[᭒᭘28B]
᭒᭘
᭟ᬭᬱᬵᬕ᭄ᬧᬸᬮ᭄ᬫᬄᬧ᭄ᬝᭂᬂᬫᬃᬕ᭄ᬕᬶ᭞ᬢ᭄ᬗᬄᬳᬮᬲ᭄᭞ᬩ᭄ᬤᬓ᭄ᬢᬸᬃᬭᬶᬂᬮᬬᬄ᭞ᬢ᭄ᬯᬭᬵᬳᬤᬵᬤᬾᬱᬵᬧᬗ᭄ᬕᬶᬄᬏ᭞ᬓᬾᬯᬮᬵᬳᬲᬶᬸᬮᬲ᭄ᬧᬗ᭄ᬓᬸᬂᬵ᭞ᬲᬶᬮᬓ᭄ᬱᬶᬮᬸᬓ᭄ᬮᬶᬦ᭄ᬢᬂᬰᬺᬩᬶ᭞ᬭᬰᬕ᭄ᬧᬸᬦᬾᬓ
ᬮᬶᬯᬢ᭄᭞ᬲᬢᬶᬦ᭄ᬤᬓ᭄ᬫᬦ᭄ᬥᭂᬕ᭄ᬫᬮᬸᬗ᭄ᬕᬸᬄ᭞ᬧᬶᬢᬸᬂᬤᬶᬦᬵᬬᬵᬤᬶᬚᬮᬦ᭄᭞ᬫᬳᬶᬦᭂᬧᬦ᭄᭞ᬫ᭄ᬧ᭄ᬯᬱᬵᬢᭀᬂᬳᭂᬦ᭄ᬢᬸᬕ᭄ᬦᬰᬶ᭞ᬢᬦ᭄ᬓᭀᬘᬧᬦ᭄ᬳ᭄ᬬᬵᬚᬮᬦ᭄᭟ᬓᬘᬭᬶᬢ᭄ᬣᬵᬦᬶᬓᬸᬲᬸᬫ᭄ᬫᬵ᭠
ᬲᬭᬶ᭞ᬧᬲ᭄ᬫᭂᬗᬦ᭄᭞ᬫᬦᬸᬚᬸᬧᬹᬃᬡ᭄ᬦᬵᬫ᭄ᬫᬵ᭞ᬫᬭᬵᬲᬸᬳᬸᬤ᭄ᬫᬩᬺᬰᬶᬳᬾᬫᬲᬸᬫ᭄ᬧᬂᬵᬬᬵᬢᬸᬜ᭄ᬚᬸᬂᬢᬸᬢᬸᬃᬃ᭞ᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕᬤ᭄ᬥᬶᬂ᭞ᬓᬤᬶᬭᬢᬶᬄᬜᬮᬦ᭄ᬢᬭᬵ᭞ᬳᬲᬶᬂᬲᭀᬮᬳ
ᬗᭂᬧᬗᬸᬲ᭄᭞ᬧ᭄ᬱᬸᬦᬤ᭄ᬢᬤ᭄ᬧᬗᬶᬮᬶᬢᬦ᭄᭞ᬗᬮᬶᬄᬪᬹᬗ᭄ᬳᬵ᭞ᬫ᭄ᬦᬾᬓ᭄ᬧᬸᬜᬦ᭄ᬦᬖ᭄ᬕᬵᬲᬭᬶ᭞ᬜᬫ᭄ᬩᬶᬮᬂᬫᬕᭂᬕᭂᬡ᭄ᬥᬶᬗᬦ᭄᭟ᬬᬾᬦ᭄ᬳᬸᬧᬵᬫ᭄ᬫᬵᬧᬦ᭄ᬢᭂᬲ᭄ᬯᬶᬤᬭᬶ᭞ᬲᬓᬾᬂᬓᬾᬦ᭄ᬥ᭄ᬭ
[᭒᭙29A]
ᬵᬦ᭄᭞ᬢᬸᬭᬸᬦ᭄ᬫᬘᬓ᭄ᬭᬫ᭄ᬫᬵ᭞ᬭᬶᬂᬳᬮᬲ᭄ᬗᬮᬧ᭄ᬱᬭᬶᬦᬾ᭞ᬧᬦ᭄ᬤᭂᬗᬦ᭄ᬱᬰᬶᬄᬓ᭄ᬘᬢᬹᬃ᭞ᬲᬃᬯ᭄ᬯᬵᬲ᭄ᬓᬭᬾᬗᬾᬤᬳᬡ᭄ᬦᬶᬦ᭄᭞ᬳᬲᬶᬦ᭄ᬫᬗᬸᬗ᭄ᬱᬸᬢᬂᬲ᭄ᬮᬾᬡ᭄ᬥᬵᬂ᭞ᬢᬶᬗ᭄ᬕᬃᬲᬸᬲᬸᬦᬾᬮᬸᬫ᭄ᬮᬸᬫ᭄᭞ᬜᬗ᭄ᬓᬶᬄ
ᬜᬮᬂᬓᬤᬶᬜᬸᬄᬤᬦ᭄ᬢᬵ᭞ᬫᬘᬶᬂᬘᬶᬗᬦ᭄᭞ᬫ᭄ᬭᭀᬲ᭄ᬧᬸᬧᬸᬦᬾᬢᬸᬃᬕᬤ᭄ᬥᬶᬂ᭞ᬯᬮᬸᬬᬵᬧᬸᬤᬓ᭄ᬘᬶᬦᬖ᭄ᬕᬵ᭟ᬲᬬᬦ᭄ᬢᬫ᭄ᬧᭂᬓ᭄ᬳᬶᬫᬸᬤᬶᬢ᭄ᬣᬵᬦᬾᬫᬗ᭄ᬓᬶᬦ᭄᭞ᬓ᭄ᬘᬸᬤ᭄ᬕᭂᬧᬵᬂ᭞ᬮᬬᬸᬳᭀᬯᭀᬦ᭄ᬧᬶ
ᬲᬦ᭄᭞ᬤᬫᬸᬳᭂᬦ᭄ᬮᬶᬦ᭄ᬢᬂᬕ᭄ᬱᬶᬢᬾ᭞ᬧᬚᬮᬦᬾᬭᬶᬗ᭄ᬕᬵᬂᬭᬶᬗ᭄ᬕᬸᬂᬵ᭞ᬭᬰᬢᭀᬂᬩᬶᬲᬵᬫᭂᬫᬃᬕ᭄ᬕᬶ᭞ᬤᬤ᭄ᬥᬶᬳᬤᬵᬢᬸᬤᬸᬄᬦᬶᬂᬳ᭄ᬬᬂ᭞ᬚᬕ᭄ᬩ᭄ᬬᬄᬦᬶᬗᭂᬄᬓᬶᬤᬸᬂ᭞ᬗᬯᬂᬗᬯᬂᬫᬗᬸᬫ᭄ᬫᬭᬵ᭞ᬇ
ᬫᬸᬤᬶᬢ᭄ᬣᬵ᭞ᬩᬶᬗᬃᬓᭂᬡ᭄ᬥᭂᬮ᭄ᬧᬻᬫᬗ᭄ᬓᬶᬦ᭄᭞ᬩᬲᬂᬮᬬᬄᬤᬤᬶᬳᬶᬮᬂᬵ᭟ᬲᬬᬦ᭄ᬦᬫ᭄ᬧᭂᬓ᭄ᬦᬶᬗᭂᬄᬓᭂᬫ᭄ᬩᬂᬵᬩ᭄ᬘᬶᬓ᭄᭞ᬗᬜᬸᬤᬂᬫᬦᬄ᭞ᬓᬧᭂᬤᬲᬂᬧᬶᬲᬦ᭄᭞ᬓᬦ᭄ᬢᭂᬦ᭄ᬫᬓ᭄ᬮᬧ᭄ᬯᭀᬂᬳᬶᬲ᭄ᬢ᭄ᬭᬶᬦᬾ᭞ᬗᬮ
Kaca:Bali-lontar-gaguritan-dukuh-suladri-04-350ppi.pdf/29
Kaca puniki sampun kauji-wacén
