[᭖᭐60B]
᭖᭐
ᬓ᭄ᬱᬸᬓᬵᬲᬸᬕᬶᬄ᭞ᬳ᭄ᬤᬵᬳᭂᬦ᭄ᬤᬾᬦ᭄ᬧᬘᬂᬜᭀᬧ᭄ᬮᭀᬲᬂᬵ᭞ᬦᬦ᭄ᬤᬶᬗᬂᬵᬳᬯᬓ᭄ᬳᬧᬶᬓᬶ᭠ᬦ᭄᭟ᬳ᭄ᬤᬵᬗᬮᬶᬄᬩ᭄ᬭᬡ᭄ᬦᬵᬮᬶᬬᬸ᭞ᬯ᭄ᬬᬤᬶᬦ᭄ᬧᬘᬂᬫᭀᬢᬄᬲᬳᬶ᭞ᬬᬤᬸᬦ᭄ᬲᬓᬵᬢᬦ᭄ᬫᬢᬶᬫ᭄ᬧ
ᬮ᭄᭞ᬲᬶᬂᬚᬵᬧᬢᬸᬢ᭄ᬧᬘᬂᬳᬬᬳᬶᬦ᭄᭞ᬢᬸᬡ᭄ᬥᬸᬦᬾᬫᬲᬶᬄᬲᬬᬗᬵᬂ᭞ᬧᬂᬤᬵᬮᬶᬬᬸᬫᬗᬸᬓᬶᬭᬶᬦ᭄᭟ᬫᭂᬗ᭄ᬧᭂᬂᬩᬚᬵᬂᬚ᭄ᬜᬸᬮᬓᬸ᭞ᬓᬤᬶᬓᬫ᭄ᬩᬦ᭄ᬱᬸᬢᬺᬧᬸᬢᬶᬄ᭞ᬬᬦ᭄ᬱᬸᬩᬵᬢ᭄ᬯᬭᬵ
ᬲᬬᬗᬂᬵ᭞ᬢ᭄ᬓᭂᬳᬗ᭄ᬕᭀᬦ᭄ᬫᭂᬲᬾᬄᬰᬳᬶ᭞ᬮ᭄ᬘᭂᬓ᭄ᬯᬾᬄᬓ᭄ᬚᭂᬚᬳᬶᬢᬦ᭄᭞ᬫᬸᬜ᭄ᬘᬸᬓ᭄ᬩᭂᬡ᭄ᬦᬂᬵᬢᬸᬦᬵᬳᬚᬶ᭟ᬫᭀᬫᭀᬦ᭄ᬳᬶᬤᭂᬧᬾᬬᬦ᭄ᬢᬸᬭᬸᬢ᭄᭞ᬦᬕᬶᬄᬫᭀᬝᬵᬄᬫᬗᬫᬄᬲᬳᬶ᭞ᬢ᭄ᬯᬭᬵ᭠
ᬲᬸᬳᬸᬤ᭄ᬩᭂᬢᭂᬓ᭄ᬮᬬᬄ᭞ᬬᬦ᭄ᬢᬸᬦᬵᬬᬦ᭄ᬥᬤᬶᬩ᭄ᬭᬗ᭄ᬝᬶ᭞ᬯᬶᬭᬾᬄᬓᬤᬸᬗ᭄ᬘᬘᬸᬂᬓ᭄ᬮᬶᬓᬦ᭄᭞ᬫᭀᬫᭀᬦᬾᬓᬤᬸᬂᬳᬸᬮᬸᬭᬶᬦ᭄᭟ᬩ᭄ᬢᭂᬓ᭄ᬩᬲᬂᬚᬢᬶᬧᬢᬸᬄ᭞ᬦᬳᬵᬃᬦᬰᬶᬫᬩᬾᬕᬸᬮᬶᬂ᭞ᬭᬶᬂ
[᭖᭑61A]
ᬦᬲᬶᬓ᭄ᬱᬾᬮᬵᬫᬩᬾᬕ᭄ᬭᬂᬵ᭞ᬚᬳᭂᬦ᭄ᬜᬦᬾᬩᬶᬦᬵᬕᬶᬕᬶᬲ᭄᭞ᬬᬡ᭄ᬦᬶᬂᬵᬲᬸᬩᬵᬚᬢ᭄ᬣᬶᬮᬬᬄ᭞ᬳᬲᬶᬂᬚᬳᭂᬡ᭄ᬤᬳᬃᬭᬲᬡ᭄ᬦᬶᬵᬦ᭄᭟ᬓ᭄ᬭᬫᬡ᭄ᬦᬶᬂᬵᬦᬸᬫᬤᬶᬳᭂᬮᬸᬄ᭞ᬳ᭄ᬤᭂᬫᬤᬾᬦ᭄ᬳ
ᬦᬓ᭄ᬫ᭄ᬯᬦᬶ᭞ᬭᬾᬄᬫᬸᬮᬵᬧᬢᬸᬢ᭄ᬓᬲᭀᬭᬦ᭄᭞ᬭᬶᬂᬢᬶᬗ᭄ᬓᬄᬲᬂᬕᬸᬭᬸᬮᬓᬶ᭞ᬓᬳᬸᬘᬧ᭄ᬱᬂᬘᬢᬸᬃᬚᬤ᭄ᬫᬵ᭞ᬓᬤᬶᬲᬂᬩ᭄ᬭᬳ᭄ᬫᬵᬡ᭄ᬦᬵᬚᬢ᭄ᬣᬶ᭟ᬧᬢᬸᬄᬢ᭄ᬯᬄᬫ᭄ᬭᬩᬶᬡᬢᬸᬃ᭞ᬲᬂ
ᬰᬢ᭄ᬭ᭄ᬬᬵᬫ᭄ᬭᬩᬶᬢ᭄ᬭᬶ᭞ᬬᬦ᭄ᬯᬾᬲ᭄ᬬᬵᬫ᭄ᬭᬩᬶᬥᬤ᭄ᬯᬵ᭞ᬬᬦ᭄ᬱᬸᬤ᭄ᬭᬵᬢᬸᬗ᭄ᬕᬮ᭄ᬲ᭄ᬝᬡ᭄ᬦᬶᬂᬵ᭞ᬓ᭄ᬭᬡ᭄ᬦᬵᬧᬲ᭄ᬢ᭄ᬬᬂᬦᬡ᭄ᬥᬶᬗᬂᬵ᭞ᬳᬧᬂᬘᬸᬫ᭄ᬧᬸᬫᬜᬶᬗᬓᬶᬦ᭄᭟ᬲ᭄ᬫᬸᬢ᭄ᬭᬸᬡ᭄ᬦᬵᬫᬦᬶᬲ᭄ᬫᬮᬸ᭞ᬬᬦ᭄ᬢᭂᬍᬓ᭄ᬢᭂ
ᬓ᭄ᬫᬦᬶᬲ᭄ᬓᬳᭀᬭᬶ᭞ᬬᬦ᭄ᬢᭀᬤ᭄ᬤᬾᬦ᭄ᬩᬓᬢ᭄ᬗ᭄ᬯᬲᬬᬵᬂ᭞ᬫᬜᬸᬮ᭄ᬲᬸᬮ᭄ᬳᬦ᭄ᬢᭂᬂᬗᬬᬳᬶᬦ᭄᭞ᬦᬧ᭄ᬭᬾᬦ᭄ᬢᬄᬢ᭄ᬯᬭᬵᬫᬦᬸᬮᬓ᭄᭞ᬫᬫᭀᬗᬄᬬᬵᬧᬘᬂᬓᬯᭀᬮᬶᬦ᭄᭟ᬫᬶᬭᬶᬩ᭄ᬧᭀ
Kaca:Bali-lontar-gaguritan-dukuh-suladri-04-350ppi.pdf/61
Kaca puniki sampun kauji-wacén
