Kaca:Bali-lontar-gaguritan-dukuh-suladri-04-350ppi.pdf/20

[᭑᭙19B]
᭑᭙
ᬬᬵ᭞ᬳᬧᬂᬢ᭄ᬯᬭᬵᬓ᭄ᬝᬦ᭄ᬥ᭄ᬭᬸᬳᬶᬦ᭄᭟ᬯᬶᬭᬾᬄᬚᬦᬶᬘᬳᬶᬲᬸᬩᬵᬦ᭄ᬥᭂᬂᬢ᭄ᬭᬸᬡ᭄ᬦᬵ᭞ᬧᬢᬸᬢ᭄ᬘ᭠ᬳᬶᬓ᭄ᬫᬦ᭄ᬮᭀᬓᬶᬦ᭄᭞ᬳᬧᬂᬦᬯᬂᬋᬭᬫ᭄ᬫᬵ᭞ᬩ᭄ᬯᬶᬦ᭄ᬳᬧᬂᬦᬯᬂᬫᬶᬲᬦ᭄᭞ᬓᭀᬘᬧ᭄ᬚᬦᬶᬲᬸᬩᬓ᭄ᬮᬶᬄ
᭞ᬳᬶᬤᭂᬧ᭄ᬩᬧᬵᬗᭀᬘᬾᬓᬂ᭞ᬩᬧᬵᬲᬭᬢ᭄ᬫᬗ᭄ᬢᭀᬳᬶᬦ᭄᭟ᬤᬤᬶᬩ᭄ᬗᭀᬂᬫᬾᬫᬾᬦ᭄ᬜᬵᬦᬾᬫᬤᬶᬗ᭄ᬳᬂᬵ᭞ᬓᬗᭂᬦ᭄ᬳᬶᬤᭂᬧᬾᬫᬗ᭄ᬮᬶᬂ᭞ᬳᬶᬗᭂᬢ᭄ᬣᭂᬓᬾᬦ᭄ᬧ᭄ᬬᬦᬓ᭄᭞ᬲ᭄ᬥᬸᬓᬾᬗᬮᬳᬶ᭠
ᬦ᭄ᬮᬸᬯᬲ᭄᭞ᬩᬸᬫᬭᬵᬤ᭄ᬯᬂᬳᭀᬢᭀᬦ᭄ᬚᬢ᭄ᬣᬶ᭞ᬚᬦᬶᬫᭀᬃᬢ᭄ᬣᬵᬤ᭄ᬳᬵ᭞ᬢ᭄ᬯᬭᬵᬢᬳᬾᬦ᭄ᬓᬢ᭄ᬧᬸᬓᬶᬦ᭄᭟ᬭᬭᬶᬲ᭄ᬫᬫᬸᬜᬶᬫᬸᬤᬶᬢ᭄ᬣᬵᬦᬄᬚᬮᬦ᭄ᬮᬸᬯᬲ᭄᭞ᬫᬾᬫᬾᬩᬋᬂᬫᬦ᭄ᬮᭀᬓᬶᬦ᭄
᭞ᬫᬶᬲᬦ᭄ᬘᬳᬶᬦᬾᬧ᭄ᬱᬚᬵ᭞ᬫᬾᬫᬵᬳᬾᬫᬩᬸᬤᬶᬦᬕᬶᬳᬂᬵ᭞ᬧᬘᬂᬧᬢ᭄ᬣᭂᬫ᭄ᬯᬂᬭᬶᬂᬘᬳᬶ᭞ᬫᬾᬫᬾᬫᬼᬤ᭄ᬧᬶᬲᬦ᭄᭞ᬫ᭄ᬕᬯᬾᬦᬂᬲᬓᬶᬂᬮᬫ᭄ᬫᬶ᭟ᬳᬧᬂᬧ᭄ᬭᬕᬢ᭄ᬳᬸᬢᬂᬫᬾᬫᬾᬦᬾᬭᬶᬂᬧ᭄ᬬᬦ
[᭒᭐20A]
ᬓ᭄᭞ᬫᬦ᭄ᬮᬳᬶᬦ᭄ᬲᬶᬳᬶᬗᬶᬕᬶ᭞ᬩ᭄ᬯᬶᬦ᭄ᬢᭀᬂᬳᬤᬵᬮᬾᬦᬦ᭄᭞ᬦᬾᬧᬘᬂᬜᬦ᭄ᬥᬂᬩ᭄ᬯᬢ᭄ᬣᬳᬂᬵ᭞᭠ᬦᬾᬫ᭄ᬯᬦᬶᬦᬶᬫ᭄ᬩᬮ᭄ᬫᬫᬸᬜᬶ᭞ᬳᭂᬦ᭄ᬢᭀᬧᬢᬸᬢ᭄ᬧᬶᬲᬦ᭄᭞ᬚᬮᬦ᭄ᬱᬸᬩᬵᬘᭂᬡ᭄ᬥᭂᬢ᭄ᬝᬕᬶᬄ᭟ᬳᬶᬫᬸᬤᬶ᭠
ᬢ᭄ᬝᬵᬚᬦᬶᬳᬗ᭄ᬕᭀᬦ᭄ᬓᬸᬭᬸᬗᬦ᭄᭞ᬳᬤᬸᬬᬵᬳᬧᬂᬕᬢᬶ᭞ᬢᬡ᭄ᬥᬶᬗᬂᬭᬶᬂᬫᬶᬲᬦ᭄ᬜᬵ᭞ᬫᬚᬶᬩᬳᬦ᭄ᬧᬮ᭄ᬬᬢ᭄᭞ᬫᬩᬸᬮᬂᬩᬦ᭄ᬱ᭄ᬫᬶᬝᬵᬫᬦᬶᬲ᭄᭞ᬜᬳᬶᬤᬶᬢᬸᬗᭂᬫ᭄ᬩᬃᬵ᭞ᬩ᭄ᬮᬶᬜᬤᬸᬆᬫᬜ
ᬬᬡ᭄ᬦᬶᬦ᭄᭟ᬧᬸᬄᬕᬶ᭟ᬳᬶᬫᬸᬤᬶᬢᬵᬫᬦᬶᬗ᭄ᬳᬵᬂ᭞ᬫᬦᬄᬜᬵᬲᬸᬓᬵᬢᬦ᭄ᬲᬶᬧᬶ᭠ᬩᬦᬾᬬᬵᬫᬗ᭄ᬮᬄᬫᬶᬲᬦ᭄᭞ᬓ᭄ᬜᭂᬫ᭄ᬬᬵᬫᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬓᬤᬶᬧᬦ᭄ᬦᬶᬓᬦ᭄ᬩᬨ᭞
ᬢᬶᬢ᭄ᬬᬂᬗᬶᬭᬶᬂ᭞ᬧᬘᬂᬫᬦᬵᬮᭀᬓᬶᬦ᭄ᬳᬶᬯ᭄ᬯᬵ᭟ᬫᬾᬫᬾᬩᬧᬵᬳᬶᬭᬶᬂᬢᬶᬢ᭄ᬬᬂ᭞ᬫ᭄ᬭᬶᬓᬵᬓᬕᬸᬦᬸᬂᬓᬯᬶ᭞ᬫᬗ᭄ᬤᬵᬲᬫᬶᬫᬶᬤᬃᬢ᭄ᬣᬵ᭞ᬩᬧᬵᬦ᭄ᬜᬵᬫᬲᬯᬸᬃᬳᬮᬸᬲ᭄᭞ᬩ᭄ᬯᬢ᭄ᬘᭂᬦᬶᬂᬧ