[᭑᭐᭖ 106 B]
᭑᭐᭖
ᬤᬤᬶᬲ᭄ᬩᭂᬢ᭄ᬓᬦ᭄ᬢᬲ᭄ᬮᬮᬶ᭞ᬤᬤᬶᬢᬓᬸᬢ᭄ᬲᬵᬫ᭄ᬧᬸᬦ᭄ᬧᬜ᭄ᬘ᭞ᬦᬶᬓᬳᬶᬦ᭄ᬤ᭄ᬭᬶᬬᬦᬾᬫᬫᬹᬃᬢ᭄ᬢᬶ᭟᭑᭔᭟ᬳᬚᬓ᭄ᬲᬫᬶᬜᬸᬗ᭄ᬲᬸᬂᬢᬓᬸᬢ᭄᭞ᬫᬦᬸᬱᬦᬾᬦᬭᬶᬂᬕᬸᬫᬶ᭞ᬦᬾᬓᬭᬶᬓᭀᬤᬕ᭄ᬳᬶᬦ᭄ᬤ᭄ᬭᬶᬬ᭞ᬲᬂ
ᬯ᭄ᬯᬪᬵᬯᬓᬲᬸᬗ᭄ᬓᭂᬫᬶᬦ᭄᭞ᬳᬶᬲᬶᬦ᭄ᬕᬸᬫᬶᬢᬕᬶᬄᬕ᭄ᬮᬳᬂ᭞ᬢᬸᬮᬾᬦ᭄ᬜᬗ᭄ᬲᬭᬳᬶᬦ᭄ᬳᬸᬭᬶᬧ᭄᭟᭑᭕᭟ᬧᬸᬦᬶᬓᬦᬾᬢᬕᬶᬄᬧᬶᬓᬸᬮ᭄᭞ᬳᬸᬮᬶᬂᬇᬤᬸᬧ᭄ᬲᬫ᭄ᬧᬾᬫᬢᬶ᭞ᬗᬯᬾᬦᬂᬳᬯᬓ᭄ᬲᬗ᭄ᬲᬭ᭞ᬤᬤᬶᬢ
ᬮᬶᬜᬮᬶᬫ᭄ᬧᬸᬢᬶᬦ᭄᭞ᬲᬂᬲᬸᬚᬦᬢᬸᬲᬶᬂᬳᭂᬜᬓ᭄᭞ᬢ᭄ᬯᬄᬳᬗ᭄ᬕᭀᬦᬦᬸᬦᬾᬤᬶᬦᬶ᭟᭑᭖᭟ᬓᬲᬸᬓᬦᬾᬓᬭᬶᬳᬶᬤᬸᬧ᭄᭞ᬮᬸᬯᬸᬦ᭄ᬚᬕᬢ᭄ᬦᬶᬓᬘ᭄ᬦᬶᬂ᭞ᬩᬓᬢ᭄ᬤᬶᬦᬶᬤᬶᬦᬶᬳᭀᬜᬂ᭞ᬤᬸᬤᬹᬲᬗᬸᬧᬘᬂ
ᬫᬸᬮᬶᬄ᭞ᬬᬤᬶᬦ᭄ᬫᬮᬶᬄᬬᬫᬜ᭄ᬚᬤ᭄ᬫ᭞ᬩᭀᬬᬓᬗ᭄ᬕᭀᬦᬶᬓᬲᬫᬶ᭟᭑᭗᭟ᬥᬃᬫ᭄ᬫᬢᬸᬮᬦᬶᬓᬲᬗᬸ᭞ᬲᬦᬾᬤᭂᬕ᭄ᬤᭂᬕᬢᬦ᭄ᬧᬲᬶᬭᬶᬂ᭞ᬯ᭄ᬓᬲ᭄ᬩᬸᬤᬮ᭄ᬭᬶᬂᬓᬯᬶᬢᬦ᭄᭞ᬦᬶᬓᬤᬾᬯᬵᬲᬦᬾ᭠
[᭑᭐᭗ 107 A]
ᬳᬸᬗ᭄ᬲᬶ᭞ᬓᬃᬬ᭄ᬬᬦᬾᬳᬗ᭄ᬕᬾᬦ᭄ᬲᬫ᭄ᬩᬶᬮᬦ᭄᭞ᬲᬮᬯᬲᬾᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟᭑᭘᭟ᬬᬾ᭠ᬦ᭄ᬫᬩ᭄ᬓᭂᬮ᭄ᬲᬶᬡ᭄ᬥᬸᬂᬭ᭄ᬬᬸᬢ᭄᭞ᬓᬮᬩᬸᬤᬮ᭄ᬫ᭄ᬯᬂᬤᬸᬫᬤᬶ᭞ᬦᬶᬓᬤᬾᬯᬗᬭᬦ᭄ᬓᬃᬫ᭄ᬫᬵ᭞ᬜᬕᬤᬶᬦᬶ
ᬫᬗ᭄ᬮᬦ᭄ᬢᬶᬗᬶᬦ᭄᭞ᬳᬤᬮᬾᬦ᭄ᬫᬜᭀᬭᭀᬕᬂ᭞ᬓᬓᬭᬾᬦ᭄ᬮᬯᬲ᭄ᬤᬸᬫᬤᬶ᭟᭑᭙᭟ᬢ᭄ᬯᬄᬪᬶᬦᬤᬸᬫᬤᬶᬦᬶᬧᬸᬦ᭄᭞ᬳᬯᬲ᭄ᬤᬾᬯᬲᬂᬤᬸᬫᬤᬶ᭞ᬯᬸᬲ᭄ᬫᬘᬶᬳ᭄ᬦᬦᬭᬶᬂᬚᬕᬢ᭄᭞ᬦᬭᬦᬾᬤᬶᬦᬶᬤᬶᬕᬸ᭠
ᬫᬶ᭞ᬦ᭄ᬭᬓᬫᬶᬓᬸᬮ᭄ᬲᬸᬓᬤᬸᬄᬓ᭞ᬦᭂᬫᬸᬚ᭄ᬗᬄᬲᬓᬶᬢ᭄ᬳᬢᬶ᭟᭒᭐᭟ᬫᬶᬓᭀᬮᬶᬳᬂᬓᬃᬫ᭄ᬫᬵᬍᬢᬸᬄ᭞ᬧᬓᬃᬥᬶᬦᬾᬲᬦᬾᬗᬸᬦᬶ᭞ᬦᬡ᭄ᬥᬸᬃᬳᬮᬳᬮᬳᬮᬧ᭄᭞ᬦᬡ᭄ᬥᬸᬃᬳᬬᬸᬳᬬᬸᬪᬹᬓ᭄ᬢᬶ᭞ᬤᬶᬚ
ᬮᬓᬸᬫᬲᬶᬄᬳᬮᬧ᭄᭞ᬳᬲᬶᬂᬢᬶᬡ᭄ᬤᬸᬃᬬᬗᬮᬧᬶᬦ᭄᭟᭒᭑᭟ᬧ᭄ᬭᬪᬸᬓᬺᬱ᭄ᬡᬫᬮᬶᬄᬫᬵᬢᬹᬃᬤᬸᬭᬸᬲᬂᬫᬮᬶᬄᬳᬓᬶᬥᬶᬓ᭄᭞ᬤᬸᬭᬸᬂᬯᬦᭂᬄᬭᬢᬸᬢᬶᬢ᭄ᬬᬂ᭞ᬫᬦᬸᬦᬲ᭄ᬧᬶᬢᬸᬢᬹᬃᬚᬢᬶ᭞ᬫᬫᬶᬢᬦᬾ
Kaca:Bali-lontar-gaguritan-dwala-300ppi.pdf/107
Kaca puniki sampun kauji-wacén
