Kaca:Bali-lontar-gaguritan-dukuh-suladri-04-350ppi.pdf/31

Saking Wikisource
Kaca puniki sampun kauji-wacén

[᭓᭐30B]
ᬓ᭄ᬢᬾᬮᬦ᭄᭞ᬢᬶᬢ᭄ᬬᬂᬦᬸᬫ᭄ᬩᬲ᭄᭞ᬳᬦ᭄ᬢᬸᬓ᭄ᬫᬦᬄᬘᬸᬘᬸᬦ᭄ᬲᬸᬩᬓ᭄ᬢᬶ᭞ᬲᬳᬸᬫᬸᬃᬜᬤ᭄ᬬᬫᭂᬫᬜ᭄ᬚᬓ᭄᭟ᬦᬶᬲᬸᬫ᭄ᬫᬵᬲᬭᬶᬳᬼᬓ᭄ᬚᭂᬗᬄᬫᭂᬫᬃᬕ᭄ᬕᬶ᭞ᬫᬦᬶᬗᭂᬳᬵᬂ᭞ᬫᬗᬸᬦ᭄ᬢᬸᬓ᭄ᬗ᭄ᬭᬲᭂᬧᬵᬂ᭞ᬫᬦᬄᬜᬵ
ᬓᬤᬶᬲᬶᬢ᭄ᬲᬶᬢᬾ᭞ᬗᬦ᭄ᬢᭂᬦᬂᬢ᭄ᬭᬸᬦᬦᬾᬩᬕᬸᬲ᭄᭞ᬳᬍᬧ᭄ᬧᬗᬶᬤ᭄ᬗᬜᬸᬤᬂᬳᬢ᭄ᬣᬶ᭞ᬲᬢ᭄ᬓᬦᬾᬫᬭᬶᬂᬚᬸᬫᬄ᭞ᬤ᭄ᬓᬲ᭄ᬤᭂᬓᭂᬲ᭄ᬫᬗᬸᬦ᭄ᬢᬸᬓ᭄᭞ᬩ᭄ᬗᭀᬂᬩ᭄ᬗᭀᬂᬫᬧᬗ᭄ᬲᭂᬕᬦ᭄᭞ᬜᭂᬮ᭄ᬱᭂᬮ᭄ᬳᬵ
ᬯᬓ᭄᭞ᬤ᭄ᬳᭂᬳᬧᬵᬓᬾᬦᬾᬚᬮᬶᬃ᭞ᬜᬓᬶᬢ᭄ᬣᬵᬂᬢ᭄ᬯᬭᬵᬧᬕ᭄ᬮᬳᬦ᭄᭟ᬳ᭄ᬦᬾᬇᬩᬵᬫᬓ᭄ᬦᭂᬄᬩᬸᬓᬚᬦᬶ᭞ᬩᬲ᭄ᬓᬮᬶᬯᬢ᭄᭞ᬧᬗ᭄ᬭᬲᬦᬾᬩᬸᬬᬃ᭞ᬇᬩᬵᬢ᭄ᬯᬄᬜᬓᬶᬢ᭄ᬳᬢᬶᬦᬾ᭞ᬇᬫᬶᬸ
ᬩᬵᬫᬶᬲᬲ᭄ᬬᬫᬫᬸᬲᬸᬄ᭞ᬓᬳᬶᬜᬤ᭄ᬬᬧᬘᬂᬦᬸᬗ᭄ᬓᬲᬶᬦ᭄᭞ᬲᬗ᭄ᬓᬦ᭄ᬜᬵᬫᬫ᭄ᬩ᭄ᬬᬵᬧᬭᬵ᭞ᬢ᭄ᬯᬭᬵᬓᬳᬶᬧᬘᬂᬓᬾᬗ᭄ᬕᬸᬄ᭞ᬩᬸᬓᬵᬓ᭄ᬦᭂᬄᬏᬦᬾᬲᬸᬩᬵ᭞ᬲᬸᬩᬵᬗ᭄ᬭᬱᬵ᭞ᬢ᭄ᬓᬾᬦ᭄ᬧᬗ᭄ᬭᬲ
[᭓᭑31A]
ᬦᬾᬧ᭄ᬮᬶᬄ᭞ᬢ᭄ᬯᬶᬢᭀᬂᬫᬳᬦ᭄ᬚᬮᬭᬦ᭄᭟ᬦᬄᬳᬓᬾᬢᭀᬧᬗ᭄ᬭᬲᬜᭂᬤᬶᬳᬢ᭄ᬣᬶ᭞ᬜᭂᬮ᭄ᬲᭂᬮ᭄ᬳᬯᬓ᭄᭞ᬳᬶᬤᬸᬓᬸᬄᬓᭀᬘᬧᬦ᭄᭞ᬲᬫ᭄ᬧᬸᬦ᭄ᬯᬸᬲ᭄ᬫᬧᬸᬚᬵᬋᬓᬾ᭞ᬤᬤ᭄ᬥᬶᬳᬶᬤᬸᬓᬸᬄᬢᭂᬗ᭄ᬓᭂᬚᬸ
ᬢ᭄᭞ᬜᬶᬗᬓ᭄ᬧ᭄ᬬᬦᬓ᭄ᬜᬦᬾᬲ᭄ᬥᬶᬄ᭞ᬭᬭᬶᬲ᭄ᬤᬦᬾᬫᬗᬦ᭄ᬤᬶᬬᬶᬓᬵ᭞ᬢᭀᬗᬸᬤᬵᬘ᭄ᬦᬶᬂᬫ᭠ᬗᬸᬦ᭄ᬢᬸᬓ᭄᭞ᬳᬧᬵᬳᬤᬵᬦᬾᬢᬶᬓ᭄ᬱ᭄ᬗᬸᬬᬂᬵ᭟ᬦᬄᬳᭀᬭᬳᬂᬵ᭞ᬳᬧᬂᬩᬧᬵᬢᬢᬲ᭄ᬳᬸᬦᬶᬂ᭞ᬦᬾ᭠
ᬲ᭄ᬩᭂᬢᬂᬘ᭄ᬦᬶᬂᬤᬶᬫᬦᬄ᭟ᬦᬶᬲᬸᬫ᭄ᬫᬵᬲᬭᬶᬫᬳᬢᬸᬃᬲᬳᬵᬩᬓ᭄ᬢᬶ᭞ᬳᬶᬗ᭄ᬕᬶᬄᬩᬨ᭞ᬢᬶᬢ᭄ᬬᬂᬫᬗᬸᬦᬶᬗᬵᬂ᭞ᬦᬾᬯᬯᬸᬢᬶᬢ᭄ᬬᬂᬫ᭄ᬮᬮᬶ᭞ᬭᬭᬶᬲ᭄ᬳᬤᬵᬢ᭄ᬭᬸᬡ᭄ᬦᬵᬭᬯᬸᬄ᭞ᬢ᭄ᬭᬸᬦᬵᬫᬗᭂᬩᬸᬲᬶᬦ᭄ᬳᬢ᭄ᬣᬶ
᭞ᬜᬤ᭄ᬬᬵᬫᭂᬢᬓᬾᬦ᭄ᬭᬶᬂᬢᬢ᭄ᬬᬂ᭞ᬱ᭄ᬩᭂᬂᬳᬍᬧ᭄ᬧᬗᬸᬲ᭄᭞ᬦᬓᬾᬦᬂᬧᬮᬶᬗ᭄ᬕᬶᬄᬪᬵᬧᬵ᭞ᬬᬦ᭄ᬭᬸᬧᬦ᭄ᬜᬵ᭞ᬯᬮᬸᬬᬵᬭᬶᬂᬩᬧᬵᬲ᭄ᬢᬶ᭞ᬦᬗ᭄ᬳᬶᬂᬭᬱᬵᬓᬤᬸᬄᬓᬶᬢ᭄ᬣᬦ᭄᭟ᬫᬭᬵᬓᬾᬢᭀ