Kaca:Bali-lontar-gaguritan-dukuh-suladri-02-250ppi.pdf/75

Saking Wikisource
Kaca puniki sampun kauji-wacén

[᭗᭔ 74B]
᭗᭔
ᬯᬶᬢ᭄ᬭ᭞ᬳᬗ᭄ᬕᬾᬦ᭄ᬗᭂᬦ᭄ᬢᬲ᭄ᬳᬦᬓ᭄ᬫᬵᬢᬶ᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬬᬦᬶᬦᬩᬂᬫᬾᬄᬢᬦ᭄ᬪᬶᬦᬫᬦᬯᬶ᭞ᬭᬶᬂᬓᭀᬢ᭄ᬢᬫᬦ᭄ᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬧᭂᬘᬓ᭄ᬧᬓᬵᬃᬤ᭄ᬥᬶᬦ᭄ᬳᬶᬤ᭞ᬳ᭄ᬬᬂᬳᬭᬶᬢᬶᬧᬂᬍᬩᬸᬭᬦ᭄ᬫᬵᬮᬍᬢᬸᬄ᭞ᬓᬝᬄᬧᬜ᭄ᬘᭀᬭᬦᬶᬭᬶᬓ᭞ᬢᬹᬃᬫᬯᬵᬱ᭄ᬝᬫᬓᬲᬫᬶ᭟
ᬧᬶᬦᬶᬄᬓᬗᬶᬦ᭄ᬦᬾᬮᬮᬶᬫ᭞ᬧᬜ᭄ᬘᬢᬶᬃᬢ᭄ᬣᬫᬲᭂᬗ᭄ᬓᭂᬃᬭᬾᬄᬓᬧᬶᬗᬶᬢ᭄᭞ᬰᬸᬘᬶᬦᬶᬃᬫᬵᬮᬓᬲᭂᬗ᭄ᬕᬸᬄ᭞ᬫᬯᬵᬱ᭄ᬝᬯᬲᬸᬄᬧᬤ᭞ᬧᬶᬦᬶᬄᬓᬗᬶᬦ᭄ᬩᬜᬸᬦ᭄ᬘᭀᬓᭀᬃᬢᬍᬃᬳᬶᬧᬸᬦ᭄᭞ᬫᬮᬶᬄᬲᬦᬾᬩᭂᬤᬯᬸᬳᬦ᭄᭞ᬢᬶᬃᬢ᭄ᬣᬢᭂᬕ᭄ᬢᭂᬕ᭄ᬓᬯᬵᬱ᭄ᬝᬦᬶᬦ᭄᭟ᬫᬶᬯᬄᬢᬶᬃᬢ᭄ᬣᬰᬸᬤ᭄ᬥᬫᬵᬮ᭞
ᬤᬯᬸᬄᬧᬸᬦᬶᬓᬧᬗ᭄ᬮᬸᬓᬢᬦ᭄ᬫᬮᬶᬄ᭞ᬧᬫᬭᬶᬰᬸᬤ᭄ᬥᬦ᭄ᬲᬶᬓᬯᬸᬄ᭞ᬢᬢ᭄ᬯᬦ᭄‌‌ᬫᬺᬢ᭄ᬣᬲᬶᬯᬫ᭄ᬪ᭞ᬬᬦᬸᬧᬫᬶᬓᬦᬶᬃᬫᬵᬮᬦ᭄ᬢᬶᬃᬢ᭄ᬣ᭠ᬳᭂᬫ᭄ᬧᬸᬮ᭄᭞ᬢᬹᬃᬯᬾᬦ᭄ᬢᭂᬦ᭄ᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬳᬗ᭄ᬕᬾᬦ᭄ᬗᭂᬦ᭄ᬢᬲ᭄ᬳᬦᬓ᭄ᬫᬵᬢᬶ᭟ᬓᬵᬮᬶᬄᬢᬶᬃᬢ᭄ᬣᬧᬩᬺᬲᬶᬳᬦ᭄᭞ᬤᬳᬸᬄᬧᬫᭂᬤᬮ᭄ᬧᬸᬦᬶᬓᬦᬾᬓ
ᬓᬵᬮᬶᬄ᭞ᬧᬩᬺᬲᬶᬳᬦ᭄ᬲᬂᬯᬸᬲ᭄ᬮᬫ᭄ᬧᬸᬲ᭄᭞ᬓᬵᬮᬦᬶᬂᬦᬸᬲᬂᬰᬯ᭞ᬫᬭᬶᬂᬩᬮᬶᬲᬂᬬᭀᬕᬶᬳᬃᬱᬫᬶᬢᬸᬳᬸ᭞ᬧᬗᬶᬫ᭄ᬩᬂᬤ᭠ᬦᬾᬳᬶᬳᬦᬓ᭄᭞ᬲᬚᬘᭂᬦᬶᬂᬫᬥᬾᬯᬢᬶ᭟ᬲᬹᬓ᭄ᬱᭂᬫᬦ᭄ᬜᬢ᭄ᬯᬭᬪᬶᬦ᭞ᬢᬶᬃᬢ᭄ᬣᬳᭂᬫ᭄ᬧᬸᬮ᭄ᬳᬦᬾᬤᬶᬢᬫ᭄ᬧᬓ᭄ᬱᬶᬭᬶᬂ᭞ᬓᬦᬶᬃᬫᬵᬮᬦ᭄ᬜᬦᬾᬧᬢᬸᬄ᭞

[᭗᭕ 75A]
᭗᭕
ᬢᭂᬓᬾᬦᬶᬂᬢᬸᬓᬤ᭄ᬕᬗ᭄ᬕ᭞ᬲᬳᬶᬄᬲᬳᬶᬄᬤᬶᬩᬮᬶᬢᭂᬓᬾᬦ᭄ᬤᬶᬳᬶᬡ᭄ᬥᬸ᭞ᬩᬩ᭄ᬯᬢᬦ᭄ᬰᬯᬧ᭄ᬭᬢᬾᬓ᭞ᬏᬓᬯᬓ᭄ᬬᬪᬶᬦᬰ᭄ᬭᬸᬢᬶ᭟ᬲᬗ᭄ᬓᬦ᭄ᬘᭂᬦᬶᬂᬢ᭄ᬯᬭᬜᬦ᭄ᬤᬂ᭞ᬫᬲᬭᬢᬦ᭄ᬓᬳᬶᬡ᭄ᬥᬸᬮᬓᬃᬗᬮᬶᬄ᭞ᬢᬶᬃᬢ᭄ᬣᬕᬗ᭄ᬕᬧᬢᬶᬓᭂᬧᬸᬕ᭄᭞ᬭᬾᬄᬤᬶᬦᬶᬲᬸᬩᬳᬤ᭞ᬧᬶᬘ᭄ᬙᬦ᭄ᬯᬶᬤ᭄ᬥᬶᬧᬗ᭄ᬮᭂ
ᬩᬸᬭᬦ᭄ᬫᬵᬮᬍᬢᬸᬄ᭞ᬢᬶᬃᬢ᭄ᬣᬳᭂᬫ᭄ᬧᬸᬮᬾᬲᬵᬢ᭄ᬫᬓ᭞ᬢᬶᬃᬢ᭄ᬣᬧᬯᬶᬢ᭄ᬭᬲᬸᬚᬢᬶ᭟ᬬᬦ᭄ᬲᬳᬶᬳᬂᬢᭂᬓᬾᬦ᭄ᬢᬶᬃᬢ᭄ᬣ᭞ᬧᬓᬵᬃ᭠ᬬ᭄ᬬᬦ᭄ᬧᬥᬵᬡ᭄ᬥᬫᬗ᭄ᬤᭀᬄᬲᬢᬦ᭄ᬤᬶᬂ᭞ᬓᬉᬢ᭄ᬢᬫᬦ᭄ᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬫᬓᬵᬤᬶᬢᬶᬃᬢ᭄ᬣᬢᬸᬗ᭄ᬕᬂ᭞ᬤᬶᬩᭂᬲᬓᬶᬄᬫᬲᬶᬄᬧᬗᭂᬦ᭄ᬢᬲ᭄ᬓᬲᭂᬗ᭄ᬕᬸᬄ᭞ᬩᬩ᭄ᬯ᭠
ᬢᬦ᭄ᬰᬯᬧ᭄ᬭᬢᬾᬓ᭞ᬫᬵᬦᬹᬢᬸᬘᬧᬶᬂᬧ᭄ᬭᬰᬱ᭄ᬝᬶ᭟ᬦᬾᬜᬦ᭄ᬤᬂᬩᭀᬩᭀᬢᬂᬤᬾᬯ᭞ᬮᬶᬬᬸᬢᬶᬃᬢ᭄ᬣᬦᬾᬓᬳᬸᬘᬧ᭄ᬤᬶᬩᬮᬶ᭞ᬲᬪᬶᬦᬦᬶᬂᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬓᭀᬦᬾᬢᬶᬃᬢ᭄ᬣᬲᬮᬸᬓᬢ᭄᭞ᬫ᭄ᬯᬂᬫᬗᭂᬦᬶᬂ᭞ᬦᬶᬃᬫᬵᬮᬓᬯᬸᬯᬸᬲ᭄᭞ᬳᬗ᭄ᬕᭀᬦ᭄ᬧᬫᬳᬬᬸᬦ᭄ᬚᬕᬢ᭄᭞
ᬧᬗ᭄ᬮᬸᬓᬢᬦ᭄ᬫᬵᬮᬤᭂᬓᬶᬮ᭄᭟ᬓᬵᬫᬚᬬᬗᭂᬮᬸᬗᬗ᭄ᬕ᭞ᬫᬵᬢᬹᬃᬲᬶᬲᬶᬧ᭄ᬦᬸᬦᬲᬂᬭᬶᬂᬲᬂᬬᭀᬕᬶ᭞ᬳᬫ᭄ᬧᬸᬭᬢᬶᬢ᭄ᬬᬂᬕᬸᬭᬸ᭞ᬧᬸᬭᬸᬦ᭄ᬫᬮᬶᬄᬦᬢᬲᬂ᭞ᬗᬯᬮᬾᬦᬶᬦ᭄ᬲᬶᬭᬓᭀᬘᬧ᭄ᬫᬤᭂᬕ᭄ᬧ᭄ᬭᬪᬹ᭞ᬲᬲᬵᬫ᭄ᬧᬸᬦ᭄ᬰ᭄ᬭᬶᬪᬕᬶᬭᬢ᭞ᬫᬭᬶᬂᬳᬬᭀᬥ᭄ᬬᬲᬸᬫᭂᬦ᭄ᬤᬶ᭟ᬤᬸ᭠