[᭔᭓ 43 B]
᭔᭓
ᬧᬸᬢᬸᬲ᭄ᬭᬶᬂᬳᬸᬩᬬ᭞ᬲᬶᬦᬋᬗᬦ᭄ᬦᬸᬕᬶᬫ᭄ᬤᬮ᭄᭞ᬚᬓᬰᬦ᭄ᬢᭀᬱᬮᬦ᭄ᬧᬗᬶᬭᬶᬂ᭞ᬲᬫᬶᬜᬥ᭄ᬬᬬᬂ᭞ᬫᬦᭀᬦ᭄ᬢᭀᬦ᭄ᬲᬗᬚᬸᬭᬶᬢ᭄᭟᭑᭑᭟ᬕᬾᬕᬾᬃᬳᬸᬫᬸᬂᬕᭀᬂᬩ᭄ᬥᬶᬮ᭄ᬫᬶᬯᬄᬓᭂᬡ᭄ᬥᬂ᭞ᬫᬢᬩᬸᬄᬢᬩᬸᬳ
ᬦ᭄ᬲᬫᬶ᭞ᬲᬸᬗᬸᬩᭂᬦ᭄ᬤᬾᬮᬦ᭄ᬫ᭄ᬭᬯ᭞ᬕᭀᬂᬪᬾᬭᬶᬫᬶᬯᬄᬲᬹᬃᬬ᭄ᬬᬓ᭄᭞ᬢᭂᬧᬸᬓ᭄ᬢᬗᬦ᭄ᬫᬓᬲᬫᬶ᭞ᬦᬭᬶᬂᬩᬜ᭄ᬘᬶᬗᬄ᭞ᬕ᭄ᬮᬶᬲ᭄ᬬᬸᬥᬦᬾᬗᬯᬶᬢᬶᬦ᭄᭟᭑᭒᭟ᬲᬂᬅᬰ᭄ᬯᬢᬫᬳᬶᬤᬕ᭄ᬮᬶᬲ᭄ᬫᬢᬦ᭄ᬤᬶᬗᬦ᭄᭞ᬲᬂ
ᬓᬃᬡ᭄ᬦᬲᬦᬾᬦᬩᬶᬂ᭞ᬮᬦ᭄ᬲᬢᬶᬲ᭄ᬓᭀᬭᬯ᭞ᬫᬦᭀᬦ᭄ᬢᭀᬦ᭄ᬲᬓᬶᬂᬲᬫ᭄ᬪᬯ᭞ᬭᬫᬾᬬᬸᬥᬦᬾᬦᬾᬫᬗ᭄ᬓᬶᬦ᭄᭞ᬗ᭄ᬕᬶᬄᬧᬢᬸᬗ᭄ᬕᬮᬦ᭄᭞ᬲᬮᬶᬂᬲᬾᬧᬓ᭄ᬱᬮᬶᬂᬕ᭄ᬥᬶᬕ᭄᭟᭑᭓᭟ᬲᬮᬶᬂᬲᬸᬭᬸᬂᬲᬮᬶᬂᬧᬡ᭄ᬝᬶᬂᬲ
ᬮᬶᬂᬍᬫ᭄ᬧᬕ᭄᭞ᬲᬮᬶᬂᬲᬶᬗ᭄ᬕᬸᬓ᭄ᬢᬦ᭄ᬫᬭᬶ᭞ᬮᬦ᭄ᬲᬮᬶᬂᬧᬗ᭄ᬲᭂᬕᬂ᭞ᬬᬸᬥᬦᬾᬩᬸᬓᬢᬶᬫ᭄ᬩᬂ᭞ᬍᬲᬸᬲᬂᬰ᭄ᬯᬢᬫᬫᬗ᭄ᬓᬶᬦ᭄᭞ᬚᬓᬰᬦ᭄ᬢᭀᬱ᭞ᬲᬬᬦ᭄ᬓ᭄ᬯᬢ᭄ᬗᬥᬸᬚᬸᬭᬶᬢ᭄᭟᭑᭔᭟ᬥᬂᬳ᭄ᬬᬂᬤ᭄ᬭᭀᬡᬤᬳᬢ᭄
[᭔᭔ 44 A]
ᬫᬾᬬᬂᬳᬶᬤᬜᬶᬗᬓ᭄᭞ᬤᬾᬦᬶᬂᬳᭀᬓᬦᬾᬓᬮᬶᬮᬶᬄ᭞ᬭᬭᬶᬲ᭄ᬫᬦᬸᬤᬸᬳᬂ᭞ᬘ᭄ᬦᬶᬂᬲᬂᬤᬸᬰᬲᬦ᭞ᬓ᭄ᬫᬳᬾᬗ᭄ᬕᬮ᭄ᬢᬸᬮᬸᬂᬚᬦᬶ᭞ᬲᬂᬤᬸᬰᬲᬦ᭞ᬫᬓᭂᬘᭀᬲ᭄ᬕᭂᬮᬶᬲ᭄ᬦᬸᬮᬸᬗᬶᬦ᭄᭟᭑᭕᭟ᬲᬂᬰ᭄ᬯᬢᬫᬫᬸᬦ᭄ᬤᬸᬃᬳᬶᬤ
ᬓᬢᬸᬮᬸᬗᬦ᭄᭞ᬫᬸᬲᬸᬳᬾᬫᬦᬗ᭄ᬓᬶᬲᬶᬦ᭄᭞ᬭᬶᬂᬫᬾᬤᬦ᭄ᬧᬧ᭄ᬭᬗᬦ᭄᭞ᬭᬤᬾᬜ᭄ᬚᬓᬰᬦ᭄ᬢᭀᬲ᭞ᬤᬹᬰᬲᬦᬓᬢᬦ᭄ᬤᬶᬗᬶᬦ᭄᭞ᬲᬂᬓᬮᬶᬄᬫᬧ᭄ᬭᬂ᭞ᬲᬵᬓ᭄ᬱᬵᬢ᭄ᬫᬘᬦ᭄ᬮᬯᬦ᭄ᬲᬫ᭄ᬧᬶ᭟᭑᭖᭟ᬤᬹᬰᬲᬦᬭ
ᬕᬓᬸᬓᬸᬄᬢᬸᬃᬫᬓ᭄ᬯᬮ᭄᭞ᬚᬓᬰᬦ᭄ᬢᭀᬱᬫᬵᬳᬮᬶᬢ᭄᭞ᬓᭂᬜ᭄ᬘᭂᬂᬧᬭᬶᬓᭀᬱ᭞ᬲᬾᬩᭂᬢ᭄ᬢᬸᬃᬫᬦᬶᬄᬕᬜ᭄ᬘᬂ᭞ᬤᬹᬰᬲᬦᬲᬾᬧ᭄ᬦᬗ᭄ᬓᬶᬲᬶᬦ᭄᭞ᬤᬤᬶᬓᬦ᭄ᬤᬧᬦ᭄᭞ᬓᬲᬾᬧᬓ᭄ᬫᬜᬸᬂᬓᬶᬮᬶᬂ᭟᭑᭗᭟ᬓᬦ᭄ᬢᬶᬧᬸᬜᬸ᭠
ᬕᬸᬮᬓ᭄ᬕᬸᬮᬶᬓ᭄ᬓᬤᬶᬩᬦ᭄ᬢᬂ᭞ᬓᬤᭂᬮ᭄ᬥᭂᬮ᭄ᬓᬵᬗ᭄ᬕᬾᬦ᭄ᬢᬶᬢᬶ᭞ᬦᬺᬧᬧᬸᬢ᭄ᬭᬲᬬᬦ᭄ᬓ᭄ᬯᬢ᭄᭞ᬲᬂᬤᬹᬰᬲᬦᬳᬮᬄ᭞ᬚ᭄ᬭᬶᬄᬤᬦᬾᬫᬗᬸᬤᬶᬂᬓ᭄ᬮᬶᬂ᭞ᬯᬾᬦ᭄ᬢᭂᬦ᭄ᬫᬦᬗ᭄ᬕᬮ᭄᭞ᬲᬂᬢᬷᬃᬣᬦᬵᬣᬦ᭄ᬤᬶᬗᬶᬦ᭄᭟᭑᭘᭟ᬫᬢ᭠
Kaca:Bali-lontar-gaguritan-dwala-300ppi.pdf/44
Kaca puniki sampun kauji-wacén
