Kaca:Bali-lontar-gaguritan-dwala-300ppi.pdf/117

Saking Wikisource
Kaca puniki sampun kauji-wacén

[᭑᭑᭖ 116 B]
᭑᭑᭖
ᬲᬃᬯ᭄ᬯᬭᬬᬸᬦᬦ᭄᭞ᬪᬶᬫᬦ᭄ᬬᬸᬲᬬᬂᬓᬰᬶᬄ᭞ᬓ᭄ᬫᬫᬳᬶᬧᬸᬦ᭄ᬫᬗᬶᬭᬶᬂ᭞ᬮᬸᬭᬄᬓᬦ᭄ᬢᭀᬂᬓᬗ᭄ᬕᭀᬤᬶᬢᬸ᭞ᬗᭂᬫ᭄ᬧᬸᬕᬸᬫᬶᬭᬶᬂᬧᬡ᭄ᬥᬯ᭞ᬲᬫᬶᬧᬥᬫᬗᬸᬕ᭄ᬯᬦᬶᬦ᭄᭞ᬥᬃᬫ᭄ᬫᬧᬸᬢᬸᬲ᭄᭞ᬫᬶᬯᬄᬓ᭄ᬘᬧᬶᬂᬅᬕᬫ᭟᭕᭟ᬢᭂ
ᬤᬸᬄᬚᬕᬢᬾᬭᬶᬂᬧᬵᬡ᭄ᬥᬯ᭞ᬯᬷᬭᬫᬦ᭄ᬢ᭄ᬭᬶᬍᬕᬲᬫᬶ᭞ᬲᬭᬯᬸᬳᬶᬂᬩᬮᬧᬾᬓ᭞ᬦᬶᬭᬸᬲᭀᬮᬄ᭠ᬲᬂᬪᬸᬧᬢᬶ᭞ᬥᬃᬫ᭄ᬫᬢᬸᬢᬹᬃᬓᬲᬸᬗ᭄ᬓᭂᬫᬶᬦ᭄᭞ᬮᬸᬄᬫ᭄ᬯᬦᬶᬲᬫᬶᬳᬦᬹᬢ᭄᭞ᬫᬮᬓ᭄ᬱᬡᬥᬃᬫ᭄ᬫᬫᬃᬕ᭄ᬕ᭞ᬲ᭄ᬬᬂ
ᬮᬢ᭄ᬭᬶᬦᭀᬭᬕᬶᬗ᭄ᬲᬶᬃ᭞ᬳᬶᬮᬂᬧᬡ᭄ᬥᬂ᭞ᬅᬫᬺᬢ᭄ᬢᬦᬾᬢᬦ᭄ᬧᬧ᭄ᬕᬢᬦ᭄᭟᭖᭟ᬳᬸᬮᬶᬂᬤᬶᬢᬸᬲᬬᬦ᭄‌ᬲᬕ᭄ᬲᬕ᭄᭞ᬳᬲ᭄ᬢᬶᬦᬭᬶᬂᬮᬶᬫᬂᬲᬶᬓᬶ᭞ᬤᬸᬓ᭄‌ᬲᬪᬧᬃᬯ᭄ᬯᬧᬸᬦᬶᬓ᭞ᬗᬯᬶᬢᬶᬦ᭄‌ᬲᬸᬕᬢᬾᬗᬹᬦᬶ᭞ᬲᬂ
ᬧ᭄ᬭᬪᬸᬓᬸᬭᬸᬧᬢᬶ᭞ᬳᬶᬭᬶᬳᬢᬶᬮᬶᬦ᭄ᬢᬂᬩᬗ᭄ᬮᬸᬲ᭄᭞ᬲᬋᬂᬧᬢᬶᬄᬰᬓᬸᬦᬶᬓᬃᬡ᭄ᬦᬵ᭞ᬤᬸᬰᬲᬦᬫᬮᬶᬄᬳᬲᬶᬓᬶ᭞ᬳᬤᭀᬦ᭄ᬤᬶᬢᬸ᭞ᬗᭂᬦ᭄ᬢᬶᬓᬂᬉᬧᬬᬓᬲᬃ᭟᭗᭟ᬋᬱᬶᬤ᭄ᬭᭀᬡᬫᬗᬚᬸᬫᬂ᭞ᬚᬸᬭᬸᬳᬤᬸ
[᭑᭑᭗ 117 A]
ᬫᬗᭂᬍᬕᬶᬦ᭄᭞ᬦᬶᬓᬓᬃᬫ᭄ᬫᬦ᭄ᬳᬦᬓ᭄ᬲᬲᬃ᭞ᬢᬸᬲᬶᬂᬤᬤᬶᬫᬮᬶᬄᬲᬳᬶᬦ᭄᭞ᬤᬾᬦᬶᬂᬢᭀᬢᭀᬲ᭄ᬕᬡ᭄ᬥᬃᬯ᭄ᬯᬚᬢᬶ᭞ᬫᬗ᭄ᬭᬗ᭄ᬲᬸᬓ᭄‌ᬦᬸᬫᬤᬶᬤᬶᬢᬸ᭞ᬪᬹᬦᬲᬓᬶᬂᬕᬗ᭄ᬰᬮ᭄ᬮᭀᬓ᭞ᬢᭀᬢᭀᬲ᭄ᬤᬾᬯᬫᬓᬲᬫᬶ᭞ᬦᬸ
ᬭᬸᬦ᭄ᬤᬶᬢᬸ᭞ᬤᬤᬶᬳᬕᬸᬂᬭᬶᬂᬧᬵᬡ᭄ᬥᬯ᭟᭘᭟ᬧᬸᬧᬸᬢ᭄ᬢᬶᬢ᭄ᬬᬂᬗᬗ᭄ᬕᬶᬢ᭄ᬕᬶᬢ᭄᭞ᬲᬸᬓ᭄ᬭᬧᬳᬶᬂᬫᬦᬸᬚᭀᬦᭀᬦ᭄᭞ᬰᬸᬓ᭄ᬮᬧᬓ᭄ᬱᬓᬧᬶᬂᬲᭀᬮᬲ᭄᭞ᬯᬭᬳᬸᬕᬸᬯᬦ᭄ᬢᬄᬫᬗ᭄ᬓᬶᬦ᭄᭞ᬰᬰᬶᬄᬓᭂᬦᭂᬫ᭄ᬯᬯᬸᬦᬫ᭄ᬧᬶ᭞ᬢᬶᬕᬂᬰᬰᬶᬄ
ᬗᬃᬤ᭄ᬥᬶᬧᬸᬧᬸᬢ᭄᭞ᬧᬸᬧᬸᬄᬮᬕᬸᬓᬝᬄᬲᬮᬄ᭞ᬧᬲᬂᬰᬵᬲ᭄ᬢ᭄ᬭᬓᬝᬄᬧ᭄ᬮᬶᬄ᭞ᬧᬢᬶᬓᬘᬸᬄ᭞ᬫᬦᬄᬗᬸᬤᬸᬄᬗᬮᬶᬫ᭄ᬩᬓᬂ᭟᭙᭟ᬓᬾᬯᬮᬳᬸᬦᬶᬂᬫᬲ᭄ᬯᬭ᭞ᬅᬫ᭄ᬧᬹᬭᬬᬂᬤᬾᬯᬕᬸᬲ᭄ᬢᬶ᭞ᬓᬃᬤ᭄ᬥᬶᬦ᭄ᬢᬶᬢ᭄ᬬᬂᬳᬓ᭄ᬯᬾᬄᬗᬯᬕ᭄
᭞ᬢᬦᬶᬓᬯᬸᬄᬢᬦᬶᬓᬗᬶᬦ᭄᭞ᬢᬸᬦᬮᬦ᭄ᬓᬸᬂᬲᬮᬄᬕᭂᬡ᭄ᬥᬶᬂ᭞ᬮᬾᬤᬂᬜᬸᬮᬫ᭄‌ᬳᬶᬯᬂᬳᬶᬧᬸᬦ᭄᭞ᬧᬸᬭᬸᬦ᭄ᬢᬶᬢ᭄ᬬᬂᬓᬕᬸᬬᭀᬦ᭄᭞ᬲ᭄ᬯᬦᬶᬂᬧᬗ᭄ᬓᬄᬫᬧᬓᬾᬮᬶᬂ᭞ᬗᬤᬸᬕ᭄ᬳᬤᬸᬕ᭄᭞ᬫᬦᬶᬫ᭄ᬧᬸᬕ᭄ᬫᬗᬯᬕ᭄ᬳᬯᬕ᭄