[᭑᭖16B]
᭑᭖
ᬯᬄ᭞ᬲᬸᬓᬵᬬᬵᬫᬗ᭄ᬮᬄᬤᬕ᭄ᬕᬶᬂ᭟ᬬᬦᬶᬂᬫᬻᬢ᭄ᬣᬵᬧᬶᬘᬦ᭄ᬧ᭄ᬭᬵᬢᬶᬯᬶᬦᬾᬦᬶᬲ᭄ᬝᬵ᭞ᬬᬡ᭄ᬦᬶᬂᬧᬶᬘᬦ᭄ᬱᬗ᭄ᬳ᭄ᬬᬂᬳᬚᬶ᭞ᬳᭂᬦ᭄ᬢᭀᬮ᭄ᬯᬶᬄᬉᬢᬫ᭄ᬫᬵ᭞ᬦᬗ᭄ᬳᬶᬂᬓᬾᬫᬰᬶᬄᬢᬢᬲᬂᬵ᭞ᬦᬸᬦ
ᬲ᭄ᬱ᭄ᬯᬾᬘᬦ᭄ᬱᬂᬗ᭄ᬳ᭄ᬬᬂᬲᬸᬓᬶᬮ᭄᭞ᬫᬺᬢ᭄ᬣᬵᬫᬯᭀᬃᬯᬶᬲ᭄ᬬᬵ᭞ᬳᬧᬂᬩᬶᬲᬵᬫᭂᬗᬮᬶᬳᬶᬦ᭄᭟ᬢ᭄ᬯᬄᬳᬓᬾᬢᭀᬧ᭄ᬭᬕᬢ᭄ᬡᬳᬶᬦᬾᬓᬸᬓᬸᬳᬵᬂ᭞ᬳᬧᬂᬭᬳᬬᬸᬦᬾᬕᬶᬲᬶ᭞ᬇᬲᬶᬮᬤ᭄ᬭᬶᬫ
ᬜᬸᬫ᭄ᬩᬄ᭞ᬇᬤᭂᬧ᭄ᬜᬦᬾᬲᬸᬓᬵᬩᬗᬃᬵ᭞ᬓᬲ᭄ᬯᬾᬘᬡ᭄ᬦᬵᬦ᭄ᬢᬸᬢᬸᬃᬮ᭄ᬯᬶᬄ᭞ᬧ᭄ᬢᭂᬗᬦ᭄ᬤᬶᬚ᭠ᬮᬦ᭄᭞ᬳᭂᬦ᭄ᬤᬕ᭄ᬩᬸᬮᬦᬾᬜᬸᬡ᭄ᬥᬃᬭᬶᬦ᭄᭟ᬓᬘᬭᬶᬢᬵᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬢᬕᬂᬵᬤᬶᬦᬵ᭞ᬫ᭄ᬧᬸᬤᬶ᭠
ᬩ᭄ᬬᬵᬭᬚᬵᬫᭂᬫᬃᬕ᭄ᬕᬶ᭞ᬳᬶᬲᬶᬮᬤ᭄ᬭᬶᬓᬳᬶᬗ᭄ᬕᬮ᭄᭞ᬓᬭᬶᬫᬗᬚᬓ᭄ᬧ᭄ᬬᬦᬓ᭄᭞ᬳᭂᬫ᭄ᬧᬸᬤᬶᬩ᭄ᬬᬚᬵᬢᭀᬂᬫᬦᭀᬮᬶᬄ᭞ᬩᬾᬪᬲ᭄ᬫᬫᬃᬕ᭄ᬖᬵ᭞ᬓᬲᬸᬕ᭄ᬬᬦᬾᬢᭀᬂᬓᬢᭀᬮᬶᬄ
[᭑᭗17A]
᭟ᬩ᭄ᬦᭂᬂᬓ᭄ᬮᭀᬤ᭄ᬧᭂᬫᬃᬕᬶᬦᬾᬲᬧᬸᬦᬸᬢᬦ᭄᭞ᬕᬸᬦᬸᬂᬢ᭄ᬢ᭄ᬭᬶᬲᬺᬗ᭄ᬕᬵᬓᬳᬸᬗ᭄ᬲᬶ᭞ᬭᬭᬶᬲ᭄ᬫᬗᬗᬶᬦᬵᬂ᭞ᬫ᭄ᬦᬾᬓ᭄ᬭᬶᬂᬕᬶᬭᬶᬫ᭄ᬮᬬᬵ᭞ᬩ᭄ᬗᬗᬾᬮᬶᬗ᭄ᬕᬄᬢᬦ᭄ᬲᬶᬧᬶ᭞ᬢᭀᬂᬳᬤᬵᬓᬬᬸᬦ᭄ᬜᬵ᭞ᬲᬹᬃ
ᬬ᭄ᬬᬵᬳᭂᬗ᭄ᬱᭂᬩ᭄ᬲ᭄ᬤᭂᬂᬲ᭄ᬧᬶ᭟ᬤᬤᬶᬯᬧᬸᬄᬧ᭄ᬢᭂᬗᬾᬢ᭄ᬓᬾᬦᬶᬂᬍᬫᬄ᭞ᬫᬳᬶᬤᭂᬳᬦ᭄ᬕ᭠ᬮᬂᬲ᭄ᬧᬶ᭞ᬳᭂᬫ᭄ᬧᬸᬤᬶᬩ᭄ᬬᬚᬵᬓᭀᬘᬧ᭄᭞ᬲᬫ᭄ᬧᬸᬦ᭄ᬫᭀᬓ᭄ᬢᬄᬧᬺᬦᬢ᭄ᬣᬵ᭞ᬳᬏᬃᬭᬶᬂᬗ᭄ᬳ᭄ᬬᬂᬘᬶᬦ᭄ᬢ᭄ᬬ
ᬵᬩᬸᬫᬶ᭞ᬲᬸᬓᬵᬫᬸᬮᬶᬰ᭄ᬯᬃᬖ᭄ᬕᬵ᭞ᬳᬶᬦᬬᬧᬶᬂᬲᬃᬯ᭄ᬯᬧ᭄ᬱᬭᬶ᭟ᬢᬦ᭄ᬓᭀᬘᬧᬦ᭄ᬲᬂᬲᬾᬤᬵᬫᭀᬮᬶᬳᬶᬂᬰ᭄ᬯᬃᬖ᭄ᬕᬵ᭞ᬓᭀᬘᬧ᭄ᬳᬶᬤᬸᬓᬸᬄᬲᬶᬮᬤ᭄ᬭᬶ᭞ᬫᬸᬗ᭄ᬕᬸᬄᬭᬶᬂᬧᬲ᭄ᬭᬫᬦ᭄᭞ᬢᬦ᭄ᬫᬭᬶ
ᬫᬗᬚᬓ᭄ᬧ᭄ᬬᬦᬓ᭄᭞ᬬᬦ᭄ᬓᬮᬦᬶᬂᬩ᭄ᬤᬓ᭄ᬫᬗ᭄ᬮᬶᬂ᭞ᬓᬚᬓ᭄ᬭᬶᬂᬳᬮᬲ᭄᭞ᬩᬸᬭᭀᬦᬾ᭠ᬢ᭄ᬓᬵᬫᬜᭀᬜ᭄ᬯᬶᬦ᭄᭟ᬲᬫ᭄ᬧᬸᬦ᭄ᬮᬫ᭄ᬫᬶᬲᬯᬢᬭᬵᬭᭀᬭᬲ᭄ᬢᬶᬩᬦ᭄᭞ᬧ᭄ᬬᬦᬓ᭄ᬜᬦᬾᬲᬸᬩᬵᬓ᭄ᬮᬶᬄ᭞
Kaca:Bali-lontar-gaguritan-dukuh-suladri-04-350ppi.pdf/17
Kaca puniki sampun kauji-wacén
