Kaca:Bali-lontar-gaguritan-dwala-300ppi.pdf/92

Saking Wikisource
Kaca puniki sampun kauji-wacén

[᭙᭑ 91 B]
᭙᭑
ᬲ᭄᭞ᬫᬗ᭄ᬤᬢ᭄ᬭᬂᬳᬸᬚᬂᬫᬗ᭄ᬓᬶᬦ᭄᭞ᬳᬶᬤᬋᬱᬶᬳᬮᭀᬦ᭄ᬫᬯᬸᬯᬸᬲ᭄᭞ᬭᬶᬗ᭄ᬓᭂᬲ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬶᬂᬳᬸᬘᬧᬂᬦᭀᬭᬓᬢᭀᬦ᭄᭟᭑᭐᭟ᬲᬦᬾᬲᬗ᭄ᬳ᭞ᬅᬕᬫᬦᬾᬢ᭄ᬕᭂᬰᬶᬧᬸᬦ᭄᭞ᬕᬫᬚᬵᬢᬶᬦᬾᬓᬳᬸ
ᬗ᭄ᬲᬶ᭞ᬦᬶᬓᬜᬦ᭄ᬤᬂᬲᭂᬫ᭄ᬩᬄᬲᬸᬯᬸᬦ᭄᭞ᬓᬲᬸᬂᬲᬸᬂᬭᬶᬂᬯᬢᭂᬓ᭄ᬫᬳᬸᬭᬶᬧ᭄᭞ᬧᬱ᭄ᬝᬶᬦᬶᬓᬤᬸᬄᬲᬂᬓ᭠ᬢᭀᬂ᭟᭑᭑᭟ᬅᬃᬣᬶᬦ᭄ᬢᬸᬚᬸᬄᬲᬦᬾᬚᬸᬚᬸᬄᬢᬦ᭄ᬓᬢᭂᬫᬸ᭞ᬜᬸᬚᬸᬄᬲᬦᬾᬢᬦ᭄ᬓᬧᬗ᭄ᬕᬶᬄ᭞ᬲᬦᬾᬚᬸᬚᬸᬄ
ᬢᬍᬃᬧᬢᬸᬄ᭞ᬦᬶᬓᬕᬸᬫᬶᬢᬦ᭄ᬧᬢᭂᬧᬶ᭞ᬧᬸᬧᬸᬢ᭄ᬢᬸᬚᬸᬄᬤᬾᬯᬳᬗ᭄ᬕᬾᬦ᭄᭟᭑᭒᭟ᬬᬦ᭄ᬭᬶᬂᬳᬮᬲ᭄᭞ᬳᭂᬜ᭄ᬘᬾᬦ᭄ᬳᬸᬢ᭄ᬢᬫᬦᬾᬗᬸᬗ᭄ᬕᬸᬮ᭄᭞ᬕᬸᬡᬦ᭄ᬚᬕᬢ᭄ᬫᬓᬲᬫᬶ᭞ᬳᭀᬭᬪᬸᬓᬺᬱ᭄ᬡᬜᬯᬶᬲ᭄ᬫᬵᬢᬹᬃ᭞ᬦᬶ
ᬓᬕᬸᬦᬸᬂᬡᬍᬯᬶᬄ᭞ᬧᬵᬢᬹᬢ᭄ᬳᬸᬚᬃᬋᬱᬶᬓᬣᭀᬂ᭟᭑᭓᭟ᬬᬦ᭄ᬭᬶᬂᬩᬸᬭᭀᬦ᭄᭞ᬳᭂᬜ᭄ᬘᬾᬦ᭄ᬲᬦᬾᬗᭀᬤᬕ᭄ᬩᬸᬗ᭄ᬕᬸᬮ᭄᭞ᬲᬂᬅᬃᬚ᭄ᬚᬸᬦᬫᬵᬢᬹᬃᬜᬯᬶᬲ᭄᭞ᬳᬶᬗ᭄ᬕᬶᬄᬭᬢᬸᬋᬱᬶᬧᬸᬢᬸᬲ᭄᭞ᬗ᭄ᬕᬶᬄᬲᬶᬗ᭄ᬳᬗ
[᭙᭒ 92 A]
ᬭᬦ᭄ᬓᬾᬱᬭᬶ᭞ᬲᬯᬸᬃᬧ᭄ᬭᬡ᭄ᬥᬲᬚᬓᬾᬢᭀ᭟᭑᭔᭟ᬲᬂᬪᬕᬯᬦ᭄᭞ᬫᬮᬶᬄᬳᬶᬤᬗᬸᬚᬂᬤᬶᬢᬸ᭞ᬭᬶᬂᬲ᭄ᬕᬭᬳᭂᬜ᭄ᬘᬾᬦ᭄‌ᬘ᭄ᬦᬶᬂ᭞ᬩᬮᬤᬾᬯᬜᬯᬶᬲ᭄ᬫᬵᬢᬹᬃ᭞ᬫᬓᬚᬷᬯᬦ᭄ᬫᬶᬡᬲᬫᬶ᭞ᬳᬶᬗ᭄ᬕᬶᬄᬢᭀᬬᬳᬶᬓᬦᬂ
ᬮᭀᬤ᭄᭟᭑᭕᭟ᬳᬶᬤᬋᬱᬶᬢᬦ᭄ᬫᬭᬶᬫᬗᬸᬚᬂᬧᬵᬢᬹᬢ᭄᭞ᬤᬕᬶᬂᬅᬫ᭄ᬩᬭᬦᬾᬫᬮᬶᬄ᭞ᬳᭂᬜ᭄ᬘᬾᬉᬢ᭄ᬢᬫᬦ᭄ᬳᬶᬧᬸᬦ᭄᭞ᬅᬃᬬ᭄ᬬᬪᬷᬫᬫᬜᬯᬸᬭᬶᬦ᭄᭞ᬳᬗᬶᬦ᭄ᬩᬋᬢ᭄ᬦᭀᬭᬓᬢᭀᬦ᭄᭟᭑᭖᭟ᬖᬝᭀᬢ᭄ᬓᬵ
ᬘᬓᬯᬗ᭄ᬲᬶᬢᬶᬦ᭄ᬭᬶᬂᬲᬂᬧᬸᬢᬸᬲ᭄᭞ᬓᬶᬚᬫᬧᬸᬮᬶᬳᬷᬕ᭄ᬦᬶ᭞ᬲᬹᬃᬬ᭄ᬬᬰᬰᬶᬄᬯᬶᬦ᭄ᬢᬂᬳᬶᬧᬸᬦ᭄᭞ᬪᬷᬫᬵᬲᬸᬢᬫᬵᬢᬹᬃᬲᬶᬗ᭄ᬕᬶᬄ᭞ᬦᬵᬭᬶᬂᬢᬶᬗ᭄ᬕᬮ᭄‌ᬤᬸᬄᬲᬂᬓᬢᭀᬂ᭟᭑᭗᭟ᬦᬶᬓᬲᬫᬶ᭞ᬲᬵᬫ᭄ᬧᬸᬦ᭄ᬧᬵᬢᬹᬢ᭄
ᬘ᭄ᬦᬶᬂᬳᬕᬸᬂ᭞ᬢᬦ᭄ᬤᬧᬥᬦᭀᬭᬧᬮᬶᬂ᭞ᬲ᭄ᬫᬃᬕᬭᬾᬂᬗᭀᬚᬄᬤᬶᬢᬸ᭞ᬲᬸᬓᬢᬾᬜᬶᬍᬫᬶᬦ᭄ᬧᬲᬶᬄ᭞ᬕᬮᬂᬢᬦ᭄ᬧᬩ᭄ᬮᬢ᭄ᬳᬤᭀᬄ᭟᭑᭘᭟ᬳᬗ᭄ᬕᬸᬢ᭄ᬳᬗ᭄ᬕᬸᬢ᭄᭞ᬲᬂᬪᬕᬯᬦ᭄ᬫᬧᬶᬢᬸᬢᬸᬃ᭞ᬓᬭᬱᬓᬾ