Kaca:Bali-lontar-gaguritan-dukuh-suladri-04-350ppi.pdf/39

Saking Wikisource
Kaca puniki sampun kauji-wacén

[᭓᭘38B]
᭓᭘
ᬓᬕᭀᬤᬵᬳᬦ᭄ᬢᬸᬓ᭄ᬥᬤᬭᬶ᭞ᬓᬘᬦ᭄ᬤᬾᬦ᭄ᬓᬕ᭄ᬮᬸᬢ᭄ᬥᬶᬫᬦ᭄᭞ᬲᬂᬧᬃᬝᬵᬵᬧᬕᭂᬄᬢᬦ᭄ᬕᬶ᭠ᬗ᭄ᬲᬶᬃ᭞ᬪᬝᬵᬭᬵᬲᬶᬯᬵᬦᬸᬭᬶᬦᬶᬦ᭄᭞ᬫ᭄ᬜᬭᬸᬭᬯᬸᬄᬫᬩᬸᬭᬸ᭞ᬫᬮᬶᬄᬗᭀᬤᬵᬳᬦ᭄ᬢᬸᬓ᭄ᬱ᭄ᬬᬢ᭄
᭞ᬓᬾᬢᭀᬳᬸᬧᬫᬶᬦ᭄ᬜᬵᬩ᭄ᬮᬶ᭞ᬕᭀᬤᬵᬕᬸᬮ᭄ᬕᬸᬮ᭄᭞ᬳ᭄ᬬᬵᬕᬶᬦ᭄ᬧᬘᬂᬵᬲᬬᬗᬵᬂ᭟ᬭᬾᬄᬉᬝᬵᬫᬦᬶᬂᬳᬚ᭄ᬜᬵᬦᬵ᭞ᬫᬲᬶᬫ᭄ᬧᭂᬦ᭄ᬭᬶᬂᬚ᭄ᬭᭀᬦᬶᬂᬳᬢ᭄ᬣᬶ᭞ᬓᭀᬘᬧ᭄ᬗᬸᬲᬦᬂᬓᬢ᭄ᬗᬄ᭞ᬤᬶᬲᬶᬲᬶᬫ
ᬮᬸᬭᬸᬭ᭄ᬯᬶᬦ᭄᭞ᬬᬦ᭄ᬱᬸᬩᬵᬧ᭄ᬭᬕᬢ᭄ᬤᬶᬲᬶᬲᬶ᭞ᬮᬦ᭄ᬢᬲᬂᬓᬢ᭄ᬗᬄᬗ᭄ᬭᬸᬭᬸᬄ᭞ᬭᬶᬂᬧ᭄ᬦᬸᬗ᭄ᬕᬮᬡ᭄ᬦᬶᬂᬅᬚ᭄ᬜᬡᬵ᭞ᬧᬦ᭄ᬮᬲ᭄ᬧᬭᭀᬓ᭄ᬦᬶᬂᬓᬮᬶᬄ᭞ᬤᬶᬢᬸᬯ᭄ᬢᬸ᭞ᬲᬸᬓ᭄ᬱ᭄ᬫᬵᬦᬶᬃᬫᬮᬵᬝᬵᬦ᭄ᬧ᭄ᬭᬕᬵ᭟ᬦᬾᬚᬦᬶ
ᬩ᭄ᬮᬶᬫᬕᭂᬳᬵᬂ᭞ᬬᬲᬳᬶᬦ᭄ᬚᬸᬯᭂᬦᬾᬳᬩ᭄ᬱᬶᬓ᭄᭞ᬬᬤᬶᬦ᭄ᬢᭀᬦ᭄ᬤᬾᬦ᭄ᬲᬶᬤᬵᬢᬯᬂᬵ᭞ᬲᬳᬶᬲᬳᬶᬬᬵᬳᬸᬭᬸᬓᬶᬦ᭄᭞ᬚᬮᬦ᭄ᬲᬋᬂᬬᬵᬓᬾᬃᬢ᭄ᬢᬶᬦᬶᬦ᭄᭞ᬧᬜᬸᬧᬵᬢᬦ᭄ᬮᬭᬵᬳᬶᬗᬸᬄ᭞ᬢᬸ
[᭓᭙39A]
ᬦ᭄ᬢᬸᬦᬂᬚᬦᬶᬭᬲᬬᬵᬂ᭞ᬩ᭄ᬱᬶᬓ᭄ᬩᭂᬲᬶᬓ᭄ᬳ᭄ᬬᬵᬓ᭄ᬝᬾᬓᬶᬦ᭄᭞ᬳᬧᬂᬢᬸᬮᬸᬲ᭄ᬱᬤ᭄ᬭᬲᬦᬾᬤᬵᬥ᭄ᬥᬶᬚᬢ᭄ᬫᬵ᭟ᬓᬾᬦᬾᬩᬦ᭄ᬩᭂᬮᬸᬫ᭄ᬩ᭄ᬯᬢ᭄ᬣᬂ᭞ᬳᬶᬕᬸᬭᬸᬚᬦᬶᬳᬬᬳᬶᬦ᭄᭞ᬫᬩ᭄ᬤᬩᬂᬧᬯᬾᬤᬬ᭠
ᬦ᭄᭞ᬲᬮ᭄ᬯᬶᬃᬳᬸᬧᬵᬓᬭᬵᬲᬫ᭄ᬫᬶ᭞ᬢᬶᬢ᭄ᬬᬂᬭᬶᬂᬧᬯᭀᬦ᭄ᬦᬤᭀᬗᬶᬦ᭄᭞ᬦᬗ᭄ᬳᬶᬂᬩ᭄ᬮᬶᬫᬗ᭄ᬤᭀᬢᬸᬮᬸᬂ᭞ᬫ᭄ᬗᬵᬮ᭄ᬬᬂᬢᬶᬢ᭄ᬬᬂᬲᬳᬵᬂ᭞ᬢᬸᬬᬸᬳᬦ᭄ᬫᬮᬸᬳᬕᬶᬕᬶᬲ᭄᭞ᬳ᭄ᬤᬵᬫᬗᬶᬢᬸᬂ᭞ᬯ᭄ᬓᬲ᭄ᬢᬶᬢ᭄ᬬᬂ
ᬳᬗ᭄ᬕᬾᬦ᭄ᬳᬸᬧᬄ᭟ᬩᬯᬸᬧᬸᬧᬸᬢ᭄ᬲᬧᬸᬦᬶᬓᬵ᭞ᬲ᭄ᬬᬧᬾᬦᬩᭂᬄᬫᬫᬸᬜᬶ᭞ᬲᬕᬾᬢ᭄ᬲᬶᬦᬄᬕᬮᬂᬢᬦᬄ᭞ᬦᬶᬲᬸᬫ᭄ᬫᬵᬲᬭᬶᬓᬲᬶᬲᬶ᭞ᬳᬶᬫᬸᬤᬶᬢ᭄ᬣᬵᬓᭂᬓᬯᬸᬓᬶᬦ᭄᭞ᬫᬳᬶᬓᬾ
ᬤᭀᬂᬩ᭄ᬮᬶᬧ᭄ᬱᬸ᭞ᬳᬶᬤᬸᬫᬦ᭄ᬩᭂᬮᬶᬦᬾᬚ᭄ᬫᬓ᭄᭞ᬧᬯᬾᬤᬵᬦᬾᬬᬵᬳ᭄ᬬᬲᬶᬦ᭄᭞ᬫᬗ᭄ᬤᬵᬧᬸᬧᬸᬢ᭄᭞ᬳᬸᬧᭂᬓᬭᬦ᭄ᬜᬵᬦᬾᬋᬋᬳᬵᬂ᭟ᬮᬯᬸᬢᬂᬳᬮ᭄ᬬᬂᬬᬾᬄᬳᬜᬃ᭞ᬳᬫ᭄ᬩᭂ