Kaca:Bali-lontar-gaguritan-dukuh-suladri-04-350ppi.pdf/60

Saking Wikisource
Kaca puniki sampun kauji-wacén

[᭕᭙59B]
᭕᭙
᭞ᬳᭂᬦ᭄ᬢᭀᬧ᭄ᬭᬶᬳᬂᬫᬦᬸᬫᬤ᭄ᬥᬶ᭟ᬲᬤ᭄ᬭᬶᬧᬸᬦᬾᬫᬶᬸᬲᬶᬸᬫᬯᬓ᭄ᬫᬸᬲᬸᬄ᭞ᬫᬸᬲᬸᬄᬤᬶᬳᬯᬓᬾᬫᭂᬡ᭄ᬝᬶᬓ᭄᭞ᬓ᭄ᬭᬦᬵᬬᬵᬢᬶᬗ᭄ᬓᬄᬤᬶᬳᬯᬓ᭄᭞ᬦᭂᬫ᭄ᬦᭂᬫ᭄ᬲᬢ᭄ᬭᬸᬦᬾᬧ᭄ᬭᬗᬶᬦ᭄᭞ᬳᬩ᭄ᬱᬶᬓ᭄ᬫᭀᬫᭀ
ᬳᬤᬦ᭄ᬜᬵ᭞ᬤᬤ᭄ᬯᬓ᭄ᬭᭀᬤᬵᬚᬢᬶᬭᬶᬳᬶᬦ᭄᭟ᬢ᭄ᬮᬸᬮᭀᬩᬵᬢᬶᬫ᭄ᬧᬮ᭄ᬳᬶᬧᬸᬦ᭄᭞ᬧᬢ᭄ᬧᬢ᭄ᬫᭀᬫᭀᬫᭂᬫᬋᬗᬶᬦ᭄᭞ᬮᬮᬶᬫ᭄ᬫᬵᬫᬢ᭄ᬲᬃᬬ᭄ᬬᬵᬓᭀᬘᬧ᭄᭞ᬦᭂᬫ᭄ᬦᭂᬫ᭄ᬳᬶᬂᬲᬓᬵᬦᬸ
ᬮᬸᬭᬶᬦ᭄᭞ᬧᬶᬤᬃᬝᬵᬓᬫᬦᬾᬓᭀᬘᬧ᭄᭞ᬤ᭄ᬫᭂᬦ᭄ᬦᬶᬫᬦ᭄ᬓ᭄ᬭᬂᬫᭂᬩᬮᬶᬄ᭟ᬤ᭄ᬫᭂᬦ᭄ᬦᭂᬗᭂᬄᬫᬸᬜᬶᬦ᭄ᬩᬚᬂᬢᬸᬳᬸ᭞ᬧᬶᬤᬃᬢ᭄ᬣᬵᬦ᭄ᬓ᭄ᬭᭀᬤᬵᬦᬾᬩ᭄ᬯᬶᬦ᭄᭞ᬚᬕ᭄ᬱ᭄ᬥᬶᬄᬯᬯᬂᬓᬩᬗᬦ᭄᭞ᬓᬳᬸᬘ
ᬧ᭄ᬮᭀᬩᬦᬾᬫᬮᬶᬄ᭞ᬤ᭄ᬫᭂᬦ᭄ᬢᭂᬓᬾᬦ᭄ᬕᭂᬮᬄᬢᬶᬫ᭄ᬧᬮ᭄᭞ᬢ᭄ᬯᬭᬵᬩ᭄ᬯᬦ᭄ᬫᬦᬶᬫ᭄ᬩᬗᬶᬦ᭄᭟ᬳᬶᬫᭀᬫᭀᬩ᭄ᬮᭀᬕ᭄ᬧᭂᬗ᭄ᬓᬸᬂ᭞ᬫᬢ᭄ᬲᬃᬬ᭄ᬬᬵᬤᬝᬵᬫᬸᬲ᭄ᬯᬶᬦ᭄᭞ᬩᬪᬶᬓᬶᬭᬶᬂᬳᬦᬓ᭄ᬮᬭᬵ᭞ᬏᬮᬶᬂ
[᭖᭐60A]
ᬭᬶᬂᬥᬃᬫ᭄ᬫᬵᬦᬾᬮ᭄ᬯᬶᬄ᭞ᬬᬦ᭄ᬳᬶᬗ᭄ᬲᬓᬵᬮᬶᬂᬦᬶᬂᬲᬲ᭄ᬢ᭄ᬭᬵ᭞ᬢᬶᬗ᭄ᬓᬄᬏᬫᬩᬶᬤᬶᬫᬢ᭄ᬣᬶ᭟ᬫᬗ᭄ᬭᬜ᭄ᬘᬩ᭄ᬜᭂᬝᬶᬓ᭄ᬫᬗ᭄ᬭᬘᬸᬦ᭄᭞ᬧᬤᬵᬢ᭄ᬓᬾᬦ᭄ᬦᬶᬮᬸᬄᬦᬾᬲ᭄ᬢᬶ᭞ᬢ᭄ᬯᬭᬵᬗᬶᬢᬸᬂᬩ᭄ᬦᭂᬄᬲᬮᬄ᭞ᬢᬸᬗ᭄ᬕᬮ᭄ᬫᬤᬦ᭄ᬱ
ᬤ᭄ᬢᭂᬢ᭄ᬣᬵᬬᬶ᭞ᬢ᭄ᬯᬭᬵᬧᬢᬸᬢ᭄ᬳ᭄ᬬᬵᬕᬤ᭄ᬯᬂᬵ᭞ᬳᭂᬦ᭄ᬢᭀᬫᬸᬲᬸᬄᬲᬂᬦᬸᬫᬤ᭄ᬥᬶ᭟ᬭᬶᬂᬳᬯᬓ᭄ᬫᬸ᭠ᬜᬶᬦᬾᬧ᭄ᬱᬸ᭞ᬚᬢᬶᬓᬯᬓ᭄ᬳ᭄ᬬᬵᬫᬸᬮᬶᬄ᭞ᬭᬳᬬᬸᬋᬓᭀᬧᭂᬲᬸᬦ᭄ᬜᬵ᭞ᬫᬸᬮᬶᬄᬭᬳᬬᬸᬫᬵ
ᬩᬮᬶᬓ᭄᭞ᬬᬦ᭄ᬚᭂᬮᬾᬩᬓᬢ᭄ᬧᭂᬲ᭄ᬯᬂᬵ᭞ᬚ᭄ᬮᬾᬫᬵᬩᬮᬶᬓ᭄ᬢᭂᬧᬸᬓᬶᬦ᭄᭟ᬓ᭄ᬭᬫᬡ᭄ᬦᬶᬂ᭠ᬦᬸᬫᬤᬶᬳᭂᬮᬸᬄ᭞ᬳ᭄ᬦᬸᬩᬚᬂᬩᬸᬓᬵᬜᬳᬶ᭞ᬯᬮᬸᬬᬵᬫᬯᬓ᭄ᬥᬕᬗᬦ᭄᭞ᬮᬮ᭄ᬯᭂᬲ᭄ᬱᬸᬢᬺᬗᬾ
ᬤᬡ᭄ᬦᬶᬵᬦ᭄᭞ᬢᬦ᭄ᬓᬸᬭᬂᬳᬦᬓ᭄ᬫᬦᬯᬄ᭞ᬓᬗ᭄ᬕᭀᬓᬶᬢᬦᬾᬗᬤᭂᬧᬶᬦ᭄᭟ᬫ᭄ᬮᬳᬂᬧᬂᬲᬦ᭄ᬢᭂᬧ᭄ᬫᬮᬸ᭞ᬯᬲ᭄ᬧᬤᬵᬦᬶᬦ᭄ᬦᬾᬫ᭄ᬮᬶᬡ᭄ᬦᬶᬦ᭄᭞ᬯ᭄ᬬᬤᬶᬦ᭄ᬧᬘᬂᬵᬫᬵᬗᬗ᭄ᬕᭂᬳᬵᬂ᭞ᬬᬤᬶᬦ᭄ᬳᬦ