[᭗᭑ 71 B]
᭗᭑
ᬦ᭄ᬭᬢᬸ᭞ᬫ᭄ᬯᬂᬳᬮᬳᬬᬸᬦᬶᬂᬚᬕᬢ᭄᭞ᬳᬶᬗ᭄ᬕᬶᬄᬲᬫᬶ᭞ᬯᬦ᭄ᬢᬄᬭᬢᬸᬫᬦ᭄ᬭᬸᬯᬾᬦᬂ᭟᭒᭐᭟ᬰᬓ᭄ᬱᬶᬦ᭄ᬳᬶᬤᬧ᭄ᬭᬪᬸᬓᬺᬱ᭄ᬡᬵ᭞ᬫᬶᬯᬄᬯᬢᭂᬓ᭄ᬭᬢᬸᬲᬫᬶ᭞ᬯᬷᬭᬫᬦ᭄ᬢ᭄ᬭᬶᬩᬮᬦ᭄ᬳᬶᬗᭀᬂ᭞ᬭᬶᬂᬧᬲᬾᬪᬦ᭄ᬫᬗ᭄ᬤᬢᬳᬸ᭞ᬚᬕ
ᬢᬾᬳᬢᬹᬭᬂᬦᬶᬭ᭞ᬭᬶᬦ᭄ᬖ᭄ᬲᬂᬋᬱᬶ᭞ᬧᬡ᭄ᬥᬶᬢᬫᬲᬯᬸᬃᬳ᭄ᬦᬄ᭟᭒᭑᭟ᬪᬕᬯᬦ᭄ᬜᬯᬶᬲ᭄ᬗᬦ᭄ᬤᬶᬓ᭞ᬩᬧᬦᬫ᭄ᬧᬶᬫᬓᬲᬫᬶ᭞ᬦᭀᬭᬲᬓᬶᬂᬩᬧᬫᭀᬫᭀ᭞ᬳᬦᬓ᭄ᬫᬸᬳᬶᬤᬲᬂᬳᬬᬸ᭞ᬚᬦᬶᬧᬘᬂᬍᬫᭂᬲᬶᬦ᭄ᬩ
ᬧ᭞ᬲᬓᬶᬂᬳᬭᬶᬲ᭄᭞ᬬᬾᬦᬶᬂᬩᬧᬓᬗ᭄ᬕᭀᬯᬗ᭟᭒᭒᭟ᬲᬶᬂᬜᬓᬕᬾᬢ᭄ᬢ᭄ᬯᬭᬳᭂᬜᬓ᭄᭞ᬩᬧᬩᬸᬯᬸᬂᬫᬗᬼᬫᭂᬲᬶᬦ᭄᭞ᬤᬾᬦᬶᬂᬕᭀᬩᬦ᭄ᬩᬧᬩᭀᬘᭀᬓ᭄᭞ᬯ᭄ᬬᬤᬶᬦ᭄ᬩᬧᬗᭀᬤᬕ᭄ᬫᭂᬗ᭄ᬓᬸ᭞ᬢᬦ᭄ᬯᭂ᭠
ᬦᬂᬩᬧᬫᬫᬓ᭄ᬱ᭞ᬗᬮᬧ᭄ᬭᬩᬶ᭞ᬤ᭄ᬯᬦᬶᬂᬦᬦᬂᬪᬶᬓ᭄ᬱᬸᬰᬹᬓ᭄ᬮ᭟᭒᭓᭟ᬓᬕᬾᬢ᭄ᬲᬸᬤᬶᬓᬧᬶᬦ᭄ᬩᬧ᭞ᬤᬸᬭᬸᬲ᭄ᬩᬧᬗᬗ᭄ᬕᭀᬦ᭄ᬭᬩᬶ᭞ᬫᬩᬸᬜ᭄ᬘᬶᬂᬬᬳᬾᬮᬕ᭄ᬳᬾᬮᭀᬕ᭄᭞ᬳᬶᬮᬾᬦ᭄ᬳᬶᬮᬾᬦ᭄ᬲᬦᬾᬩ
[᭗᭒ 72 A]
ᬕᬸᬲ᭄᭞ᬳᬗ᭄ᬕᭀᬦ᭄ᬫᬗᬶᬭᬶᬗᬂᬩᬧ᭞ᬢᬢ᭄ᬦ᭄ᬩᬸᬜ᭄ᬘᬶᬂ᭞ᬦᭂᬢᭂᬧᬂᬓ᭄ᬭᬫᬦᬶᬂᬚᬕᬢ᭄᭟᭒᭔᭟ᬢᬸᬲᬶᬂᬩᬱᬫᬲᭂᬮ᭄ᬲᭂᬮᬦ᭄᭞ᬢᬦ᭄ᬲᬵᬥ᭄ᬬᬦᬾᬢᬦ᭄ᬓᭂᬜᬓᬶᬦ᭄᭞ᬩᬧᬗᬲᬾᬗᭀᬩᬩᭀᬘᭀᬓ᭄᭞ᬩ᭄ᬯᬶᬦ
ᬢᭀᬲᬶᬂᬢᭀᬢᭀᬲ᭄ᬭᬢᬸ᭞ᬳᬸᬮᬶᬂᬲᬸᬩᬤᬤᬶᬧᬜ᭄ᬚᬓ᭄᭞ᬢᬸᬯᬸᬄᬮᬶᬗ᭄ᬲᬶᬃ᭞ᬳᭂᬦ᭄ᬢᭀᬦᬾᬧ᭄ᬮᬧᬦᬂᬩ᭠ᬧ᭟᭒᭕᭟ᬓᬾᬃᬣᬶᬦ᭄ᬩᬧᬥᬶᬚᬕᬢ᭄᭞ᬲᬢᬸᬭᬸᬦ᭄ᬫᬗ᭄ᬤᬩᭂᬘᬶᬓ᭄᭞ᬧᬡ᭄ᬥᬯᬦᬾᬢᬸᬲᬶᬂᬓᬢᭀᬦ᭄᭞ᬢ᭄ᬓ
ᬦᬶᬂᬩ᭄ᬭᬢᬬᬸᬥᬧᬸᬗ᭄ᬓᬸᬃ᭞ᬓ᭄ᬦᬘ᭄ᬦᬶᬂᬫᬦᬸᬯᬸᬢᬂ᭞ᬲᬋᬂᬲᬫᬶ᭞ᬭᬳᬬᬸᬦ᭄ᬕᬸᬫᬶᬦᬾᬲᬥ᭄ᬬᬬᬂ᭟᭒᭖᭟ᬰ᭄ᬭᬷᬚᬬᬓᬸᬰᬸᬫᬜᭂᬫ᭄ᬩᬄ᭞ᬢᬦ᭄ᬧᬜ᭄ᬚᬂᬢᬶᬢ᭄ᬬᬂᬫᬗᬶᬭᬶᬂ᭞ᬤ᭄ᬬᬲ᭄ᬢᬸᬓᬾᬫᬦ᭄ᬫᬸᬓᬯᭀᬦ᭄᭞ᬬᬾᬦᬶᬂᬲᬵᬫ᭄ᬧᬸᬦ᭄ᬓᬃᬥᬶᬦ᭄ᬭᬢᬸ᭞
ᬦᬧᬶᬫᬮᬶᬄᬦᭂᬫᬸᬲᬸᬓ᭞ᬮᬾᬤᬂᬋᬱᬶ᭞ᬲᬧᬶᬲᬦ᭄ᬢᬶᬢ᭄ᬬᬂᬗᬢᬹᬭᬂ᭟᭒᭗᭟ᬯᬢᭂᬓ᭄ᬭᬢᬸᬲᬸᬓᬵᬮᬷᬮ᭞ᬫᬫᬶᬋᬂᬢᬶᬫ᭄ᬩᬗᬦ᭄ᬩ᭄ᬘᬶᬓ᭄᭞ᬓᬤᬶᬅᬫᬺᬢ᭄ᬢᬯᬯᬸᬢᬾᬫ᭄ᬩᭀᬄ᭞ᬲᬮᬶᬂᬳᬍᬫ᭄ᬲᬮᬶᬂᬚᬸᬂᬚᬸᬂ᭞᭠
Kaca:Bali-lontar-gaguritan-dwala-300ppi.pdf/72
Kaca puniki sampun kauji-wacén
