᬫᬭᬶᬲ᭄᭟᭓᭟ᬕ᭄ᬮᬶᬲ᭄ᬢᭂᬤᬸᬦ᭄ᬫᬦᭂᬲᭂᬓᬂ᭞ᬫᬚᬚᭂᬗ᭄ᬓᬪᬕᬯᬦ᭄ᬫᬗᬸᬮᬧᬶᬦ᭄᭞ᬳᬾᬗ᭄ᬕᬮ᭄ᬥᬶᬯᬫᬳᬶᬢᬸᬯᬸᬦ᭄᭞ᬮᬦ᭄ᬫᬧᬮᬸᬳᬚᬓ᭄ᬦ
Kaca:Bali-lontar-gaguritan-dwala-300ppi.pdf/96
Kaca puniki sampun kauji-wacén
